Spain Tourist Protest : ਬਾਰਸੀਲੋਨਾ ਦੀਆਂ ਸੜਕਾਂ ‘ਤੇ ਹਜ਼ਾਰਾਂ ਲੋਕ ਸੈਰ-ਸਪਾਟੇ ਵਿਰੁੱਧ ਪ੍ਰਦਰਸ਼ਨ ਕਰਦੇ ਦੇਖੇ ਗਏ। ਪ੍ਰਦਰਸ਼ਨਕਾਰੀਆਂ ਨੇ ਸ਼ਹਿਰ ਵਿੱਚ ਘੁੰਮ ਰਹੇ ਸੈਲਾਨੀਆਂ ਨੂੰ ਘਰ ਜਾਣ ਲਈ ਕਿਹਾ। ਕੁਝ ਕੈਫ਼ਿਆਂ ਵਿੱਚ ਬੈਠੇ ਸੈਲਾਨੀਆਂ ‘ਤੇ ਪਾਣੀ ਦਾ ਛਿੜਕਾਅ ਕੀਤਾ ਗਿਆ ਅਤੇ ਲਗਜ਼ਰੀ ਦੁਕਾਨਾਂ ‘ਤੇ ਸਟਿੱਕਰ ਚਿਪਕਾਏ ਗਏ ਜਿਨ੍ਹਾਂ ‘ਤੇ ਲਿਖਿਆ ਸੀ, ‘ਇੱਥੇ ਸੈਲਾਨੀਆਂ ਦਾ ਸਵਾਗਤ ਨਹੀਂ ਹੈ।’
ਵਿਰੋਧ ਪ੍ਰਦਰਸ਼ਨ ਵਿੱਚ ਸ਼ਾਮਲ ਮਰੀਨਾ ਨੇ ਕਿਹਾ, “ਅਸੀਂ ਇਸ ਸ਼ਹਿਰ ਵਿੱਚ ਰਹਿਣ ਦੇ ਯੋਗ ਨਹੀਂ ਹਾਂ। ਵਿਦੇਸ਼ਾਂ ਤੋਂ ਆਉਣ ਵਾਲੇ ਲੋਕਾਂ ਕਾਰਨ ਕਿਰਾਏ ਬਹੁਤ ਜ਼ਿਆਦਾ ਹੋ ਗਏ ਹਨ।” ਸਪੇਨ ਅਤੇ ਖਾਸ ਕਰਕੇ ਬਾਰਸੀਲੋਨਾ ਵਿੱਚ ਸੈਰ-ਸਪਾਟਾ ਦੇਸ਼ ਦੀ ਆਰਥਿਕਤਾ ਦਾ ਇੱਕ ਵੱਡਾ ਹਿੱਸਾ ਹੈ। ਪਰ ਹੁਣ ਸਥਾਨਕ ਲੋਕ ਸੈਲਾਨੀਆਂ ਦੀ ਵੱਧਦੀ ਗਿਣਤੀ ਤੋਂ ਪਰੇਸ਼ਾਨ ਹਨ।
1.5 ਕਰੋੜ ਸੈਲਾਨੀ, ਸਿਰਫ਼ 16 ਲੱਖ ਲੋਕ ਸਥਾਨਕ ਹਨ
ਬਾਰਸੀਲੋਨਾ ਦੀ ਆਬਾਦੀ ਲਗਭਗ 1.6 ਮਿਲੀਅਨ ਹੈ, ਪਰ ਪਿਛਲੇ ਸਾਲ ਇੱਥੇ 1.5 ਕਰੋੜ ਤੋਂ ਵੱਧ ਸੈਲਾਨੀ ਆਏ ਸਨ। ਵਿਰੋਧ ਪ੍ਰਦਰਸ਼ਨਾਂ ਦੇ ਦਬਾਅ ਹੇਠ, ਪ੍ਰਸ਼ਾਸਨ ਨੇ 2028 ਤੋਂ ਸੈਲਾਨੀਆਂ ਲਈ ਥੋੜ੍ਹੇ ਸਮੇਂ ਦੇ ਕਿਰਾਏ ‘ਤੇ ਪਾਬੰਦੀ ਲਗਾਉਣ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਤੀਜੇ ਵਜੋਂ 10,000 ਘਰਾਂ ਦੇ ਮਾਲਕਾਂ ਦੇ ਸੈਲਾਨੀ ਰਿਹਾਇਸ਼ੀ ਲਾਇਸੈਂਸ ਰੱਦ ਹੋ ਜਾਣਗੇ।
