21.49 ਲੱਖ ਰੁਪਏ ‘ਚ ਲਾਂਚ ਹੋਈ ਟਾਟਾ Harrier.ev , ਇੱਕ ਵਾਰ ਚਾਰਜ ਕਰਨ ‘ਤੇ 627 ਕਿਲੋਮੀਟਰ ਦੀ ਰੇਂਜ, ਫੀਚਰਸ ਇੰਨੇ ਕੀ ਗਿਣਦੇ-ਗਿਣਦੇ ਥੱਕ ਜਾਓਗੇ
Tata Motors ਵਲੋਂ ਭਾਰਤੀ ਬਾਜ਼ਾਰ ਵਿੱਚ ਇੱਕ ਨਵੀਂ ਕਾਰ ਲਾਂਚ ਕੀਤੀ ਗਈ ਹੈ। ਇਹ ਕਾਰ Tata Harrier.ev ਹੈ। ਇਸ ਕਾਰ ਵਿੱਚ ਬਹੁਤ ਸਾਰੇ ਫੀਚਰਸ ਹਨ, ਜੋ ਕਿ ਹੋਰ EV ਕਾਰਾਂ ‘ਚ ਨਹੀਂ ਮਿਲਦੇ।
Tata Harrier.ev Launch in India: Tata Motors ਨੇ ਅੱਜ (3 ਜੂਨ) ਭਾਰਤ ਵਿੱਚ ਆਪਣੀ ਫੇਮਸ SUV Harrier.ev ਲਾਂਚ ਕੀਤੀ ਹੈ। ਇਸਦੀ ਐਕਸ-ਸ਼ੋਰੂਮ ਕੀਮਤ 21.49 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਕੀਮਤ ਗਾਹਕਾਂ ਨੂੰ ਆਕਰਸ਼ਿਤ ਕਰ ਸਕਦੀ ਹੈ। ਨਵੀਂ Harrier.ev ਦੋ ਬੈਟਰੀ ਪੈਕਾਂ ਦੇ ਨਾਲ ਪੇਸ਼ ਕੀਤੀ ਗਈ ਹੈ। ਇਸ SUV ਵਿੱਚ 65kWh ਤੇ 75mWh ਬੈਟਰੀ ਪੈਕ ਮਿਲਣਗੇ।
ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਸਿਰਫ਼ 15 ਮਿੰਟ ਦੀ ਚਾਰਜਿੰਗ ‘ਤੇ ਕਾਰ 250 ਕਿਲੋਮੀਟਰ ਚੱਲੇਗੀ। ਕੰਪਨੀ ਮੁਤਾਬਕ ਇਹ ਕਾਰ ਤੁਹਾਡੇ ਸਮਾਰਟਫੋਨ ਨਾਲੋਂ ਤੇਜ਼ੀ ਨਾਲ ਚਾਰਜ ਹੋਵੇਗੀ। Harrier.ev ਦੀ ਬੈਟਰੀ ‘ਤੇ ਲਾਈਫਟਾਈਮ ਵਾਰੰਟੀ ਦਿੱਤੀ ਜਾ ਰਹੀ ਹੈ। ਹੁਣ ਜਾਣੋ ਇਸ ਕਾਰ ਵਿੱਚ ਹੋਰ ਕੀ ਖਾਸ –
