ਗੋਵਿੰਦਾ ਅਤੇ ਸੁਨੀਤਾ ਅਹੁਜਾ ਦੀ ਤਲਾਕ ਦੀਆਂ ਅਫ਼ਵਾਵਾਂ ਤੇ ਚੁੱਪੀ ਟੁੱਟੀ, ਮੈਨੇਜਰ ਨੇ ਕੀਤੀ ਪੁਸ਼ਟੀ
“ਸਿਰਫ਼ ਬਿਜ਼ਨਸ ਦੀਆਂ ਗੱਲਾਂ ਚੱਲ ਰਹੀਆਂ ਨੇ, ਮੈਂ ਆਪਣੀ ਫਿਲਮਾਂ ’ਤੇ ਧਿਆਨ ਦੇ ਰਿਹਾ ਹਾਂ” – ਗੋਵਿੰਦਾ
Govinda silence on divorce : ਬਾਲੀਵੁੱਡ ਦੇ ਪ੍ਰਸਿੱਧ ਅਭਿਨੇਤਾ ਗੋਵਿੰਦਾ ਅਤੇ ਉਨ੍ਹਾਂ ਦੀ ਪਤਨੀ ਸੁਨੀਤਾ ਅਹੁਜਾ ਦੀ ਤਲਾਕ ਦੀਆਂ ਅਫ਼ਵਾਵਾਂ ਪਿਛਲੇ ਕੁਝ ਦਿਨਾਂ ਤੋਂ ਚਰਚਾ ਦਾ ਕੇਂਦਰ ਬਣੀਆਂ ਹੋਈਆਂ ਹਨ। 37 ਸਾਲਾਂ ਦੀ ਵਿਆਹੀ ਜ਼ਿੰਦਗੀ ਤੋਂ ਬਾਅਦ ਦੋਹਾਂ ਦੀ ਵੱਖ ਹੋਣ ਦੀਆਂ ਖਬਰਾਂ ਨੇ ਚਰਚਾ ਜੋਰਾਂ ’ਤੇ ਕਰ ਦਿੱਤੀ ਹੈ।
ਗੋਵਿੰਦਾ ਨੇ ਦਿੱਤਾ ਆਪਣਾ ਬਿਆਨ
ਜਦੋਂ ਗੋਵਿੰਦਾ ਨੂੰ ਉਨ੍ਹਾਂ ਦੀ ਵਿਆਹਸ਼ੁਦਾ ਜ਼ਿੰਦਗੀ ਨੂੰ ਲੈ ਕੇ ਚੱਲ ਰਹੀਆਂ ਚਰਚਾਵਾਂ ਬਾਰੇ ਪੁੱਛਿਆ ਗਿਆ, ਤਾਂ ਉਨ੍ਹਾਂ ਨੇ ETimes ਨਾਲ ਗੱਲਬਾਤ ਦੌਰਾਨ ਕਿਹਾ, “ਸਿਰਫ਼ ਬਿਜ਼ਨਸ ਦੀਆਂ ਗੱਲਾਂ ਚੱਲ ਰਹੀਆਂ ਹਨ… ਮੈਂ ਆਪਣੀ ਫਿਲਮਾਂ ’ਤੇ ਧਿਆਨ ਕੇਂਦਰਤ ਕਰ ਰਿਹਾ ਹਾਂ।”
ਦੂਜੇ ਪਾਸੇ, ਸੁਨੀਤਾ ਅਹੁਜਾ ਨੇ ਤਲਾਕ ਦੀਆਂ ਅਫ਼ਵਾਵਾਂ ’ਤੇ ਕੋਈ ਵੀ ਟਿੱਪਣੀ ਕਰਣ ਤੋਂ ਇਨਕਾਰ ਕਰ ਦਿੱਤਾ ਹੈ।
ਗੋਵਿੰਦਾ ਦੇ ਮੈਨੇਜਰ ਨੇ ਤਲਾਕ ਦੀ ਨੋਟਿਸ ਦੀ ਪੁਸ਼ਟੀ ਕੀਤੀ
ਅਫ਼ਵਾਵਾਂ ਦੇ ਵਿਚਕਾਰ, ਗੋਵਿੰਦਾ ਦੇ ਮੈਨੇਜਰ ਸ਼ਸ਼ੀ ਸਿਨ੍ਹਾ ਨੇ IANS ਨਾਲ ਗੱਲਬਾਤ ਦੌਰਾਨ ਇਹ ਪੁਸ਼ਟੀ ਕੀਤੀ ਕਿ ਸੁਨੀਤਾ ਨੇ ਤਲਾਕ ਦੀ ਲੀਗਲ ਨੋਟਿਸ ਭੇਜੀ ਹੈ।
