ਮਹਿਲਾ ਵਿਸ਼ਵ ਕੱਪ 2025: ਟੀਮ ਇੰਡੀਆ ਨੇ ਦੱਖਣੀ ਅਫਰੀਕਾ ਨੂੰ 52 ਦੌੜਾਂ ਨਾਲ ਹਰਾਕੇ ਟ੍ਰੋਫੀ ਆਪਣੇ ਨਾਮ ਕੀਤੀ
ਟੀਮ ਇੰਡੀਆ ਨੇ ਮਹਿਲਾ ਵਿਸ਼ਵ ਕੱਪ 2025 ਦੇ ਫਾਈਨਲ ਵਿੱਚ ਦੱਖਣੀ ਅਫਰੀਕਾ ਨੂੰ 52 ਦੌੜਾਂ ਨਾਲ ਹਰਾ ਕੇ ਵਿਸ਼ਵ ਚੈਂਪੀਅਨ ਦਾ ਖਿਤਾਬ ਆਪਣੇ ਨਾਮ ਕੀਤਾ।
ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ, ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਨੇ ਮੈਦਾਨ ਵਿੱਚ ਆਨੰਦ ਮਾਣਿਆ ਅਤੇ ਜਿੱਤ ਦੀ ਪਰੇਡ ਕੀਤੀ।
ਭਾਰਤੀ ਟੀਮ ਨਵੀਂ ਮੁੰਬਈ ਦੇ ਡਾ. ਡੀ.ਵਾਈ. ਪਾਟਿਲ ਸਟੇਡੀਅਮ ਵਿੱਚ ਟੀਮ ਦਾ ਸਮਰਥਨ ਕਰਨ ਆਏ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਨ ਲਈ ਮੈਦਾਨ ਵਿੱਚ ਘੁੰਮਦੀ ਰਹੀ।
ਭਾਰਤ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਟੀਮ ਇੰਡੀਆ ਦੀਆਂ ਦਿੱਗਜ ਖਿਡਾਰੀਆਂ ਨੂੰ ਟਰਾਫੀ ਸੌਂਪੀ, ਜਿਨ੍ਹਾਂ ਨੇ ਕਦੇ ਭਾਰਤ ਲਈ ਵਿਸ਼ਵ ਕੱਪ ਜਿੱਤਣ ਦਾ ਸੁਪਨਾ ਵੀ ਦੇਖਿਆ ਸੀ।
ਹਰਮਨਪ੍ਰੀਤ ਕੌਰ ਨੇ ਭਾਰਤ ਦੀ ਮਹਾਨ ਕ੍ਰਿਕਟਰ ਝੂਲਨ ਗੋਸਵਾਮੀ ਨੂੰ ਵੀ ਵਿਸ਼ਵ ਕੱਪ ਟਰਾਫੀ ਸੌਂਪੀ। ਝੂਲਨ ਗੋਸਵਾਮੀ ਟਰਾਫੀ ਪ੍ਰਾਪਤ ਕਰਨ ‘ਤੇ ਭਾਵੁਕ ਹੋ ਗਈ ਅਤੇ ਹਰਮਨ ਨੂੰ ਜੱਫੀ ਪਾਈ।
ਵਿਸ਼ਵ ਕੱਪ ਟਰਾਫੀ ਲੈ ਕੇ, ਟੀਮ ਇੰਡੀਆ ਸਾਬਕਾ ਭਾਰਤੀ ਕ੍ਰਿਕਟਰ ਮਿਤਾਲੀ ਰਾਜ ਕੋਲ ਗਈ। ਟੀਮ ਨੇ ਮਿਤਾਲੀ ਰਾਜ ਨੂੰ ਟਰਾਫੀ ਸੌਂਪੀ। ਮਿਤਾਲੀ ਨੇ ਟਰਾਫੀ ਫੜ ਕੇ ਜਸ਼ਨ ਮਨਾਇਆ।
ਟੀਮ ਇੰਡੀਆ ਦੇ ਕੋਚ ਅਮੋਲ ਮਜੂਮਦਾਰ ਨੇ ਭਾਰਤ ਦੀ ਜਿੱਤ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਹਰਮਨਪ੍ਰੀਤ ਕੌਰ ਨੇ ਫਾਈਨਲ ਜਿੱਤਣ ਤੋਂ ਬਾਅਦ ਕੋਚ ਦੇ ਪੈਰ ਛੂਹੇ ਅਤੇ ਉਨ੍ਹਾਂ ਨੂੰ ਵਿਸ਼ਵ ਕੱਪ ਟਰਾਫੀ ਸੌਂਪੀ।
ਕਪਤਾਨ ਹਰਮਨਪ੍ਰੀਤ ਕੌਰ ਅਤੇ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਨੇ ਇਕੱਠੇ ਭਾਰਤ ਦੀ ਜਿੱਤ ਦਾ ਜਸ਼ਨ ਮਨਾਇਆ। ਉਨ੍ਹਾਂ ਨੇ ਭਾਰਤੀ ਝੰਡਾ ਪਹਿਨ ਕੇ ਫੋਟੋਸ਼ੂਟ ਕਰਵਾਇਆ।
ਭਾਰਤ ਦੀ ਓਪਨਿੰਗ ਬੱਲੇਬਾਜ਼ ਪ੍ਰਤੀਕਾ ਰਾਵਲ ਵਿਸ਼ਵ ਕੱਪ ਸੈਮੀਫਾਈਨਲ ਤੋਂ ਪਹਿਲਾਂ ਜ਼ਖਮੀ ਹੋ ਗਈ ਸੀ। ਪ੍ਰਤੀਕਾ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਪ੍ਰਤੀਕਾ ਨੂੰ ਟੀਮ ਇੰਡੀਆ ਦੀ ਜਿੱਤ ‘ਤੇ ਆਪਣੀ ਵ੍ਹੀਲਚੇਅਰ ਤੋਂ ਨੱਚਦੇ ਹੋਏ ਵੀ ਦੇਖਿਆ ਗਿਆ।
