Ayushman Bharat Yojana: ਹਰਿਆਣਾ ਦੇ 600 ਪ੍ਰਾਈਵੇਟ ਹਸਪਤਾਲਾਂ ‘ਚ ‘ਆਯੁਸ਼ਮਾਨ ਯੋਜਨਾ’ ਅਧੀਨ ਨਹੀਂ ਹੋਵੇਗਾ ਇਲਾਜ, ਜਾਣੋ ਕਾਰਨ
Haryana Private Hospitals: ਹਰਿਆਣਾ ਦੇ 600 ਪ੍ਰਾਈਵੇਟ ਹਸਪਤਾਲ 3 ਫਰਵਰੀ ਤੋਂ ਬਾਅਦ ‘ਆਯੁਸ਼ਮਾਨ ਭਾਰਤ ਯੋਜਨਾ’ ਅਧੀਨ ਮਰੀਜ਼ਾਂ ਦਾ ਇਲਾਜ ਅਤੇ ਓਪਰੇਸ਼ਨ ਨਹੀਂ ਕਰਨਗੇ। ਜਿਸ ਦਾ ਕਾਰਨ ਹੈ ਕਿ ਇੰਡੀਆਨ ਮੈਡਿਕਲ ਅਸੋਸੀਏਸ਼ਨ (IMA) ਦੇ ਮੁਤਾਬਕ, ਹਸਪਤਾਲਾਂ ਦੀ 400 ਕਰੋੜ ਰੁਪਏ ਦੀ ਬਕਾਇਆ ਰਕਮ ਹਾਲੇ ਤਕ ਸਰਕਾਰ ਵਲੋਂ ਜਾਰੀ ਨਹੀਂ ਹੋਈ। ਆਰਥਿਕ ਮੁਸ਼ਕਲਾਂ ਕਾਰਨ ਪ੍ਰਾਈਵੇਟ ਹਸਪਤਾਲ ਇਹ ਸੇਵਾ ਜਾਰੀ ਰੱਖਣ ਵਿੱਚ ਅਸਮਰਥ ਹਨ। IMA ਨੇ ਹਰਿਆਣਾ ਸਰਕਾਰ ਨੂੰ ਬਕਾਇਆ ਰਕਮ ਦੇਣ ਲਈ ਇੱਕ ਹਫ਼ਤੇ ਦਾ ਸਮਾਂ ਦਿੱਤਾ ਹੈ।
ਇੰਡੀਆਨ ਮੈਡਿਕਲ ਅਸੋਸੀਏਸ਼ਨ (IMA) ਦੇ ਮੁਤਾਬਕ, ਹਰਿਆਣਾ ਸਰਕਾਰ ਨੇ ਹਾਲੇ ਤਕ 450 ਕਰੋੜ ਰੁਪਏ ਦੀ Reimbursements ਦੀ ਰਕਮ ਅਦਾ ਨਹੀਂ ਕੀਤੀ। IMA ਦੀ ਮੰਨਿਏ ਤਾਂ ਉਨ੍ਹਾਂ ਦਾ ਇੱਕ ਪ੍ਰਤਿਨਿਧ ਮੰਡਲ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨਾਲ ਮੁਲਾਕਾਤ ਕਰ ਚੁੱਕਿਆ ਹੈ, ਪਰ ਅਜੇ ਤਕ ਕੋਈ ਹੱਲ ਨਹੀਂ ਨਿਕਲਿਆ। ਇਸੇ ਦੇ ਚਲਦਿਆਂ, IMA ਹਰਿਆਣਾ ਨੇ ਐਲਾਨ ਕੀਤਾ ਹੈ ਕਿ 3 ਫਰਵਰੀ ਤੋਂ ‘ਆਯੁਸ਼ਮਾਨ ਭਾਰਤ ਯੋਜਨਾ’ ਨਾਲ ਜੁੜੇ 600 ਪ੍ਰਾਈਵੇਟ ਹਸਪਤਾਲ ਇਸ ਸਕੀਮ ਤਹਿਤ ਮਰੀਜ਼ਾਂ ਦਾ ਇਲਾਜ ਕਰਨਾ ਬੰਦ ਕਰਨ ਦਾ ਐਲਾਨ ਕੀਤਾ।
IMA ਨੇ ਲਿਖਿਆ ਪੱਤਰ
25 ਜਨਵਰੀ ਨੂੰ IMA ਨੇ ਆਯੁਸ਼ਮਾਨ ਭਾਰਤ ਹਰਿਆਣਾ ਦੀ CEO, ਸੰਗੀਤਾ ਤੇਤਰਵਾਲ ਨੂੰ ਪੱਤਰ ਲਿਖਿਆ, ਜਿਸ ਵਿੱਚ ਕਿਹਾ ਗਿਆ: “ਹਰਿਆਣਾ ਦੇ ਸਭ ਲਿਸਟਡ ਹਸਪਤਾਲਾਂ ਨੇ ਸਾਨੂੰ ਸੰਪਰਕ ਕੀਤਾ ਤੇ ਤੁਰੰਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਤੁਸੀਂ ਸੂਚਿਤ ਰਹੋ ਕਿ ਜੇਕਰ ਮੰਗਾਂ ਨੂੰ ਜਲਦੀ ਪੂਰਾ ਨਾ ਕੀਤਾ ਗਿਆ, ਤਾਂ ਇਹ ਹਸਪਤਾਲ 3 ਫਰਵਰੀ ਤੋਂ ਆਯੁਸ਼ਮਾਨ ਭਾਰਤ ਸਕੀਮ ਦੀਆਂ ਸੇਵਾਵਾਂ ਨੂੰ ਰੋਕਣ ਲਈ ਮਜਬੂਰ ਹੋਣਗੇ। ਇਸ ਨਾਲ ਹਰਿਆਣਾ ਦੇ ਗਰੀਬ ਲੋਕਾਂ ਨੂੰ ਮੁਸ਼ਕਲਾਂ ਆਉਣਗੀਆਂ, ਜਿਸ ਦੀ ਜ਼ਿੰਮੇਵਾਰੀ ਤੁਹਾਡੇ ਵਿਭਾਗ ਦੀ ਹੋਵੇਗੀ।”
CM ਸੈਣੀ ਦਾ ਜਵਾਬ
ਹਰਿਆਣਾ ਵਿੱਚ ‘ਆਯੁਸ਼ਮਾਨ ਭਾਰਤ ਯੋਜਨਾ’ ਨੂੰ ਲੈ ਕੇ ਚਲ ਰਹੇ ਵਿਵਾਦ ‘ਤੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦਾ ਬਿਆਨ ਸਾਹਮਣੇ ਆਇਆ ਹੈ। ਉਨ੍ਹਾਂ ਕਿਹਾ, “ਮੈਂ ਇੰਡੀਆਨ ਮੈਡਿਕਲ ਅਸੋਸੀਏਸ਼ਨ (IMA) ਦੇ ਡਾਕਟਰਾਂ ਨਾਲ ਮੁਲਾਕਾਤ ਕੀਤੀ ਤੇ 26 ਜਨਵਰੀ ਨੂੰ ਉਨ੍ਹਾਂ ਦੇ 786 ਕਰੋੜ ਦੇ ਬਕਾਏ ਦੀ ਭੁਗਤਾਨ ਕਰ ਦਿੱਤਾ। ਹੁਣ ਕੇਵਲ 200 ਕਰੋੜ ਬਾਕੀ ਹਨ, ਇਹ ਰਕਮ ਵੀ ਜਲਦੀ ਜਾਰੀ ਕਰ ਦਿੱਤੀ ਜਾਵੇਗੀ।”