ਫੁੱਲ-ਸਾਈਜ਼ SUV ਦੇ ਇਲੈਕਟ੍ਰਿਕ ਵਰਜ਼ਨ ਦੀ ਲੰਬੇ ਸਮੇਂ ਤੋਂ ਉਡੀਕ ਕੀਤੀ ਜਾ ਰਹੀ ਸੀ। ਕੰਪਨੀ ਨੇ ਇਸ ਸਾਲ ਜਨਵਰੀ ਵਿੱਚ ਆਟੋ ਐਕਸਪੋ ਵਿੱਚ ਇਸ ਕਾਰ ਦਾ ਉਦਘਾਟਨ ਕੀਤਾ ਸੀ। ਉਦੋਂ ਤੋਂ, ਇਸਦੀ ਲਾਂਚਿੰਗ ਲਈ ਬੇਸਬਰੀ ਹੋਰ ਵੱਧ ਗਈ ਸੀ। ਹੁਣ ਇਹ ਕਾਰ ਤਿਆਰ ਹੈ ਅਤੇ ਇਸ ਵਿੱਚ ਕਈ ਸ਼ਾਨਦਾਰ ਵਿਸ਼ੇਸ਼ਤਾਵਾਂ ਦਿੱਤੀਆਂ ਗਈਆਂ ਹਨ। ਇਸਦੀ ਸ਼ੁਰੂਆਤੀ ਕੀਮਤ 21.49 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ ਅਤੇ ਇਸਦੀ ਬੁਕਿੰਗ 2 ਜੁਲਾਈ ਤੋਂ ਸ਼ੁਰੂ ਹੋਵੇਗੀ।
Tata Harrier.ev ਦੇ ਸਪੈਸੀਫਿਕੇਸ਼ਨ
ਇਹ ਕਾਰ 2 ਬੈਟਰੀ ਪੈਕ ਵਿੱਚ ਉਪਲਬਧ ਹੋਵੇਗੀ। ਇਸ ਕਾਰ ਵਿੱਚ 65 kWh ਅਤੇ 75 kWh ਦਾ ਵਿਕਲਪ ਹੈ। ਇਹ ਕਾਰ ਇੱਕ ਵਾਰ ਚਾਰਜ ਕਰਨ ‘ਤੇ 627 ਕਿਲੋਮੀਟਰ ਤੱਕ ਦੀ ਰੇਂਜ ਦੇਣ ਦਾ ਦਾਅਵਾ ਕਰਦੀ ਹੈ। ਇਸ ਕਾਰ ਨੂੰ ਸੁਪਰਫਾਸਟ ਚਾਰਜਰ ਨਾਲ 0-80 ਪ੍ਰਤੀਸ਼ਤ ਤੱਕ ਚਾਰਜ ਕੀਤਾ ਜਾ ਸਕਦਾ ਹੈ।
ਇਸ ਤੋਂ ਇਲਾਵਾ, ਇਹ EV 6.5 ਸਕਿੰਟ ਵਿੱਚ 0-100 ਤੱਕ ਤੇਜ਼ ਹੋ ਜਾਵੇਗੀ। ਕਾਰ ਵਿੱਚ ਦਿੱਤਾ ਗਿਆ ਮੋਟਰ 504 Nm ਦਾ ਟਾਰਕ ਪੈਦਾ ਕਰੇਗਾ। ਇਹ ਇਸ ਸੈਗਮੈਂਟ ਵਿੱਚ ਸਭ ਤੋਂ ਵੱਧ ਹੈ। ਇਸ ਕਾਰ ਨੂੰ ਫਾਸਟ ਚਾਰਜਰ ਦੀ ਮਦਦ ਨਾਲ 15 ਮਿੰਟਾਂ ਵਿੱਚ 250 ਕਿਲੋਮੀਟਰ ਤੱਕ ਚਾਰਜ ਕੀਤਾ ਜਾ ਸਕਦਾ ਹੈ। ਦੱਸ ਦੇਈਏ ਕਿ ਕਾਰ ਵਿੱਚ ਦਿੱਤੀ ਗਈ ਮੋਟਰ ਘਰੇਲੂ ਤੌਰ ‘ਤੇ ਬਣਾਈ ਗਈ ਹੈ। ਇਹ ਕਾਰ QWD, RWD ਮਾਡਲਾਂ ਵਿੱਚ ਆਵੇਗੀ।
ਕਾਰ ‘ਚ ਹੋਰ ਕਈ ਫੀਚਰਸ
