Haryana News: ਗੁਰੂਗ੍ਰਾਮ ਵਿੱਚ ਮਰੀਜ਼ ਦੇ ਪਿੱਤੇ ਦੀ ਥੈਲੀ ਵਿੱਚੋਂ 8125 ਪੱਥਰੀ ਕਢੀ: ਪੱਥਰੀਆਂ ਦੀ ਗਿਣਤੀ ਕਰਨ ਵਿੱਚ ਲੱਗੇ 6 ਘੰਟੇ

Haryana News: ਗੁਰੂਗ੍ਰਾਮ ਦੇ ਫੋਰਟਿਸ ਮੈਮੋਰੀਅਲ ਰਿਸਰਚ ਇੰਸਟੀਚਿਊਟ ਵਿੱਚ, ਇੱਕ 70 ਸਾਲਾ ਮਰੀਜ਼ ਦੇ ਪਿੱਤੇ ਵਿੱਚੋਂ 8,125 ਪੱਥਰ ਕੱਢੇ ਗਏ। ਡਾਕਟਰਾਂ ਦੀ ਟੀਮ ਨੂੰ ਉਨ੍ਹਾਂ ਨੂੰ ਕੱਢਣ ਵਿੱਚ ਇੱਕ ਘੰਟਾ ਲੱਗਿਆ, ਪਰ ਪੱਥਰਾਂ ਦੀ ਗਿਣਤੀ ਕਰਨ ਦੀ ਪ੍ਰਕਿਰਿਆ 6 ਘੰਟੇ ਚੱਲੀ।

ਬਜ਼ੁਰਗ ਵਿਅਕਤੀ ਕਈ ਸਾਲਾਂ ਤੋਂ ਪੇਟ ਦਰਦ, ਰੁਕ-ਰੁਕ ਕੇ ਬੁਖਾਰ, ਭੁੱਖ ਦੀ ਕਮੀ ਅਤੇ ਕਮਜ਼ੋਰੀ ਦੇ ਨਾਲ-ਨਾਲ ਛਾਤੀ ਅਤੇ ਪਿੱਠ ਵਿੱਚ ਭਾਰੀਪਨ ਤੋਂ ਪੀੜਤ ਸੀ। ਆਪ੍ਰੇਸ਼ਨ ਤੋਂ ਬਾਅਦ, ਮਰੀਜ਼ ਨੂੰ ਇਸ ਤੋਂ ਰਾਹਤ ਮਿਲੀ ਹੈ।

ਇਸ ਕੇਸ ਦੀ ਅਗਵਾਈ ਗੈਸਟਰੋਇੰਟੇਸਟਾਈਨਲ ਓਨਕੋਲੋਜੀ ਦੇ ਡਾਇਰੈਕਟਰ ਡਾ. ਅਮਿਤ ਜਾਵੇਦ ਅਤੇ ਜੀਆਈ ਓਨਕੋਲੋਜੀ, ਮਿਨਿਮਲ ਐਕਸੈਸ ਅਤੇ ਬੈਰੀਆਟ੍ਰਿਕ ਸਰਜਰੀ ਦੇ ਪ੍ਰਿੰਸੀਪਲ ਕੰਸਲਟੈਂਟ ਡਾ. ਨਰੋਲਾ ਯੰਗਰ ਦੀ ਟੀਮ ਨੇ ਕੀਤੀ। ਉਨ੍ਹਾਂ ਦੀ ਅਗਵਾਈ ਹੇਠ, ਡਾਕਟਰਾਂ ਦੀ ਟੀਮ ਨੇ ਪੱਥਰੀਆਂ ਕੱਢੀਆਂ।