H-1B ਵੀਜ਼ਾ ਨਿਯਮਾਂ ‘ਚ ਬਦਲਾਅ, ਹੁਣ ਹੋਵੇਗਾ ‘ਸਪੈਸ਼ਲਾਈਜ਼ੇਸ਼ਨ’ ਲਾਜ਼ਮੀ

Changes in H-1B visa rules ;- ਅਮਰੀਕਾ ਨੇ H-1B ਵੀਜ਼ਾ ਨੀਤੀਆਂ ‘ਚ ਵੱਡਾ ਸੋਧ ਕਰਦਿਆਂ, ਹੁਣ ਉਮੀਦਵਾਰਾਂ ਲਈ ‘ਸਿਰਫ਼ ਤਕਨੀਕੀ ਡਿਗਰੀ’ ਹੀ ਨਹੀਂ, ਬਲਕਿ ਖ਼ਾਸ ਵਿਸ਼ੇਸ਼ਤਾ (ਸਪੈਸ਼ਲਾਈਜ਼ੇਸ਼ਨ) ਵੀ ਲਾਜ਼ਮੀ ਕਰ ਦਿੱਤੀ ਹੈ।

ਨਵੇਂ ਨਿਯਮਾਂ ‘ਚ ਕੀ ਹੋਇਆ ਤਬਦੀਲੀ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਹਾਲ ਹੀ ਵਿੱਚ H-1B ਵੀਜ਼ਾ ਨੀਤੀ ‘ਚ ਤਬਦੀਲੀ ਦੀ ਘੋਸ਼ਣਾ ਕੀਤੀ, ਜਿਸ ਅਨੁਸਾਰ ਹੁਣ ਉਮੀਦਵਾਰਾਂ ਨੂੰ ਆਪਣੀ ਖ਼ਾਸ ਤਕਨੀਕੀ ਯੋਗਤਾ ਸਾਬਤ ਕਰਨੀ ਪਵੇਗੀ। ਪਹਿਲਾਂ ਸਿਰਫ਼ ਡਿਗਰੀ ਮਤਲਬੀ ਹੁੰਦੀ ਸੀ, ਪਰ ਹੁਣ ਉਮੀਦਵਾਰ ਦਾ ਕੰਮ ਸਿੱਧਾ ਉਸਦੀ ਵਿਸ਼ੇਸ਼ਤਾ ਨਾਲ ਜੁੜਿਆ ਹੋਣਾ ਚਾਹੀਦਾ ਹੈ।

ਉਦਾਹਰਨ ਵਜੋਂ, ਜੇਕਰ ਕਿਸੇ ਕੋਲ ਕੰਪਿਊਟਰ ਸਾਇੰਸ ਦੀ ਡਿਗਰੀ ਹੈ, ਤਾਂ ਪਹਿਲਾਂ ਉਸਨੂੰ ਆਈਟੀ ਨਾਲ ਸੰਬੰਧਤ ਕਿਸੇ ਵੀ ਨੌਕਰੀ ਲਈ H-1B ਵੀਜ਼ਾ ਮਿਲ ਸਕਦਾ ਸੀ। ਪਰ ਹੁਣ, ਉਨ੍ਹਾਂ ਤੋਂ ਖ਼ਾਸ ਤਕਨੀਕੀ ਹੁਨਰ ਅਤੇ ਤਜਰਬਾ ਵੀ ਮੰਗਿਆ ਜਾਵੇਗਾ।

ਹਰ ਸਾਲ 65,000 H-1B ਵੀਜ਼ੇ ਜਾਰੀ ਕੀਤੇ ਜਾਂਦੇ ਹਨ

H-1B ਵੀਜ਼ਾ ਇੱਕ ਗੈਰ-ਆਵਾਸੀ ਵੀਜ਼ਾ ਹੈ, ਜੋ ਕਿ ਮੁੱਖ ਤੌਰ ‘ਤੇ ਤਕਨੀਕੀ ਖੇਤਰਾਂ ‘ਚ ਕੰਮ ਕਰਦੇ ਵਿਦੇਸ਼ੀ ਮੁਲਾਜ਼ਮਾਂ ਲਈ ਹੁੰਦਾ ਹੈ।
ਅਮਰੀਕਾ ਹਰ ਸਾਲ 65,000 H-1B ਵੀਜ਼ੇ ਜਾਰੀ ਕਰਦਾ ਹੈ, ਜਿਨ੍ਹਾਂ ‘ਚੋਂ ਕਈ ਵੀਜ਼ੇ ਭਾਰਤੀ ਨਾਗਰਿਕਾਂ ਨੂੰ ਮਿਲਦੇ ਹਨ।

