Firing in Ferozepur in Two Gangs: ਸੂਤਰਾਂ ਮੁਤਾਬਕ ਇਨ੍ਹਾਂਂ ਦੋਵਾਂ ਗੈਂਗ ਵਿਚਾਲੇ ਲੜਾਈ ਨਸ਼ਾ ਵੇਚਣ ਅਤੇ ਹਥਿਆਰਾਂ ਨੂੰ ਲੈ ਕੇ ਚਲੀ ਆ ਰਹੀ ਹੈ। ਜੇਲ੍ਹ ‘ਚ ਬੈਠੇ ਨਸ਼ਾ ਤਸਕਰ ਇਸਦੀ ਪਟਕਥਾ ਲਿੱਖ ਰਹੇ ਹਨ।
Gangwar in Ferozepur: ਬੀਤੇ ਦਿਨ ਫਿਰੋਜ਼ਪੁਰ ਦੀਆਂ ਸੜਕਾਂ ‘ਤੇ ਦੋ ਧਿਰਾਂ ਵਿਚਾਲੇ ਗੋਲੀਬਾਰੀ ਮਾਮਲੇ ਨੂੰ ਲੈ ਕੇ ਪੁਲਿਸ ਨੇ ਦੋ ਆਰੋਪੀਆਂ ਨੂੰ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ ਹੈ। ਇਸ ਬਾਬਤ ਜਾਣਕਾਰੀ ਦਿੰਦੇ ਹੋਏ ਐਸਐਸਪੀ ਫਿਰੋਜ਼ਪੁਰ ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਗੋਲੀਬਾਰੀ ਮਾਮਲੇ ਵਿੱਚ ਦੋਵਾਂ ਧਿਰਾਂ ‘ਤੇ ਮੁਕਦਮਾ ਦਰਜ ਕੀਤਾ ਗਿਆ। ਤੇ ਇਸ ਵਿੱਚ ਦੋ ਆਰੋਪੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਐਸਐਸਪੀ ਮੁਤਾਬਕ ਪਿਛਲੇ ਕਾਫੀ ਸਮੇਂ ਤੋਂ ਦੋਵਾਂ ਧਿਰਾਂ ਵਿਚਾਲੇ ਤਕਰਾਰ ਚਲਦੀ ਆ ਰਹੀ ਸੀ। ਜਿਸ ਨੇ ਖੂਨੀ ਸੰਘਰਸ਼ ਅਖ਼ਤਿਆਰ ਕੀਤਾ ਅਤੇ ਇੱਕ-ਦੂਜੇ ‘ਤੇ ਗੋਲੀਬਾਰੀ ਕੀਤੀ। ਇਸ ਵਾਰਦਾਤ ਵਿੱਚ ਆਸ਼ੂ ਮੌਂਗਾ ਨਾਂ ਦੇ ਯੁਵਕ ਦੀ ਮੌਤ ਹੋ ਗਈ। ਦੋਨਾਂ ਧਿਰਾਂ ‘ਤੇ ਹੋਈ ਕਰੌਸ ਮੁਕਦਮੇ ਵਿੱਚ ਪੁਲਿਸ ਨੇ ਜਿਹੜਾ ਪਹਿਲਾ ਮੁਕਦਮਾ ਦਰਜ ਕੀਤਾ ਹੈ ਉਸ ਵਿੱਚ ਸੱਤ ਆਰੋਪੀ ਹਨ ਜਿਨ੍ਹਾਂ ਵਿੱਚ ਵਿਦੇਸ਼ ਬੈਠਾ ਗੈਂਗਸਟਰ ਆਸ਼ੀਸ਼ ਚੋਪੜਾ ਅਤੇ ਜੇਲ੍ਹ ਵਿੱਚ ਬੈਠਾ ਨਸ਼ਾ ਤਸਕਰ ਅਮਰੀਕ ਸਿੰਘ ਅਮਰੀਕਾ ਵੀ ਸ਼ਾਮਿਲ ਦੱਸੇ ਜਾ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਦੋਵਾਂ ਧਿਰਾਂ ਦੇ ਆਰੋਪੀਆਂ ਉੱਪਰ ਮੁਕਦਮਾ ਦਰਜ ਕੀਤਾ ਗਿਆ ਹੈ।