Firozpur robbery incident ;- ਫਿਰੋਜ਼ਪੁਰ: ਸ਼ਹਿਰ ’ਚ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਲਗਾਤਾਰ ਵਧ ਰਹੀਆਂ ਹਨ, ਪਰ ਹੁਣ ਲੋਕ ਵੀ ਆਪਣੇ ਪੱਧਰ ’ਤੇ ਨਿਆਂ ਕਰਨਾ ਸ਼ੁਰੂ ਕਰ ਰਹੇ ਹਨ। ਪ੍ਰੀਤ ਨਗਰ ਇਲਾਕੇ ’ਚ ਇੱਕ ਮਹਿਲਾ ਤੋਂ ਪਰਸ ਅਤੇ ਮੋਬਾਈਲ ਖੋਹ ਕੇ ਭੱਜ ਰਹੇ ਲੁਟੇਰਿਆਂ ਨੂੰ ਲੋਕਾਂ ਨੇ ਘੇਰ ਕੇ ਪਕੜ ਲਿਆ। ਇੱਕ ਲੁਟੇਰਾ ਮੌਕੇ ’ਤੇ ਹੀ ਭੱਜਣ ’ਚ ਕਾਮਯਾਬ ਹੋ ਗਿਆ, ਪਰ ਦੂਜੇ ਨੂੰ ਲੋਕਾਂ ਨੇ ਚੰਗੀ ਤਰ੍ਹਾਂ “ਸਬਕ” ਸਿਖਾਇਆ।
ਲੋਕਾਂ ਨੇ ਕੀਤੀ ‘ਛਿੱਤਰ ਪਰੇਡ’, ਸਿਰ ਮੁੱਛਾਂ ਮੁੰਡਵਾਈ
ਗ੍ਰਿਫ਼ਤਾਰ ਲੁਟੇਰੇ ਨੂੰ ਲੋਕਾਂ ਨੇ ਪਹਿਲਾਂ ਤਾ ਛਿੱਤਰ ਪਰੇਡ ਕਰਵਾਈ, ਫਿਰ ਉਸਦਾ ਸਿਰ ਗੰਜਾ ਕਰ ਦਿੱਤਾ ਅਤੇ ਮੁੱਛਾਂ ਤੱਕ ਵੀ ਮੁੰਡਵਾ ਦਿੱਤੀਆਂ। ਲੋਕਾਂ ਦਾ ਕਹਿਣਾ ਸੀ ਕਿ ਜੇਕਰ ਪੁਲਿਸ ਐਸੇ ਲੁਟੇਰਿਆਂ ਨੂੰ ਗ੍ਰਿਫ਼ਤਾਰ ਕਰਦੀ ਹੈ, ਤਾਂ ਕੁਝ ਸਮੇਂ ਬਾਅਦ ਹੀ ਛੱਡ ਦਿੰਦੀ ਹੈ।
ਪੁਲਿਸ ਦੇ ਹਵਾਲੇ, ਪਰ ਲੋਕਾਂ ਨੇ ਦਿੱਤਾ ਸਖ਼ਤ ਸੰਦੇਸ਼
ਲੁਟੇਰੇ ਦੀ ਖਾਤਰਦਾਰੀ ਕਰਨ ਤੋਂ ਬਾਅਦ, ਲੋਕਾਂ ਨੇ ਉਸ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਉਥੇ ਹੀ, ਇਹ ਘਟਨਾ ਕੈਮਰੇ ’ਚ ਕੈਦ ਹੋ ਗਈ, ਅਤੇ ਲੁਟੇਰੇ ਨੂੰ ਗੰਜਾ ਕਰਦੇ ਹੋਏ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਜੋਰਦਾਰ ਵਾਇਰਲ ਹੋ ਰਹੀ ਹੈ।
