Punjab News; ਫਰੀਦਕੋਟ ਦੀ ਗਿਆਨੀ ਜੈਲ ਸਿੰਘ ਕਲੋਨੀ ਦੇ ਅੰਦਰ ਪੀਜ਼ਾ ਹੱਟ ਵਾਲੇ ਮਾਲਕਾਂ ਦੀ ਕਾਰ ਦਾ ਸ਼ੀਸ਼ਾ ਇੱਟ ਨਾਲ ਭੰਨ ਕੇ ਇੱਕ ਬਾਇਕ ਸਵਾਰ ਕਾਰ ‘ਚ ਪਈ ਕਰੀਬ 70 ਹਜ਼ਾਰ ਰੁਪਏ ਦੀ ਨਕਦੀ,ਕੁੱਜ ਵਿਦੇਸ਼ੀ ਕਰੰਸੀ ਅਤੇ ਪਰਸ ਚੁੱਕ ਕੇ ਫਰਾਰ ਹੋ ਗਿਆ। ਜਿਸ ਦੀਆਂ ਤਸਵੀਰਾਂ ਨਜ਼ਦੀਕੀ ਲੱਗੇ ਸੀਸੀਟੀਵੀ ਕੈਮਰੇ ‘ਚ ਕੈਦ ਹੋ ਗਈਆਂ।
ਗੋਰਤਲਬ ਹੈ ਕੇ ਇਸੇ ਕਲੋਨੀ ‘ਚ ਫਰੀਦਕੋਟ ਦੇ ਵਿਧਾਇਕ ਗੁਰਦਿੱਤ ਸਿੰਘ ਸੇਖੋਂ ਦੀ ਰਿਹਾਇਸ਼ ਹੈ ਅਤੇ ਕਲੋਨੀ ਦੇ ਗੇਟ ਦੇ ਬਾਹਰ ਹਰ ਵੇਲੇ ਸੁਰੱਖਿਆ ਗਾਰਡ ਮੌਜੂਦ ਰਹਿੰਦਾ ਹੈ ਪਰ ਫਿਰ ਵੀ ਚੋਰ ਵੱਲੋਂ ਹੌਸਲਾ ਕਰ ਇਸ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਗਿਆ।ਉਧਰ ਕਲੋਨੀ ਦੇ ਪ੍ਰਧਾਨ ਐਡਵੋਕੇਟ ਗੁਰਪਾਲ ਸਿੰਘ ਨੇ ਦੱਸਿਆ ਕਿ ਸ਼ੁਕਰਵਾਰ ਦੀ ਘਟਨਾ ਹੈ ਜਦੋ ਕਲੋਨੀ ਦੇ ਬਾਹਰ ਬਣੇ ਸ਼ੋ ਰੂਮ ਜਿਥੇ ਇੱਕ ਪੀਜ਼ਾ ਹੱਟ ਹੈ , ਉਨ੍ਹਾਂ ਦੇ ਮਾਲਕ ਵੱਲੋਂ ਆਪਣੀ ਕਾਰ ਸ਼ੋ ਰੂਮ ਦੀ ਬੇਕ ਸਾਈਡ ਕਲੋਨੀ ਅੰਦਰ ਕਾਰ ਪਾਰਕ ਕੀਤੀ ਸੀ ਜਿਥੇ ਉਕਤ ਬਾਇਕ ਸਵਾਰ ਵੱਲੋਂ ਕਾਰ ਦਾ ਸ਼ੀਸ਼ਾ ਭੰਨ ਕੇ ਕੁਜ ਨਕਦੀ,ਇੱਕ ਪਰਸ ਅਤੇ ਕੁੱਜ ਵਿਦੇਸ਼ੀ ਕਰੰਸੀ ਚੋਰੀ ਕਰ ਲਈ ਗਈ।
ਉਨ੍ਹਾਂ ਕਿਹਾ ਕਿ ਪੀਜ਼ਾ ਹੱਟ ਦਾ ਮਾਲਕ ਕਲੋਨੀ ਦੀ ਸੁਰੱਖਿਆ ਤੇ ਸਵਾਲ ਉਠਾ ਰਿਹਾ ਜਦਕਿ ਉਸ ਵੱਲੋਂ ਪਾਰਕ ਕੀਤੀ ਕਾਰ ਬਾਰੇ ਕੋਈ ਸੂਚਨਾ ਸਕਿਉਰਟੀ ਗਾਰਡ ਨੂੰ ਨਹੀਂ ਦਿੱਤੀ ਗਈ ਜਦਕਿ ਉਨ੍ਹਾਂ ਦੀ ਪਾਰਕਿੰਗ ਸ਼ੋ ਰੂਮ ਦੇ ਸਾਹਮਣੇ ਬਣੀ ਹੋਈ ਹੈ।ਦੂਜੇ ਉਨ੍ਹਾਂ ਕਿਹਾ ਕਿ ਇਮਪਰੂਵਮੈਂਟ ਟ੍ਰਸਟ ਕਲੋਨੀ ਅੰਦਰ ਹੋਰ ਸ਼ੋ ਰੂਮ ਬਣਾਉਣ ਜ਼ਾ ਰਹੀ ਹੈ ਜਿਸ ਨਾਲ ਇਸ ਤਰਾਂ ਦੀਆਂ ਘਟਨਾਵਾਂ ਚ ਵਾਧਾ ਹੋਵੇਗਾ।ਉਨ੍ਹਾਂ ਦੱਸਿਆ ਕਿ ਪੁਲਿਸ ਮੁਤਾਬਿਕ ਚੋਰ ਦੀ ਪਹਿਚਾਣ ਕਰ ਲਈ ਗਈ ਹੈ ਜਲਦ ਹੀ ਉਸਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇਗਾ।
