Kangana Ranaut ਨੇ ਹਾਲ ਹੀ ‘ਚ ਆਪਣੇ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ, ਜੋ ਹੁਣ ਬਹੁਤ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿਸ ਵਿੱਚ ਉਹ ਮੋਰ ਵਾਂਗ ਨੱਚਦੀ ਦਿਖਾਈ ਦੇ ਰਹੀ ਹੈ।
Kangana Ranaut Gets Trolled For Pakistani Song: ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ, ਭਾਰਤ ਨੇ ‘ਆਪ੍ਰੇਸ਼ਨ ਸਿੰਦੂਰ’ ਰਾਹੀਂ ਪਾਕਿਸਤਾਨ ਨੂੰ ਢੁਕਵਾਂ ਜਵਾਬ ਦਿੱਤਾ। ਕਈ ਬਾਲੀਵੁੱਡ ਸਟਾਰਸ ਨੇ ਆਪ੍ਰੇਸ਼ਨ ਸਿੰਦੂਰ ਨੂੰ ਆਪਣਾ ਸਮਰਥਨ ਦਿਖਾਇਆ। ਕੰਗਨਾ ਰਣੌਤ ਵੀ ਇਸ ਵਿੱਚ ਪਿੱਛੇ ਨਹੀਂ ਰਹੀ। ਉਸਨੇ ਵੀ ਬਹੁਤ ਉਤਸ਼ਾਹ ਨਾਲ ਦੇਸ਼ ਭਗਤੀ ਦੀਆਂ ਪੋਸਟਾਂ ਪੋਸਟ ਕੀਤੀਆਂ। ਸਿੰਦੂਰ ਆਪ੍ਰੇਸ਼ਨ ਦਾ ਸਮਰਥਨ ਕੀਤਾ। ਭਾਰਤੀ ਫੌਜ ਨੂੰ ਉਤਸ਼ਾਹਿਤ ਕੀਤਾ ਅਤੇ ਪਾਕਿਸਤਾਨ ਦੀ ਸਖ਼ਤ ਆਲੋਚਨਾ ਕੀਤੀ। ਪਰ ਭਾਜਪਾ ਸੰਸਦ ਮੈਂਬਰ ਅਤੇ ਬਾਲੀਵੁੱਡ ਐਕਟਰਸ ਕੰਗਨਾ ਰਣੌਤ ਹੁਣ ਇੱਕ ਨਵੇਂ ਵਿਵਾਦ ਕਾਰਨ ਖ਼ਬਰਾਂ ਵਿੱਚ ਹੈ।
ਦਰਅਸਲ, ਉਸਦਾ ਇੱਕ 36 ਸਕਿੰਟ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸਨੂੰ ਉਸਨੇ ਖੁਦ ਆਪਣੇ ਇੰਸਟਾ ਅਕਾਊਂਟ ਰਾਹੀਂ ਸਾਂਝਾ ਕੀਤਾ ਹੈ। ਇਹ ਵੀਡੀਓ ਜੈਪੁਰ ਦੀ ਆਪਣੀ ਫੇਰੀ ਦੌਰਾਨ ਇੱਕ ਪੰਜ ਸਿਤਾਰਾ ਹੋਟਲ ਦਾ ਦੱਸਿਆ ਜਾ ਰਿਹਾ ਹੈ। ਇਸ ਵੀਡੀਓ ਦੇ ਬੈਕਗ੍ਰਾਊਂਡ ਗੀਤ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ, ਜਿਸਨੂੰ ਪਾਕਿਸਤਾਨੀ ਦੱਸਿਆ ਜਾ ਰਿਹਾ ਹੈ। ਇਸ ਵੀਡੀਓ ਵਿੱਚ, ਕੰਗਨਾ ਇੱਕ ਮੋਰ ਦੇ ਸਾਹਮਣੇ ਨੱਚਦੀ ਅਤੇ ਅੰਬ ਦੇ ਦਰੱਖਤ ਤੋਂ ਕੱਚੇ ਅੰਬ ਤੋੜਦੀ ਦਿਖਾਈ ਦੇ ਰਹੀ ਹੈ। ਪਰ ਸਾਰਿਆਂ ਦਾ ਧਿਆਨ ਬੈਕਗ੍ਰਾਊਂਡ ਵਿੱਚ ਚੱਲ ਰਹੇ ਗਾਣੇ ਵੱਲ ਜਾ ਰਿਹਾ ਹੈ।
ਇੱਥੇ ਕਲਿੱਕ ਕਰਕੇ ਦੇਖੋ ਕੰਗਨਾ ਰਣੌਤ ਦੀ ਇੰਸਟਾਗ੍ਰਾਮ ਵੀਡੀਓ
ਇਸ ਦੇ ਨਾਲ ਹੀ, ਉਸਨੇ ਇੱਕ ਜ਼ੋਰਦਾਰ ਕੈਪਸ਼ਨ ਵੀ ਲਿਖਿਆ, ਉਸਨੇ ਆਪਣੇ ਫੈਨਸ ਨੂੰ ਅਪੀਲ ਕੀਤੀ ਕਿ ਜ਼ਿੰਦਾ ਰਹਿਣ ਲਈ ਸਿਰਫ਼ ਜ਼ਿੰਦਾ ਰਹਿਣਾ ਜ਼ਰੂਰੀ ਨਹੀਂ ਹੈ, ਜ਼ਿੰਦਗੀ ਦੇ ਪਿੱਛੇ ਵੀ ਕੋਈ ਖਾਸ ਮਕਸਦ ਹੋਣਾ ਚਾਹੀਦਾ ਹੈ। ਕੰਗਨਾ ਦੀ ਇੰਸਟਾਗ੍ਰਾਮ ਰੀਲ ਵਿੱਚ ਸਭ ਕੁਝ ਠੀਕ ਹੈ, ਪਰ ਜੇਕਰ ਤੁਸੀਂ ਬੈਕਗ੍ਰਾਊਂਡ ਵਿੱਚ ਚੱਲ ਰਹੇ ਗੀਤ ਵੱਲ ਧਿਆਨ ਦਿੱਤਾ ਹੈ, ਤਾਂ ਇਹ ਗੀਤ ‘ਰਾਂਝਿਆ ਵੇ’ ਹੈ। ਇਹ ਇੱਕ ਪਾਕਿਸਤਾਨੀ ਗੀਤ ਹੈ ਅਤੇ ਇਸ ਗੀਤ ਵਿੱਚ ਜੇਨ ਜ਼ੋਹੇਬ ਦੀ ਆਵਾਜ਼ ਵੀ ਸੁਣਾਈ ਦੇ ਰਹੀ ਹੈ
ਦੱਸ ਦਈਏ ਕਿ ਇੱਕ ਪਾਸੇ, ਕੰਗਨਾ ਰਣੌਤ ਨੇ ਸਿੰਦੂਰ ਆਪਰੇਸ਼ਨ ਦਾ ਸਮਰਥਨ ਕੀਤਾ ਅਤੇ ਪਾਕਿਸਤਾਨ ਦੀ ਆਲੋਚਨਾ ਕੀਤੀ, ਪਰ ਉਹ ਆਪਣੀਆਂ ਰੀਲਾਂ ਵਿੱਚ ਇੱਕ ਪਾਕਿਸਤਾਨੀ ਕਲਾਕਾਰ ਦਾ ਗੀਤ ਅਤੇ ਇੱਕ ਪਾਕਿਸਤਾਨੀ ਗੀਤ ਇਸਤੇਮਾਲ ਕਰ ਰਹੀ ਹੈ। ਇਸ ਕਾਰਨ, ਲੋਕ ਉਸ ‘ਤੇ ਗੁੱਸੇ ਵਿੱਚ ਦਿਖਾਈ ਦੇ ਰਹੇ ਹਨ, ਉਸਨੂੰ ਗੱਦਾਰ ਵੀ ਕਿਹਾ ਗਿਆ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਕੀ ਉਸਨੇ ਇਹ ਗੀਤ ਜਾਣਬੁੱਝ ਕੇ ਪਾਇਆ ਹੈ ਜਾਂ ਉਸਨੇ ਅਣਜਾਣੇ ਵਿੱਚ ਇਹ ਗਲਤੀ ਕੀਤੀ ਹੈ?
