ਚੰਡੀਗੜ੍ਹ ‘ਚ ਕੱਲ੍ਹ ਮੈਚ; Punjab Kings vs Lucknow Super Giants, 8 ਪਾਰਕਿੰਗ ਜ਼ੋਨ ਬਣਾਏ
Punjab Kings ਅਤੇ Lucknow Super Giants ਵਿਚਕਾਰ ਰੋਮਾਂਚਕ ਮੁਕਾਬਲਾ ਐਤਵਾਰ ਸ਼ਾਮ 7:30 ਵਜੇ ਚੰਡੀਗੜ੍ਹ ਵਿੱਚ ਖੇਡਿਆ ਜਾਵੇਗਾ। ਦੋਵੇਂ ਟੀਮਾਂ ਮੈਚ ਲਈ ਸ਼ਹਿਰ ਪਹੁੰਚ ਚੁੱਕੀਆਂ ਹਨ ਅਤੇ ਅੱਜ ਸ਼ਾਮ 6 ਤੋਂ 9 ਵਜੇ ਤੱਕ ਸਾਂਝਾ ਅਭਿਆਸ ਸੈਸ਼ਨ ਕਰਣਗੀਆਂ। ਇਸ ਦੌਰਾਨ ਟੀਮਾਂ ਆਪਣੀ ਰਣਨੀਤੀ ਨੂੰ ਅੰਤਿਮ ਰੂਪ ਦੇਣਗੀਆਂ ਅਤੇ ਵੱਖ-ਵੱਖ ਪ੍ਰੈਸ ਕਾਨਫਰੰਸਾਂ ਵੀ ਕਰਣਗੀਆਂ।
ਮੈਚ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪ੍ਰਸ਼ਾਸਨ ਵੱਲੋਂ ਸਟੇਡੀਅਮ ਦੇ ਨੇੜੇ 8 ਪਾਰਕਿੰਗ ਜ਼ੋਨ ਬਣਾਏ ਗਏ ਹਨ। ਤਿੰਨ ਪਾਰਕਿੰਗ ਖੇਤਰ ਵੀਆਈਪੀ ਲਈ ਰਾਖਵੇਂ ਹਨ, ਜਦਕਿ ਪੰਜ ਆਮ ਦਰਸ਼ਕਾਂ ਲਈ ਖੁੱਲ੍ਹੇ ਰਹਿਣਗੇ।8
ਅਰਸ਼ਦੀਪ ਨੇ ਵਿਕਟਾਂ ਦਾ ਸੈਂਕੜਾ
ਸਾਰੀਆਂ ਨਜ਼ਰਾਂ ਪੰਜਾਬ ਦੇ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ‘ਤੇ ਹੋਣਗੀਆਂ। ਉਹ ਪੰਜਾਬ ਫਰੈਂਚਾਇਜ਼ੀ ਦਾ ਪਹਿਲਾ ਖਿਡਾਰੀ ਹੈ ਜਿਸਨੇ ਟੀਮ ਲਈ 100 ਵਿਕਟਾਂ ਲੈਣ ਦੇ ਮੀਲ ਪੱਥਰ ‘ਤੇ ਪਹੁੰਚਿਆ ਹੈ। ਉਸਨੇ ਮੁੰਬਈ ਇੰਡੀਅਨਜ਼ ਦੇ ਰਿਆਨ ਰਿਕਲਟਨ ਨੂੰ ਆਊਟ ਕਰਕੇ ਇਹ ਉਪਲਬਧੀ ਹਾਸਲ ਕੀਤੀ।
ਲਖਨਊ ਹਾਰਨ ਦੀ ਲੜੀ ਨੂੰ ਤੋੜਨ ਲਈ ਤਿਆਰ ਹੈ
ਲਖਨਊ ਸੁਪਰ ਜਾਇੰਟਸ ਨੇ ਹੁਣ ਤੱਕ ਪੰਜ ਮੈਚ ਖੇਡੇ ਹਨ, ਜਿਨ੍ਹਾਂ ਵਿੱਚ ਦੋ ਜਿੱਤਾਂ ਦਰਜ ਕੀਤੀਆਂ ਹਨ ਅਤੇ ਤਿੰਨ ਹਾਰਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਲਖਨਊ ਦੀ ਟੀਮ ਆਪਣੇ ਪਿਛਲੇ ਦੋ ਲਗਾਤਾਰ ਮੈਚ ਹਾਰਨ ਤੋਂ ਬਾਅਦ ਪੰਜਾਬ ਵਿਰੁੱਧ ਮੈਚ ਵਿੱਚ ਉਤਰੇਗੀ। ਇਸ ਦੇ ਉਲਟ, ਪੰਜਾਬ ਦੀ ਟੀਮ ਇਸ ਸੀਜ਼ਨ ਵਿੱਚ ਹੁਣ ਤੱਕ ਅਜੇਤੂ ਹੈ ਅਤੇ ਆਪਣੀ ਜਿੱਤ ਦੀ ਲੜੀ ਨੂੰ ਵਧਾਉਣ ਦੀ ਕੋਸ਼ਿਸ਼ ਕਰੇਗੀ।
