ਆਤਿਸ਼ੀ ਦੇ ਬਿਆਨ ’ਤੇ ਪੰਜਾਬ–ਦਿੱਲੀ ਸਿਆਸਤ ਵਿੱਚ ਤਕਰਾਰ ਜਾਰੀ, ਦਿੱਲੀ ਭਾਜਪਾ ਵੱਲੋਂ “ਲਾਪਤਾ ਆਤਿਸ਼ੀ” ਦੇ ਪੋਸਟਰ
AAP BJP Clash: ਦਿੱਲੀ ਵਿਧਾਨ ਸਭਾ ਵਿੱਚ ਆਮ ਆਦਮੀ ਪਾਰਟੀ (ਆਪ) ਦੀ ਵਿਧਾਇਕ ਅਤੇ ਸਾਬਕਾ ਮੁੱਖ ਮੰਤਰੀ ਆਤਿਸ਼ੀ ਮਾਰਲੇਨਾ ਦੇ ਬਿਆਨ ਨੂੰ ਲੈ ਕੇ ਪੰਜਾਬ ਅਤੇ ਦਿੱਲੀ ਦੀ ਸਿਆਸਤ ਵਿੱਚ ਤਕਰਾਅ ਅਜੇ ਵੀ ਠੰਢਾ ਨਹੀਂ ਪਿਆ। ਇਸ ਮਾਮਲੇ ’ਚ ਦਿੱਲੀ ਭਾਜਪਾ ਵੱਲੋਂ ਆਤਿਸ਼ੀ ਨੂੰ ਘੇਰਦੇ ਹੋਏ “ਲਾਪਤਾ ਆਤਿਸ਼ੀ” ਦੇ ਪੋਸਟਰ ਲਗਾਏ ਗਏ ਹਨ।ਇਸ ਦੇ ਨਾਲ ਹੀ ਇਕਵਾਲ ਸਿੰਘ, ਜਿਸ ਦੇ ਨਾਂ ‘ਤੇ ਜਲੰਧਰ ‘ਚ ਐੱਫ.ਆਈ.ਆਰ ਦਰਜ ਕੀਤੀ ਗਈ ਹੈ, ਉਹ ਵੀ ਇਸ ਮਾਮਲੇ ‘ਚ ਖੁੱਲ੍ਹ ਕੇ ਸਾਹਮਣੇ ਨਹੀਂ ਆਏ।
ਆਤਿਸ਼ੀ ਦੇ ਗੁਰੂਆਂ ਦਾ ਅਪਮਾਨ ਕਰਨ ਦੇ ਮਾਮਲੇ ‘ਚ ਸ਼ਿਕਾਇਤ ਕਰਨ ਵਾਲਾ ਆਈ.ਐਸ.ਬੱਗਾ (ਇਕਵਾਲ ਸਿੰਘ) ਜਲੰਧਰ ਦੀ ਮਿੱਠੂ ਬਸਤੀ ਦਾ ਰਹਿਣ ਵਾਲਾ ਹੈ। ਜਦੋਂ ਭਾਸਕਰ ਦੀ ਟੀਮ ਨੇ ਮਿੱਠੂ ਬਸਤੀ ਦਾ ਦੌਰਾ ਕੀਤਾ ਤਾਂ ਪਤਾ ਲੱਗਾ ਕਿ ਘਰਾਂ ਦੇ ਬਾਹਰ ਕੋਈ ਨੰਬਰ ਪਲੇਟ ਨਹੀਂ ਲੱਗੀ ਹੋਈ ਸੀ ਜਦਕਿ ਪੁਲਿਸ ਨੇ ਮਕਾਨ ਨੰਬਰ 180 ਲਿਖਿਆ ਹੋਇਆ ਸੀ, ਕਾਫੀ ਭਾਲ ਕਰਨ ਦੇ ਬਾਵਜੂਦ ਸ਼ਿਕਾਇਤਕਰਤਾ ਦਾ ਘਰ ਨਹੀਂ ਮਿਲਿਆ।
ਜਦੋਂ ਬੱਗਾ ਨੂੰ ਬੁਲਾਇਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਉਹ ਘਰੋਂ ਬਾਹਰ ਹਨ। ਚੰਡੀਗੜ੍ਹ ਆਏ ਹਨ ਅਤੇ ਵਾਪਸ ਪਰਤ ਰਹੇ ਹਨ। ਬੱਗਾ ਨੇ ਕਿਹਾ ਕਿ ਮੈਂ ਕਿਤੇ ਵੀ ਭੱਜਿਆ ਨਹੀਂ ਹਾਂ। ਮੇਰੇ ‘ਤੇ ‘ਆਪ’ ਵਰਕਰ ਵਜੋਂ ਜਾਣਬੁੱਝ ਕੇ ਐਫਆਈਆਰ ਦਰਜ ਕਰਨ ਦੇ ਲਾਏ ਜਾ ਰਹੇ ਦੋਸ਼ ਝੂਠੇ ਹਨ। ਮੈਂ ਵੀਡੀਓ ਵੈਰੀਫਿਕੇਸ਼ਨ ਲਈ ਅਰਜ਼ੀ ਦਿੱਤੀ ਸੀ।
ਜਦੋਂ ਗੱਲ ਵੱਡੀ ਹੋਈ ਤਾਂ ਮੇਰਾ ਨਾਂ ਸਾਹਮਣੇ ਆਇਆ। ਦੱਸ ਦੇਈਏ ਕਿ ਬਸਤੀ ਬਾਵਾ ਸਪੋਰਟਸ ਪੁਲਿਸ ਨੇ 7 ਜਨਵਰੀ ਨੂੰ ਰਾਤ 11.20 ਵਜੇ ਐਫ.ਆਈ.ਆਰ.