ਫੀਚਰਸ ਦੀ ਗੱਲ ਕਰੀਏ ਤਾਂ ਕੰਪਨੀ ਨੇ ਇਸ ਕਾਰ ਨੂੰ ਫੀਚਰ ਲੋਡਡ ਕਾਰ ਨਾਲ ਲਾਂਚ ਕੀਤਾ ਹੈ। ਇਸ ਕਾਰ ਵਿੱਚ ਆਟੋਮੇਟਿਡ ਪਾਰਕਿੰਗ ਅਸਿਸਟ ਦਿੱਤਾ ਗਿਆ ਹੈ। ਯਾਨੀ ਇਹ ਕਾਰ ਆਪਣੇ ਆਪ ਪਾਰਕ ਕਰ ਸਕਦੀ ਹੈ। ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੀ ਮਦਦ ਨਾਲ ਕਾਰ ਆਪਣੇ ਆਪ ਪਾਰਕ ਹੋ ਜਾਵੇਗੀ। ਜੇਕਰ ਪਾਰਕਿੰਗ ਦੌਰਾਨ ਕੋਈ ਵਸਤੂ ਅਚਾਨਕ ਸਾਹਮਣੇ ਆਉਂਦੀ ਹੈ, ਤਾਂ ਕਾਰ ਆਪਣੇ ਆਪ ਐਮਰਜੈਂਸੀ ਬ੍ਰੇਕ ਲਗਾ ਦੇਵੇਗੀ। ਸਰਾਊਂਡ ਵਿਊ ਸਿਸਟਮ ਦੀ ਮਦਦ ਨਾਲ, AI ਹੈਰੀਅਰ EV ਨੂੰ ਪਾਰਕ ਕਰੇਗਾ।
SUV ਵਿੱਚ ਸੰਮਨ ਮੋਡ, 12.3 ਇੰਚ ਟੱਚਸਕ੍ਰੀਨ ਸਿਸਟਮ, 10.25 ਇੰਚ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, 10 ਸਪੀਕਰ JBL ਸਾਊਂਡ ਸਿਸਟਮ, ਲੈਵਲ 2+ ADAS ਅਤੇ ਹੋਰ ਬਹੁਤ ਕੁਝ ਵਰਗੇ ਫੀਚਰ ਹੋਣ ਦੀ ਉਮੀਦ ਹੈ। ਪੈਕੇਜ ਨੂੰ ਪੂਰਾ ਕਰਨ ਵਾਲੀ ਚੀਜ਼ ਇਸਦੀ ਪਰਫ਼ਾਰਮੈਂਸ ਹੈ। ਟਾਟਾ ਮੋਟਰਜ਼ ਨੇ ਅਧਿਕਾਰਤ ਤੌਰ ‘ਤੇ ਖੁਲਾਸਾ ਕੀਤਾ ਹੈ ਕਿ ਹੈਰੀਅਰ EV ਵਿੱਚ 500Nm ਟਾਰਕ ਪੈਦਾ ਕਰਨ ਵਾਲੀਆਂ ਮੋਟਰਾਂ ਹੋਣਗੀਆਂ।
ਕਾਰ ਦੇ ਕੈਬਿਨ ਨੂੰ ਬਹੁਤ ਹੀ ਆਲੀਸ਼ਾਨ ਬਣਾਇਆ ਗਿਆ ਹੈ। ਇਸ ਕਾਰ ਵਿੱਚ 14.53 ਇੰਚ ਦਾ ਇਨਫੋਟੇਨਮੈਂਟ ਸਿਸਟਮ ਹੈ। 25 ਤੋਂ ਵੱਧ ਥਰਡ ਪਾਰਟੀ ਐਪਸ ਦਿੱਤੇ ਗਏ ਹਨ। ਕਾਰ ਵਿੱਚ DVR ਦੇ ਨਾਲ ਇੱਕ HD ਰੀਅਰ ਵਿਊ ਮਿਰਰ ਵੀ ਹੈ। ਰਿਮੋਟ ‘ਕੁੰਜੀ’ 11 ਸਮਾਰਟ ਫੰਕਸ਼ਨਾਂ ਦਾ ਸਮਰਥਨ ਕਰੇਗੀ।
