Independence Day Security: ਆਉਣ ਵਾਲੇ ਆਜ਼ਾਦੀ ਦਿਵਸ ਨੂੰ ਧਿਆਨ ਵਿੱਚ ਰੱਖਦਿਆਂ ਅੰਮ੍ਰਿਤਸਰ ‘ਚ ਪੁਲਿਸ ਵੱਲੋਂ ਵੱਖ-ਵੱਖ ਥਾਵਾਂ ‘ਤੇ ਸੁਰੱਖਿਆ ਪ੍ਰਬੰਧ ਤੀਬਰ ਕਰ ਦਿੱਤੇ ਗਏ ਹਨ। ਸਲੇਪਰ ਡੋਗਜ਼, ਬੰਬ ਸਕਵਾਡ ਅਤੇ CCTV ਸਹਿਤ ਵੱਖ-ਵੱਖ ਟੀਮਾਂ ਤੈਨਾਤ।
ਅੰਮ੍ਰਿਤਸਰ, 13 ਅਗਸਤ: 15 ਅਗਸਤ ਦੀਆਂ ਤਿਆਰੀਆਂ ਦੇ ਮੱਦੇਨਜ਼ਰ ਅੰਮ੍ਰਿਤਸਰ ਪੁਲਿਸ ਵੱਲੋਂ ਸੂਬੇ ਦੇ ਪ੍ਰਮੁੱਖ ਸ਼ਹਿਰ ‘ਚ ਸੁਰੱਖਿਆ ਪ੍ਰਬੰਧ ਹੋਰ ਵੀ ਕੜੇ ਕਰ ਦਿੱਤੇ ਗਏ ਹਨ। ਸ਼ਹਿਰ ਦੇ ਬੱਸ ਸਟੈਂਡ, ਰੇਲਵੇ ਸਟੇਸ਼ਨ, ਸਰਕਾਰੀ ਦਫ਼ਤਰਾਂ, ਸ਼ਾਪਿੰਗ ਮਾਲਜ਼ ਅਤੇ ਹੋਰ ਭੀੜ-ਭਾੜ ਵਾਲੇ ਇਲਾਕਿਆਂ ਵਿੱਚ ਵਿਸ਼ੇਸ਼ ਜਾਂਚ ਮੁਹਿੰਮ ਚਲਾਈ ਜਾ ਰਹੀ ਹੈ।
DCPI ਆਲਮ ਵਿਜੇ ਸਿੰਘ ਨੇ ਅੱਜ ਬੱਸ ਸਟੈਂਡ ‘ਤੇ ਪੁਲਿਸ ਟੀਮ ਦੇ ਨਾਲ ਚੈਕਿੰਗ ਕੀਤੀ ਅਤੇ ਹਰ ਕੋਣ ਦੀ ਜਾਂਚ ਕੀਤੀ।
ACP ਵਿਸ਼ਾਲ ਜੀਤ ਸਿੰਘ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਦੱਸਿਆ ਕਿ ਪੁਲਿਸ ਕਮਿਸ਼ਨਰ ਗੁਰਮੀਤ ਸਿੰਘ ਭੁੱਲਰ ਦੇ ਨੇਤ੍ਰਿਤਵ ਹੇਠ ਵੱਖ-ਵੱਖ ਖ਼ਾਸ ਟੀਮਾਂ ਅਤੇ ਅਧਿਕਾਰੀਆਂ ਵੱਲੋਂ ਸਿਸਟਮੈਟਿਕ ਚੈਕਿੰਗ ਹੋ ਰਹੀ ਹੈ।
ਸੁਰੱਖਿਆ ਪ੍ਰਬੰਧਾਂ ਵਿੱਚ ਸਲੇਪਰ ਡੋਗਜ਼, ਬੰਬ ਨਿਪਟਾਰਾ ਦਸਤਿਆਂ, ਮੈਟਲ ਡਿਟੈਕਟਰ, ਅਤੇ CCTV ਨਿਗਰਾਨੀ ਸ਼ਾਮਿਲ ਹਨ। ਹਰ ਸ਼ੱਕੀ ਗਤੀਵਿਧੀ ਉੱਤੇ ਨਜ਼ਰ ਰੱਖਣ ਲਈ ਇਲੈਕਟ੍ਰਾਨਿਕ ਮਾਨੀਟਰਿੰਗ ਅਤੇ ਮੈਨੁਅਲ ਸਕੈਨਿੰਗ ਦੋਵਾਂ ਵਰਤੀ ਜਾ ਰਹੀਆਂ ਹਨ।
ਚੰਡੀਗੜ੍ਹ ਸੀਪੀਓ ਵੱਲੋਂ ਜਾਰੀ ਨਿਰਦੇਸ਼ਾਂ ਅਨੁਸਾਰ ਸ਼ਹਿਰ ਦੇ ਹਰ ਸੰਵੇਦਨਸ਼ੀਲ ਸਥਾਨ ‘ਤੇ ਤੈਨਾਤ ਫੋਰਸ ਨੂੰ ਵਧੇਰੇ ਚੌਕਸੀ ‘ਚ ਰਹਿਣ ਦੀ ਹਦਾਇਤ ਦਿੱਤੀ ਗਈ ਹੈ।
ਪੁਲਿਸ ਵੱਲੋਂ ਲੋਕਾਂ ਨੂੰ ਅਪੀਲ:
ਕਿਸੇ ਵੀ ਸ਼ੱਕੀ ਵਿਅਕਤੀ ਜਾਂ ਸਮਾਨ ਦੀ ਜਾਣਕਾਰੀ ਨੇੜਲੇ ਪੁਲਿਸ ਸਟੇਸ਼ਨ ਜਾਂ ਹੈਲਪਲਾਈਨ ਨੰਬਰ ‘112’ ‘ਤੇ ਤੁਰੰਤ ਦੇਣ।