H-1B ਵੀਜ਼ਾ ਰਾਹੀਂ ਆਏ ਨੌਜਵਾਨ ਆਪਣੀ ਪਤਨੀ ਅਤੇ ਬੱਚਿਆਂ ਨੂੰ ਵੀ ਨਾਲ ਰੱਖ ਸਕਦੇ ਹਨ। ਇਹ ਤਿੰਨ ਸਾਲ ਲਈ ਜਾਰੀ ਹੁੰਦਾ ਹੈ, ਪਰ ਇਸਨੂੰ 6 ਸਾਲ ਤੱਕ ਵਧਾਇਆ ਜਾ ਸਕਦਾ ਹੈ।

ਭਾਰਤੀ ਕੰਪਨੀਆਂ H-1B ਵੀਜ਼ਾ ਲੈਣ ‘ਚ ਅੱਗੇ

ਅਮਰੀਕੀ ਇਮੀਗ੍ਰੇਸ਼ਨ ਵਿਭਾਗ ਵੱਲੋਂ ਜਾਰੀ ਕੀਤੇ ਨਵੇਂ ਅੰਕੜਿਆਂ ਅਨੁਸਾਰ, 2024 ਦੇ ਦੂਜੇ ਅੱਧ (ਅਪ੍ਰੈਲ-ਸਤੰਬਰ) ‘ਚ, ਕੁੱਲ 1.3 ਲੱਖ H-1B ਵੀਜ਼ੇ ਜਾਰੀ ਕੀਤੇ ਗਏ।

ਇਨ੍ਹਾਂ ‘ਚੋਂ 24,766 ਵੀਜ਼ੇ ਭਾਰਤੀ ਆਈਟੀ ਕੰਪਨੀਆਂ ਨੂੰ ਮਿਲੇ, ਜੋ ਕਿ ਕੁੱਲ ਵੀਜ਼ਿਆਂ ਦਾ 20% ਹੈ।

ਨਵੇਂ ਨਿਯਮ ਭਾਰਤੀ ਯੁਵਾ ਉਮੀਦਵਾਰਾਂ ‘ਤੇ ਕੀ ਅਸਰ

• ਹੁਣ ਉਮੀਦਵਾਰਾਂ ਨੂੰ ਆਪਣੀ ਖ਼ਾਸ ਤਕਨੀਕੀ ਯੋਗਤਾ ਅਤੇ ਤਜਰਬਾ ਸਾਬਤ ਕਰਨਾ ਪਵੇਗਾ।
• ਸਿਰਫ਼ ਡਿਗਰੀ ਹੋਣ ‘ਤੇ ਵੀਜ਼ਾ ਮਿਲਣਾ ਮੁਸ਼ਕਲ ਹੋਵੇਗਾ।
• ਭਾਰਤੀ ਆਈਟੀ ਕੰਪਨੀਆਂ ਨੂੰ ਹੁਣ ਵੀਜ਼ੇ ਲੈਣ ਲਈ ਹੋਰ ਸਖ਼ਤ ਨਿਯਮਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

H-1B ਵੀਜ਼ੇ ‘ਚ ਇਹ ਤਬਦੀਲੀ ਭਵਿੱਖ ‘ਚ ਹੋਰ ਕਿਹੜੇ ਨਵੇਂ ਨਿਯਮ ਲਿਆ ਸਕਦੀ ਹੈ?

ਅਮਰੀਕਾ ‘ਚ ਵਧ ਰਹੀ ਨੌਕਰੀ ਦੀ ਮੰਗ ਅਤੇ ਵਿਦੇਸ਼ੀ ਮੁਲਾਜ਼ਮਾਂ ਨੂੰ ਲੈ ਕੇ ਆ ਰਹੀਆਂ ਨਵੀਆਂ ਨੀਤੀਆਂ ਦੇ ਚਲਦਿਆਂ, ਇਹ ਸੰਭਾਵਨਾ ਹੈ ਕਿ ਅਗਲੇ ਕੁਝ ਸਾਲਾਂ ‘ਚ H-1B ਵੀਜ਼ੇ ਲਈ ਹੋਰ ਵੀ ਨਵੇਂ ਨਿਯਮ ਲਾਗੂ ਕੀਤੇ ਜਾਣ।