ਏਅਰ ਇੰਡੀਆ ਐਕਸਪ੍ਰੈਸ ਨੇ ਸਮਾਨ ਸਬੰਧੀ ਨਿਯਮ ਬਦਲੇ, ਹੁਣ 30 ਕਿਲੋ ਤੱਕ ਸਾਮਾਨ ਦੇ ਚੈੱਕ-ਇਨ ਦੀ ਇਜਾਜ਼ਤ
ਨਵੀਂ ਦਿੱਲੀ: ਏਅਰ ਇੰਡੀਆ ਐਕਸਪ੍ਰੈੱਸ ਨੇ ਆਪਣੀ ਬੈਗੇਜ ਪਾਲਿਸੀ ‘ਚ ਅਹਿਮ ਬਦਲਾਅ ਕੀਤੇ ਹਨ, ਜਿਸ ਦੇ ਤਹਿਤ ਹੁਣ ਯਾਤਰੀਆਂ ਨੂੰ ਚੈੱਕ-ਇਨ ਬੈਗੇਜ ਦੇ ਤੌਰ ‘ਤੇ 30 ਕਿਲੋਗ੍ਰਾਮ ਤੱਕ ਦਾ ਸਾਮਾਨ ਲਿਜਾਣ ਦੀ ਇਜਾਜ਼ਤ ਹੋਵੇਗੀ। ਪਹਿਲਾਂ ਇਹ ਸੀਮਾ 20 ਕਿਲੋਗ੍ਰਾਮ ਸੀ। ਇਸ ਬਦਲਾਅ ਨਾਲ ਯਾਤਰੀਆਂ ਨੂੰ ਸਫ਼ਰ ਦੌਰਾਨ ਜ਼ਿਆਦਾ ਸਾਮਾਨ ਲੈ ਕੇ ਜਾਣ ਦੀ ਸਹੂਲਤ ਮਿਲੇਗੀ।
ਨਵੀਂ ਨੀਤੀ ਦੇ ਤਹਿਤ, ਖਾਸ ਤੌਰ ‘ਤੇ ਬੱਚਿਆਂ ਨਾਲ ਯਾਤਰਾ ਕਰਨ ਵਾਲੇ ਯਾਤਰੀਆਂ ਨੂੰ 10 ਕਿਲੋਗ੍ਰਾਮ ਵਾਧੂ ਸਮਾਨ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਕੈਬਿਨ ਸਮਾਨ ਦੀ ਸੀਮਾ 7 ਕਿਲੋਗ੍ਰਾਮ ‘ਤੇ ਸੀਮਾ ਦਿੱਤੀ ਗਈ ਹੈ, ਜਿਸ ਦਾ ਅਧਿਕਤਮ ਆਕਾਰ 40 ਸੈਂਟੀਮੀਟਰ x 30 ਸੈਂਟੀਮੀਟਰ x 10 ਸੈਂਟੀਮੀਟਰ ਹੈ, ਤਾਂ ਜੋ ਇਹ ਆਸਾਨੀ ਨਾਲ ਸੀਟ ਦੇ ਹੇਠਾਂ ਫਿੱਟ ਹੋ ਸਕੇ।
ਹਾਲਾਂਕਿ ਇਹ ਬਦਲਾਅ ਸਾਰੇ ਰੂਟਾਂ ‘ਤੇ ਲਾਗੂ ਨਹੀਂ ਹੋਵੇਗਾ। ਮੱਧ ਪੂਰਬ ਅਤੇ ਸਿੰਗਾਪੁਰ ਲਈ ਉਡਾਣਾਂ ‘ਤੇ ਯਾਤਰੀਆਂ ਨੂੰ ਇਸ ਨਵੀਂ ਬੈਗੇਜ ਨੀਤੀ ਦਾ ਫਾਇਦਾ ਹੋਵੇਗਾ, ਜਦੋਂ ਕਿ ਦੂਜੇ ਰੂਟਾਂ ‘ਤੇ ਪੁਰਾਣੇ ਨਿਯਮਾਂ ਦੇ ਤਹਿਤ 20 ਕਿਲੋ ਚੈੱਕ-ਇਨ ਬੈਗੇਜ ਅਤੇ 7 ਕਿਲੋ ਕੈਬਿਨ ਬੈਗੇਜ ਦੀ ਇਜਾਜ਼ਤ ਹੋਵੇਗੀ।
ਏਅਰ ਇੰਡੀਆ ਐਕਸਪ੍ਰੈਸ ਦਾ ਇਹ ਫੈਸਲਾ ਖਾਸ ਤੌਰ ‘ਤੇ ਉਨ੍ਹਾਂ ਅੰਤਰਰਾਸ਼ਟਰੀ ਯਾਤਰੀਆਂ ਲਈ ਰਾਹਤ ਵਾਲਾ ਹੈ ਜੋ ਜ਼ਿਆਦਾ ਸਮਾਨ ਨਾਲ ਯਾਤਰਾ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