ਉਨ੍ਹਾਂ ਕਿਹਾ, “ਹਾਲਾਤਾਂ ’ਤੇ ਅਸੀਂ ਨਿਗਾਹ ਰੱਖ ਰਹੇ ਹਾਂ। ਹਾਂ, ਉਨ੍ਹਾਂ ਨੇ ਅਦਾਲਤ ’ਚ ਨੋਟਿਸ ਜਮ੍ਹਾਂ ਕਰਵਾਈ ਹੈ। ਪਰ ਹਾਲਾਂਕਿ ਅਜੇ ਤਕ ਉਨ੍ਹਾਂ ਦੀ ਨੋਟਿਸ ਸਾਡੇ ਤਕ ਨਹੀਂ ਪਹੁੰਚੀ।”
ਉਨ੍ਹਾਂ ਇਹ ਵੀ ਕਿਹਾ ਕਿ “ਸੁਨੀਤਾ ਜੀ ਨੇ ਕੁਝ ਸਮੇਂ ਪਹਿਲਾਂ ਗੋਵਿੰਦਾ ਬਾਰੇ ਕੁਝ ਕਹਿ ਦਿੱਤਾ ਸੀ, ਜਿਸ ਕਾਰਨ ਇਹ ਗੱਲਬਾਤ ਹੋ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ *ਗੋਵਿੰਦਾ ਨੂੰ ਅਭਿਨਯ ਅਤੇ ਡਾਂਸ ਵੀ ਉਨ੍ਹਾਂ ਨੇ ਸਿਖਾਇਆ ਸੀ।”
ਕਪਲ ਦੇ ਰਹਿਣ ਦੇ ਢੰਗ ’ਤੇ ਵੀ ਆਈ ਸਫ਼ਾਈ
ਇਹ ਵੀ ਚਰਚਾ ਹੋ ਰਹੀ ਸੀ ਕਿ ਗੋਵਿੰਦਾ ਅਤੇ ਸੁਨੀਤਾ ਵੱਖ ਰਹਿ ਰਹੇ ਹਨ। ਇਸ ਬਾਰੇ ਗੋਵਿੰਦਾ ਦੇ ਮੈਨੇਜਰ ਨੇ ਸਫ਼ਾਈ ਦਿੰਦਿਆਂ ਕਿਹਾ, “ਉਹ ਵੱਖ ਨਹੀਂ ਰਹਿੰਦੇ। ਗੋਵਿੰਦਾ ਆਪਣੇ ਬੰਗਲੇ ’ਚ ਰਹਿੰਦੇ ਹਨ, ਪਰ ਉਹ ਘਰ ਵੀ ਆਉਂਦੇ ਜਾਂਦੇ ਹਨ।”
ਉਨ੍ਹਾਂ ਦੱਸਿਆ ਕਿ ਗੋਵਿੰਦਾ ਆਪਣੀ ਰਾਜਨੀਤੀ ਅਤੇ ਹੋਰ ਕੰਮਾਂ ਕਰਕੇ ਕਈ ਵਾਰ ਆਪਣੇ ਬੰਗਲੇ ’ਚ ਰਹਿੰਦੇ ਹਨ। ਪਰ ਇਸਦਾ ਮਤਲਬ ਇਹ ਨਹੀਂ ਕਿ ਉਨ੍ਹਾਂ ਦੀ ਵਿਆਹਸ਼ੁਦਾ ਜ਼ਿੰਦਗੀ ਵਿੱਚ ਤਨਾਅ ਹੈ।
ਸੁਨੀਤਾ ਨੇ ਖੁਲਾਸਾ ਕੀਤਾ ਕਿ ਉਹ ਦੁਬਾਰਾ ਗੋਵਿੰਦਾ ਦੀ ਪਤਨੀ ਨਹੀਂ ਬਣਨਾ ਚਾਹੁੰਦੀ
