Monalisa Viral Girl/ਸਤਿੰਦਰਪਾਲ ਕੌਰ: ਕਹਿੰਦੇ ਨੇ ਸਾਦਗੀ ਨੂੰ ਸੁੰਦਰਤਾ ਦੀ ਲੋੜ ਨਹੀਂ ਹੁੰਦੀ , ਅੱਖਾਂ ‘ਚ ਡੂੰਘਾਈ ਤੇ ਸ਼ਬਦਾ ‘ਚ ਸੱਚਾਈ ਜਲਦ ਹੀ ਦਿਲਾਂ ਤੱਕ ਪਹੁੰਚ ਜਾਂਦੀ ਹੈ। ਕੁਝ ਅਜਿਹਾ ਹੀ ਹੋਇਆ ਜਦੋਂ ਮੱਧ ਪ੍ਰਦੇਸ਼ ਦੀ ਮੋਨਾਲੀਸਾ ਨਾਮ ਦੀ ਇੱਕ ਕੁੜੀ ਮਹਾਂਕੁੰਭ ਵਿੱਚ ਹਾਰ ਵੇਚਦੇ ਕੈਮਰੇ ਵਿੱਚ ਕੈਦ ਹੋ ਗਈ। ਉਸਦੀਆਂ ਅੱਖਾਂ ਵਿੱਚ ਮਾਸੂਮੀਅਤ ਅਤੇ ਉਸਦੇ ਚਿਹਰੇ ਦੀ ਸਾਦਗੀ ਨੇ ਸੋਸ਼ਲ ਮੀਡੀਆ ਨੂੰ ਹਿਲਾ ਕੇ ਰੱਖ ਦਿੱਤਾ।
ਲੋਕ ਉਸ ਸਮੇਂ ਪਾਗਲ ਹੋ ਗਏ, ਕਹਿੰਦੇ ਸਨ “ਇਹ ਕੁੜੀ ਫਿਲਮ ਵਿੱਚ ਹੋਣੀ ਚਾਹੀਦੀ ਹੈ!” ,ਲੱਗਦਾ ਹੈ ਲੋਕਾਂ ਦਾ ਕਹਿਣਾ ਹੁਣ ਸੱਚ ਹੋ ਗਿਆ ਹੈ। ਮੋਨਾਲੀਸਾ ਦਾ ਪਹਿਲਾ ਗੀਤ ‘ਸਾਦਗੀ’ ਯੂਟਿਊਬ ‘ਤੇ ਰਿਲੀਜ਼ ਹੋ ਗਿਆ ਹੈ ਅਤੇ ਹੁਣ ਉਹ ਕਿਸੇ ਫਿਲਮੀ ਅਦਾਕਾਰਾ ਤੋਂ ਘੱਟ ਨਹੀਂ ਲੱਗ ਰਹੀ। ਪਰ ਖਾਸ ਗੱਲ ਇਹ ਹੈ ਕਿ ਉਸਦੀ ਸਾਦਗੀ ਅੱਜ ਵੀ ਉਹੀ ਹੈ ਜਿਵੇਂ ਪਹਿਲੇ ਦਿਨ ਸੀ।
‘ਸਾਦਗੀ’ ਗੀਤ ਵਿੱਚ, ਮੋਨਾਲੀਸਾ ਨਾ ਸਿਰਫ਼ ਇੱਕ ਨਵੇਂ ਰੂਪ ਵਿੱਚ ਦਿਖਾਈ ਦਿੱਤੀ ਹੈ, ਸਗੋਂ ਉਸਦੇ ਚਿਹਰੇ ‘ਤੇ ਉਹੀ ਮਾਸੂਮ ਚਮਕ ਹੈ ਜੋ ਪਹਿਲਾਂ ਸਾਰਿਆ ਦਾ ਦਿਲ ਜਿੱਤ ਚੁੱਕੀ ਸੀ। ਗਾਣੇ ਵਿੱਚ ਉਸ ਦੇ ਨਾਲ ਹੀਰੋ ਉਤਕਰਸ਼ ਦਿਖਾਈ ਦੇ ਰਿਹਾ ਹੈ, ਜੋ ਖੁਦ ਵੀ ਇੱਕ ਨਵਾਂ ਚਿਹਰਾ ਹਨ ਅਤੇ ਉਸਦੇ ਨਾਲ ਉਸਦੀ ਜੋੜੀ ਹਰ ਫਰੇਮ ਵਿੱਚ ਸ਼ਾਨਦਾਰ ਹੈ। ਇਹ ਗਾਣਾ ਰਿਲੀਜ਼ ਹੁੰਦੇ ਹੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ ਹੈ ਅਤੇ ਲੋਕਾਂ ਦੀ ਪ੍ਰਤੀਕਿਰਿਆ ਬਹੁਤ ਸਪੱਸ਼ਟ ਹੈ “ਸਟਾਰ ਬਣਨ ਲਈ, ਤੁਹਾਨੂੰ ਸਟਾਰਡਮ ਦੀ ਨਹੀਂ, ਸੱਚ ਦੀ ਲੋੜ ਹੈ।”
ਸਭ ਤੋਂ ਮਜ਼ੇਦਾਰ ਪਲ ਉਦੋਂ ਆਇਆ ਜਦੋਂ ਗਾਣੇ ਦੇ ਰਿਲੀਜ਼ ਹੋਣ ਤੋਂ ਬਾਅਦ, ਮੋਨਾਲੀਸਾ ਅਤੇ ਉਤਕਰਸ਼ 1 ਕਰੋੜ ਰੁਪਏ ਦੀ ਇੱਕ ਚਮਕਦਾਰ ਗੱਡੀ ਵਿੱਚ ਇਕੱਠੇ ਬੈਠੇ ਦਿਖਾਈ ਦਿੱਤੇ। ਕਾਰ ਦੀਆਂ ਖਿੜਕੀਆਂ ਵਿੱਚੋਂ ਬਾਹਰ ਦੇਖਦਿਆਂ, ਮੋਨਾਲੀਸਾ ਉਹੀ ਗਾਣਾ ‘ਸਾਦਗੀ’ ਗੁਣਗੁਣਾਉਂਦੀ, ਜਿਵੇਂ ਹਰ ਸ਼ਬਦ ਉਸਦੇ ਦਿਲ ਵਿੱਚੋਂ ਆਇਆ ਹੋਵੇ। ਉਸਦੇ ਨਾਲ, ਉਤਕਰਸ਼ ਵੀ ਉਹੀ ਗਾਣਾ ਮੁਸਕਰਾਉਂਦੇ ਹੋਏ ਦੋਹਰਾ ਰਹੇ ਸੀ, ਜਿਵੇਂ ਦੋਵੇਂ ਆਪਣੇ ਦੁਆਰਾ ਬਣਾਏ ਜਾਦੂ ਵਿੱਚ ਡੁੱਬੇ ਹੋਏ ਹੋਣ। ਉਹ ਪਲ ਕਿਸੇ ਰੋਮਾਂਟਿਕ ਫਿਲਮ ਦਾ ਦ੍ਰਿਸ਼ ਜਾਪਦਾ ਸੀ, ਸਿਰਫ ਫਰਕ ਇਹ ਸੀ ਕਿ ਇਹ ਰੀਲ ਨਹੀਂ, ਸਗੋਂ ਹਕੀਕਤ ਸੀ।
ਇਹ ਵੀਡੀਓ Monalisa Bhosle ਨਾਮ ਦੇ ਐਕਸ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ ਜਿਸਨੂੰ ਹੁਣ ਤੱਕ ਲੱਖਾਂ ਲੋਕ ਦੇਖ ਕੇ ਪਸੰਦ ਵੀ ਕਰ ਚੁੱਕੇ ਹਨ।
