Baba Vanga Prediction: ਬਾਬਾ ਵੇਂਗਾ ਬੁਲਗਾਰੀਆ ਦੀ ਇੱਕ ਔਰਤ ਸੀ। ਉਨ੍ਹਾਂ ਦਾ ਜਨਮ 31 ਜਨਵਰੀ, 1911 ਨੂੰ ਹੋਇਆ ਸੀ। ਪਰ ਬਚਪਨ ਵਿੱਚ ਹੀ ਇੱਕ ਭਿਆਨਕ ਤੂਫ਼ਾਨ ਵਿੱਚ ਉਨ੍ਹਾਂ ਦੀਆਂ ਅੱਖਾਂ ਦੀ ਰੌਸ਼ਨੀ ਚਲੀ ਗਈ। ਪਰ ਬਾਬਾ ਵੇਂਗਾ ਬਾਰੇ ਕਿਹਾ ਜਾਂਦਾ ਹੈ ਕਿ ਉਹ ਉਸ ਸਮੇਂ ਭਵਿੱਖ ਦੀਆਂ ਘਟਨਾਵਾਂ ਦੀ ਭਵਿੱਖਬਾਣੀ ਕਰ ਸਕਦੀ ਸੀ। ਬਾਬਾ ਵੇਂਗਾ ਨੇ ਉਸ ਸਮੇਂ ਕਈ ਅਜਿਹੀਆਂ ਭਵਿੱਖਬਾਣੀਆਂ ਕੀਤੀਆਂ ਸਨ, ਜੋ ਅੱਜ ਲੋਕਾਂ ਨੂੰ ਡਰਾ ਰਹੀਆਂ ਹਨ। ਇਸ ਦੇ ਪਿੱਛੇ ਕਾਰਨ ਇਹ ਹੈ ਕਿ ਬਾਬਾ ਵੇਂਗਾ ਦੀਆਂ ਕਈ ਭਵਿੱਖਬਾਣੀਆਂ ਸੱਚ ਸਾਬਤ ਹੋਈਆਂ ਹਨ।
ਸਾਈਬਰ ਕ੍ਰਾਈਮ ਬਾਰੇ ਬਾਬਾ ਵੇਂਗਾ ਦੀ ਭਵਿੱਖਬਾਣੀ
ਬਾਬਾ ਵੇਂਗਾ ਨੇ ਸਾਈਬਰ ਅਪਰਾਧ ਬਾਰੇ ਇੱਕ ਭਵਿੱਖਬਾਣੀ ਉਸ ਸਮੇਂ ਕੀਤੀ ਸੀ ਜਦੋਂ ਕੋਈ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਯਾਨੀ ਕਿ ਏਆਈ ਬਾਰੇ ਗੱਲ ਵੀ ਨਹੀਂ ਕਰ ਰਿਹਾ ਸੀ। ਬਾਬਾ ਵੇਂਗਾ ਦੀ ਮੌਤ 1996 ਵਿੱਚ ਹੋਈ ਸੀ ਅਤੇ ਉਦੋਂ ਤੱਕ ਏਆਈ ਸ਼ੁਰੂ ਵੀ ਨਹੀਂ ਹੋਈ ਸੀ। ਹਾਲਾਂਕਿ ਉਦੋਂ ਤੱਕ ਇੰਟਰਨੈੱਟ ਪਹਿਲਾਂ ਹੀ ਆ ਚੁੱਕਾ ਸੀ। ਬਾਬਾ ਵਾਂਗਾ ਨੇ ਉਸ ਸਮੇਂ ਭਵਿੱਖਬਾਣੀ ਕੀਤੀ ਸੀ ਕਿ ਇਹ ਇੰਟਰਨੈੱਟ ਇੱਕ ਦਿਨ ਇੱਕ ਖ਼ਤਰਨਾਕ ਹਥਿਆਰ ਬਣ ਜਾਵੇਗਾ। ਬਾਬਾ ਵੇਂਗਾ ਨੇ ਇਹ ਵੀ ਭਵਿੱਖਬਾਣੀ ਕੀਤੀ ਸੀ ਕਿ ਇੱਕ ਦਿਨ ਇੰਟਰਨੈੱਟ ਦੀ ਵਰਤੋਂ ਕਾਰਨ ਸਾਈਬਰ ਹਮਲੇ ਹੋ ਸਕਦੇ ਹਨ, ਜਿਸ ਨਾਲ ਲੋਕਾਂ ਦੀ ਸੁਰੱਖਿਆ ਖਤਰੇ ਵਿੱਚ ਪੈ ਸਕਦੀ ਹੈ।
ਬਾਬਾ ਵੇਂਗਾ ਦੀਆਂ ਭਵਿੱਖਬਾਣੀਆਂ ਵਿੱਚ ਕਿੰਨੀ ਸੱਚਾਈ ਹੈ?
ਜੇਕਰ ਅਸੀਂ ਬਾਬਾ ਵੇਂਗਾ ਦੀਆਂ ਭਵਿੱਖਬਾਣੀਆਂ ‘ਤੇ ਵਿਚਾਰ ਕਰੀਏ, ਤਾਂ ਕੁਝ ਮਹੀਨੇ ਪਹਿਲਾਂ ਹੀ ਵੱਡੀਆਂ ਤਕਨਾਲੋਜੀ ਕੰਪਨੀਆਂ ਐਪਲ ਅਤੇ ਮੈਟਾ ਦੀ ਸੁਰੱਖਿਆ ਖ਼ਤਰੇ ਵਿੱਚ ਆ ਗਈ ਸੀ, ਜਿਸਦਾ ਪ੍ਰਭਾਵ ਦੁਨੀਆ ਦੇ ਜ਼ਿਆਦਾਤਰ ਦੇਸ਼ਾਂ ਵਿੱਚ ਮਹਿਸੂਸ ਕੀਤਾ ਗਿਆ ਸੀ। ਅੱਜ ਦੇ ਸਮੇਂ ਵਿੱਚ, ਹੈਕਿੰਗ ਦੇ ਕਈ ਮਾਮਲੇ ਵੀ ਸਾਹਮਣੇ ਆ ਰਹੇ ਹਨ। ਦੂਰ ਬੈਠਾ ਵਿਅਕਤੀ ਸਿਰਫ਼ ਇੱਕ ਲਿੰਕ ਖੋਲ੍ਹ ਕੇ ਲੋਕਾਂ ਦੇ ਫੋਨ ਹੈਕ ਕਰ ਸਕਦਾ ਹੈ। ਪਰ ਇਹ ਘਟਨਾਵਾਂ ਅੱਜ ਦੇ ਸਮੇਂ ਦੀਆਂ ਹਨ, ਜਿਨ੍ਹਾਂ ਬਾਰੇ ਬਾਬਾ ਵੇਂਗਾ ਨੇ ਕਈ ਸਾਲ ਪਹਿਲਾਂ ਭਵਿੱਖਬਾਣੀ ਕੀਤੀ ਸੀ।