ਇਹ ਸਭ ਚਰਚਾਵਾਂ ਉਸ ਸਮੇਂ ਹੋਰ ਵਧ ਗਈਆਂ ਜਦੋਂ ਸੁਨੀਤਾ ਨੇ ਇੱਕ ਇੰਟਰਵਿਊ ਦੌਰਾਨ ਆਪਣੀ ਵਿਆਹਸ਼ੁਦਾ ਜ਼ਿੰਦਗੀ ਬਾਰੇ ਖੁਲਾਸਾ ਕੀਤਾ।
Hindi Rush ਨਾਲ ਗੱਲਬਾਤ ਦੌਰਾਨ, ਜਦੋਂ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਕੀ ਗੋਵਿੰਦਾ ਰੋਮੈਂਟਿਕ ਨੇ, ਤਾਂ ਉਨ੍ਹਾਂ ਹੱਸਦਿਆਂ ਕਿਹਾ,
“ਮੈਂ ਗੋਵਿੰਦਾ ਨੂੰ ਕਿਹਾ ਹੈ ਕਿ ਅਗਲੇ ਜਨਮ ’ਚ ਉਹ ਮੇਰੇ ਪਤੀ ਨਾ ਬਣਨ। ਉਹ ਕਦੇ ਵੀ ਛੁੱਟੀਆਂ ’ਤੇ ਨਹੀਂ ਜਾਂਦੇ। ਮੈਂ ਇੱਕ ਔਰਤ ਹਾਂ, ਜੋ ਆਪਣੇ ਪਤੀ ਦੇ ਨਾਲ ਘੁੰਮਣ ਚਾਹੁੰਦੀ ਹੈ, ਪਾਣੀ-ਪੁਰੀ ਖਾਣੀ ਚਾਹੁੰਦੀ ਹੈ। ਪਰ ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ ਸਿਰਫ਼ ਕੰਮ ਨੂੰ ਸਮਰਪਿਤ ਕਰ ਦਿੱਤੀ।”
1987 ’ਚ ਹੋਇਆ ਸੀ ਵਿਆਹ, ਲੰਬੇ ਸਮੇਂ ਤਕ ਰੱਖਿਆ ਸੀ ਗੁਪਤ
ਗੋਵਿੰਦਾ ਅਤੇ ਸੁਨੀਤਾ ਨੇ ਮਾਰਚ 1987 ’ਚ ਵਿਆਹ ਕੀਤਾ ਸੀ, ਪਰ ਆਪਣੀ ਸ਼ਾਦੀ ਦੀ ਗੁਪਤ ਰਖਿਆ ਸੀ। ਉਨ੍ਹਾਂ ਨੇ ਆਪਣੀ ਧੀ ਟੀਨਾ (1988) ਦੀ ਪੈਦਾਇਸ਼ ਤੋਂ ਬਾਅਦ ਆਪਣੇ ਵਿਆਹ ਬਾਰੇ ਦੱਸਿਆ। ਉਨ੍ਹਾਂ ਦਾ ਬੇਟਾ ਯਸ਼ਵਰਧਨ 1997 ’ਚ ਪੈਦਾ ਹੋਇਆ।
ਤਲਾਕ ਦੀਆਂ ਚਰਚਾਵਾਂ ’ਚ ਸਚਾਈ ਜਾਂ ਫਿਰ ਸਿਰਫ਼ ਅਫ਼ਵਾਵਾਂ?
ਹੁਣ ਤਕ ਗੋਵਿੰਦਾ ਅਤੇ ਸੁਨੀਤਾ ਵੱਲੋਂ ਕੋਈ ਅਧਿਕਾਰਕ ਤਰੀਕੇ ਨਾਲ ਤਲਾਕ ਬਾਰੇ ਐਲਾਨ ਨਹੀਂ ਹੋਇਆ। ਪਰ ਲੀਗਲ ਨੋਟਿਸ ਦੀ ਪੁਸ਼ਟੀ ਹੋਣ ਦੇ ਬਾਅਦ, ਇਹ ਮਾਮਲਾ ਹੋਰ ਗੰਭੀਰ ਹੋ ਗਿਆ ਹੈ।