ਜ਼ਿਆਦਾਤਰ ਉਪਰ ਪਹਿਲਾਂ ਤੋਂ ਹੀ ਕਈ ਮੁਕਦਮੇ ਦਰਜ ਹਨ। ਇਸ ਕਾਂਡ ‘ਚ ਜਿਸ ਆਸੂ ਮੋਗਾ ਦੀ ਮੌਤ ਹੋਈ ਹੈ ਉਸ ‘ਤੇ ਵੀ ਪਹਿਲਾਂ ਹੀ ਕਈ ਅਪਰਾਧਿਕ ਮਾਮਲੇ ਦਰਜ ਸੀ। ਸੂਤਰਾਂ ਮੁਤਾਬਕ ਇਹ ਗੈਂਗਵਾਰ ਫਿਰੋਜ਼ਪੁਰ ‘ਚ ਵਰਚਸ ਦੀ ਲੜਾਈ ਨੂੰ ਲੈ ਕੇ ਹੋਈ ਹੈ। ਵਿਦੇਸ਼ ਵਿੱਚ ਬੈਠਾ ਆਸ਼ੀਸ਼ ਚੋਪੜਾ ਫਿਰੋਜ਼ਪੁਰ ਵਿੱਚ ਆਪਣੇ ਗੈਂਗ ਦਾ ਵਰਚਸਵ ਬਣਾਉਣਾ ਚਾਹੁੰਦਾ ਹੈ ਅਤੇ ਦੂਜੇ ਪਾਸੇ ਨਾਟਾ ਗੈਂਗ ਫਿਰੋਜ਼ਪੁਰ ਵਿੱਚ ਆਪਣਾ ਵਰਚਸ ਕਾਇਮ ਰੱਖਣਾ ਚਾਹੁੰਦਾ ਹੈ ਜਿਸ ਨੂੰ ਲੈ ਕੇ ਪਹਿਲਾਂ ਵੀ ਦੋਵਾਂ ਧਿਰਾਂ ਵਿਚਾਲੇ ਕਈ ਵਾਰ ਗੈਂਗਵਾਰ ਦੇਖਣ ਨੂੰ ਮਿਲੀ ਹੈ।
ਸੂਤਰਾਂ ਮੁਤਾਬਕ ਇਨ੍ਹਾਂਂ ਦੋਵਾਂ ਗੈਂਗ ਵਿਚਾਲੇ ਲੜਾਈ ਨਸ਼ਾ ਵੇਚਣ ਅਤੇ ਹਥਿਆਰਾਂ ਨੂੰ ਲੈ ਕੇ ਚਲੀ ਆ ਰਹੀ ਹੈ। ਜੇਲ੍ਹ ‘ਚ ਬੈਠੇ ਨਸ਼ਾ ਤਸਕਰ ਇਸਦੀ ਪਟਕਥਾ ਲਿੱਖ ਰਹੇ ਹਨ। ਸਰਹੱਦ ਪਾਰ ਤੋਂ ਆ ਰਹੀ ਹੈਰੋਇਨ ਦਾ ਕਾਰੋਬਾਰ ਸੈਂਕੜੇ ਕਰੋੜਾਂ ਰੁਪਏ ਦਾ ਹੈ ਅਤੇ ਜਿਸ ਨੂੰ ਲੈ ਕੇ ਇਹ ਸਾਰੀ ਗੈਂਗਵਾਰ ਚੱਲ ਰਹੀ ਹੈ।
ਹਾਲਾਂਕਿ ਪੁਲਿਸ ਇਸ ਨੂੰ ਗੈਂਗਵਾਰ ਨਾ ਦੱਸਦੇ ਹੋਏ ਦੋ ਧਿਰਾਂ ਵਿਚਾਲੇ ਪੁਰਾਣੀ ਰੰਜਿਸ਼ ਦੱਸ ਰਹੀ ਹੈ। ਇਸ ਦੌਰਾਨ ਹੋਏ ਕਤਲ ਦੇ ਮੁਕਦਮੇ ਵਿੱਚ ਪੁਲਿਸ ਵੱਲੋਂ ਜੇਲ੍ਹ ਬੈਠੇ ਨਸ਼ਾ ਤਸਕਰ ਅਮਰੀਕ ਸਿੰਘ ਅਤੇ ਵਿਦੇਸ਼ ਬੈਠੇ ਗੈਂਗਸਟਰ ਆਸ਼ੀਸ਼ ਚੋਪੜਾ ਸਣੇ 7 ਲੋਕਾਂ ਨੂੰ ਬਾਈ ਨੇਮ ਅਤੇ ਪੰਜ ਅਣਪਛਾਤਿਆਂ ਖਿਲਾਫ ਮੁਕਦਮ ਦਰਜ ਕੀਤਾ ਹੈ, ਜਦੋਂਕਿ ਕ੍ਰੋਸ ਕੇਸ ਵਿੱਚ ਦੂਜੀ ਧਿਰ ਖਿਲਾਫ 6 ਆਰੋਪੀਆਂ ਦੇ ਵਿਰੁੱਧ ਮੁਕਦਮਾ ਦਰਜ ਕੀਤਾ ਗਿਆ ਹੈ। ਉਨ੍ਹਾਂ ‘ਤੇ ਵੀ ਆਮਜ ਐਕਟ, ਕਤਲ ਦੀ ਕੋਸ਼ਿਸ਼ ਸਣੇ ਬੀਐਨਐਸ ਦੀ ਵੱਖ-ਵੱਖ ਧਾਰਾਵਾਂ ਤਹਿਤ ਮੁਕਦਮਾ ਦਰਜ ਕੀਤਾ ਗਿਆ ਹੈ। ਹੁਣ ਤੱਕ ਪੁਲਿਸ ਨੇ ਦੋ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਦੋਂਕਿ ਬਾਕੀਆਂ ਦੀ ਭਾਲ ਜਾਰੀ ਹੈ। ਪੁਲਿਸ ਜਲਦ ਹੀ ਉਨ੍ਹਾਂ ਨੂੰ ਵੀ ਫੜ ਲੈਣ ਦਾ ਦਾਅਵਾ ਕਰ ਰਹੀ।