ਦਿੱਲੀ ਭਾਜਪਾ ਨੇ ਆਤਿਸ਼ੀ ਦੇ ਲਾਪਤਾ ਦੇ ਪੋਸਟਰ ਜਾਰੀ ਕੀਤੇ ਹਨ
ਦਿੱਲੀ ਭਾਜਪਾ ਨੇ ਸਿੱਖ ਗੁਰੂਆਂ ਬਾਰੇ ਟਿੱਪਣੀਆਂ ਦੇ ਮੁੱਦੇ ‘ਤੇ ਆਤਿਸ਼ੀ ਦੇ ਲਾਪਤਾ ਪੋਸਟਰ ਲਗਾਏ ਹਨ। ਦਿੱਲੀ ਭਾਜਪਾ ਦੇ ਮੰਤਰੀ ਕਪਿਲ ਮਿਸ਼ਰਾ ਨੇ ਵੀਡੀਓ ਜਾਰੀ ਕਰਕੇ ਕਿਹਾ- ਆਤਿਸ਼ੀ ਤੁਸੀਂ ਵਿਧਾਨ ਸਭਾ ‘ਚ ਕਿਉਂ ਨਹੀਂ ਆ ਰਹੇ। ਤੁਸੀਂ ਕਿੱਥੇ ਗਏ ਹੋ? ਤੁਹਾਨੂੰ ਵਿਧਾਨ ਸਭਾ ਵਿਚ ਆ ਕੇ ਇਸ ਮਾਮਲੇ ‘ਤੇ ਸਪੱਸ਼ਟੀਕਰਨ ਦੇਣਾ ਚਾਹੀਦਾ ਹੈ।
ਵਿਧਾਨ ਸਭਾ ਦੇ ਮੈਂਬਰ ਤੁਹਾਡੇ ਜਵਾਬ ਦੀ ਉਡੀਕ ਕਰ ਰਹੇ ਹਨ। ਭੱਜਣ ਤੋਂ ਪਹਿਲਾਂ ਸ਼ਾਇਦ ਤੁਹਾਨੂੰ ਪਤਾ ਨਹੀਂ ਕਿ ਅੱਜ ਤੱਕ ਕੋਈ ਵੀ ਵਿਅਕਤੀ ਭੱਜ ਕੇ ਕਾਨੂੰਨ ਜਾਂ ਕਾਰਵਾਈ ਤੋਂ ਨਹੀਂ ਬਚ ਸਕਿਆ ਹੈ।
ਸੁਨੀਲ ਜਾਖੜ ਨੇ ਕਿਹਾ- ਇੰਨੀ ਤੇਜ਼ ਕਾਰਵਾਈ ਕਦੇ ਨਹੀਂ ਦੇਖੀ
ਪੰਜਾਬ ਭਾਜਪਾ ਦੇ ਪ੍ਰਧਾਨ ਸੁਨੀਲ ਜਾਖੜ ਨੇ ਸਿੱਖ ਗੁਰੂਆਂ ‘ਤੇ ਆਤਿਸ਼ੀ ਦੀ ਟਿੱਪਣੀ ਦੇ ਮਾਮਲੇ ‘ਚ ਕਿਹਾ ਕਿ ਆਮ ਆਦਮੀ ਪਾਰਟੀ ਦੇ ਸ਼ਾਸਨ ‘ਚ ਅਜਿਹੇ ਕਈ ਵੀਡੀਓ ਅਤੇ ਮਾਮਲੇ ਹਨ, ਜਿਨ੍ਹਾਂ ਦੀ ਫੋਰੈਂਸਿਕ ਜਾਂਚ ਸਾਲਾਂ ਤੱਕ ਨਹੀਂ ਹੋ ਸਕੀ। ਆਤਿਸ਼ੀ ਦੀ ਦਿੱਲੀ ‘ਚ ਬਣੀ ਵੀਡੀਓ ਦੀ ਜਾਂਚ ਪੰਜਾਬ ਦੇ ਮੋਹਾਲੀ ਦੀ ਫੋਰੈਂਸਿਕ ਲੈਬ ‘ਚ ਇਕ ਦਿਨ ‘ਚ ਪੂਰੀ ਹੋ ਗਈ। ਇੰਨੀ ਤੇਜ਼ ਜਾਂਚ ਕਦੇ ਨਹੀਂ ਦੇਖੀ। ਇਹ ਜਾਂਚ ਇਸ ਲਈ ਵੀ ਤੇਜ਼ ਕੀਤੀ ਗਈ ਕਿਉਂਕਿ ਐਫਆਈਆਰ ਦਰਜ ਕਰਨੀ ਪਈ ਸੀ।
