ਕੀਨੂ ਨਾ ਸਿਰਫ਼ ਸੁਆਦ ਵਿੱਚ ਲਾਜਵਾਬ ਹੁੰਦਾ ਹੈ, ਸਗੋਂ ਇਹ ਸਿਹਤ ਲਈ ਵੀ ਬਹੁਤ ਫ਼ਾਇਦੇਮੰਦ ਹੈ। ਸੰਤਰੇ ਦੇ ਮੁਕਾਬਲੇ ਕੀਨੂ ਵਿੱਚ ਜੂਸ ਵੱਧ ਹੁੰਦਾ ਹੈ ਅਤੇ ਇਹ ਪੋਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ।
ਸਰਦੀ ਦੇ ਰੁਖਸਤ ਹੋਣ ਅਤੇ ਬਸੰਤ ਦੇ ਆਗਮਨ ਦਾ ਸਮਾਂ ਕੀਨੂ ਖਾਣ ਲਈ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਅਸਲ ਵਿੱਚ, ਕੀਨੂ ਦਾ ਅਸਲੀ ਸੁਆਦ ਅਤੇ ਮਿਠਾਸ ਫਰਵਰੀ ਅਤੇ ਮਾਰਚ ਦੇ ਮਹੀਨੇ ਵਿੱਚ ਹੀ ਪੂਰੀ ਤਰ੍ਹਾਂ ਨਿਖਰ ਕੇ ਆਉਂਦੀ ਹੈ।
ਸਵੇਰੇ ਸਵੇਰੇ ਜਾਂ ਰਾਤ ਦੇ ਸਮੇਂ ਕੀਨੂ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਸ ਦੀ ਤਾਸੀਰ ਠੰਡੀ ਹੁੰਦੀ ਹੈ। ਦੁਪਹਿਰ ਦੀ ਧੁੱਪ ਵਿੱਚ ਕੀਨੂ ਖਾਣਾ ਸਭ ਤੋਂ ਚੰਗਾ ਰਹਿੰਦਾ ਹੈ।
ਕੀਨੂ ਦਾ ਜੂਸ ਪੀਣ ਦੀ ਬਜਾਏ ਇਸ ਨੂੰ ਕੱਟ ਕੇ ਖਾਣਾ ਜ਼ਿਆਦਾ ਲਾਭਦਾਇਕ ਹੈ, ਕਿਉਂਕਿ ਇਸ ਨਾਲ ਤੁਹਾਨੂੰ ਪੂਰਾ ਫਾਈਬਰ ਮਿਲਦਾ ਹੈ।