BJP ਨੇਤਾ ਅਤੇ ਮਸ਼ਹੂਰ ਗਾਇਕ ਦੇ ਕਰੀਬੀ ਨੂੰ ਆਈ ਧਮਕੀ ਭਰੀ ਕਾਲ, ਗੈਂਗਸਟਰ ਨੇ 5 ਕਰੋੜ ਦੀ ਮੰਗੀ ਫਿਰੌਤੀ

BJP Leader Rupaa Sohana Threat Call; ਮੋਹਾਲੀ ਦੇ ਭਾਜਪਾ ਨੇਤਾ ਅਤੇ ਗਾਇਕ Mankirt Aulakh ਦੇ ਕਰੀਬੀ ਰੂਪਾ ਸੋਹਾਣਾ ਨੂੰ 5 ਕਰੋੜ ਰੁਪਏ ਦੀ ਰੰਗਦਾਰੀ ਦੀ ਧਮਕੀ ਭਰੀ ਕਾਲ ਆਈ ਹੈ। ਕਾਲ ਕਰਨ ਵਾਲੇ ਨੇ ਆਪਣੇ ਆਪ ਨੂੰ ਗੈਂਗਸਟਰ Mohabbat Randhawa ਦੱਸਿਆ ਅਤੇ ਕਿਹਾ ਕਿ ਪੈਸੇ ਦੇ ਕੇ ਹੀ ਛੁਟਕਾਰਾ ਮਿਲੇਗਾ, ਨਹੀਂ ਤਾਂ ਜਾਨ ਦਾ ਨੁਕਸਾਨ ਹੋ ਸਕਦਾ ਹੈ।

ਪੀੜਤ ਨੇ ਇਸ ਮਾਮਲੇ ਸਬੰਧੀ ਪੁਲਿਸ ਨੂੰ ਸ਼ਿਕਾਇਤ ਦੇ ਦਿੱਤੀ ਹੈ ਅਤੇ ਹੁਣ ਉਹ Punjab and Haryana High Court ਦਾ ਰੁਖ ਕਰਨ ਦੀ ਤਿਆਰੀ ਕਰ ਰਿਹਾ ਹੈ।

ਕਾਲ ਵਿੱਚ ਕੀ ਕਿਹਾ ਗਿਆ?

ਕਾਲ ਕਰਨ ਵਾਲੇ ਨੇ ਕਿਹਾ, “ਯੂਟਿਊਬ ‘ਤੇ ਮੋਹੱਬਤ ਰੰਧਾਵਾ ਸਰਚ ਕਰ ਲੈ, ਰੂਪੇ ਨੂੰ ਕਹਿ ਕਿ ਫੋਨ ਚੁੱਕੇ ਅਤੇ ਗੱਲ ਕਰੇ।”
ਉਸ ਨੇ ਧਮਕੀ ਦਿੱਤੀ ਕਿ “ਪੈਸੇ ਦੇ ਕੇ ਹੀ ਪਿੱਛਾ ਛੁੱਟੇਗਾ, ਨਹੀਂ ਤਾਂ ਨਤੀਜੇ ਭੁਗਤਣੇ ਪੈਣਗੇ।”
ਕਬੱਡੀ ਕਪ ਦੌਰਾਨ ਮਾਰ ਦੇਣ ਦੀ ਵੀ ਧਮਕੀ ਦਿੱਤੀ ਗਈ।

“ਬੱਚਿਆਂ ਵਾਲਾ ਹੈ, ਇਸ ਲਈ ਕਹਿ ਰਹੇ ਹਾਂ ਕਿ ਮਾਮਲਾ ਸੈਟਲ ਕਰ ਲਏ,” ਕਹਿ ਕੇ ਦਬਾਅ ਬਣਾਇਆ ਗਿਆ।
ਸੁਰੱਖਿਆ ਹਟਣ ਤੋਂ ਬਾਅਦ ਵਧੀਆਂ ਧਮਕੀਆਂ

ਰੂਪਾ ਸੋਹਾਣਾ ਨੇ ਦੱਸਿਆ ਕਿ ਕਬੱਡੀ ਕਪ ਦੌਰਾਨ ਧਮਕੀਆਂ ਮਿਲਣ ਕਾਰਨ ਉਨ੍ਹਾਂ ਨੂੰ ਪੁਲਿਸ ਸੁਰੱਖਿਆ ਦਿੱਤੀ ਗਈ ਸੀ, ਪਰ 21 ਮਾਰਚ ਨੂੰ ਭਾਜਪਾ ਜੁਆਇਨ ਕਰਨ ਤੋਂ ਪਹਿਲਾਂ 18 ਮਾਰਚ ਨੂੰ ਇਹ ਸੁਰੱਖਿਆ ਵਾਪਸ ਲੈ ਲਈ ਗਈ। ਇਸ ਤੋਂ ਬਾਅਦ ਧਮਕੀ ਭਰੀਆਂ ਕਾਲਾਂ ਦਾ ਸਿਲਸਿਲਾ ਵੱਧ ਗਿਆ।

ਬਾਊਂਸਰਾਂ ਤੱਕ ਪਹੁੰਚੀਆਂ ਧਮਕੀਆਂ

ਉਨ੍ਹਾਂ ਨੇ ਪ੍ਰਾਈਵੇਟ ਬਾਊਂਸਰ ਰੱਖੇ, ਪਰ ਉਨ੍ਹਾਂ ਨੂੰ ਵੀ ਧਮਕੀ ਭਰੀਆਂ ਕਾਲਾਂ ਆਉਣ ਲੱਗੀਆਂ, ਜਿਸ ਕਾਰਨ ਉਹ ਕੰਮ ਛੱਡ ਗਏ।

ਪਰਿਵਾਰ ਤੱਕ ਪਹੁੰਚੀਆਂ ਕਾਲਾਂ

ਰੂਪਾ ਸੋਹਾਣਾ ਨੇ ਦੱਸਿਆ ਕਿ ਕਾਲਾਂ ਉਨ੍ਹਾਂ ਦੇ ਫੋਨ ਤੋਂ ਬਾਅਦ ਉਨ੍ਹਾਂ ਦੀ ਪਤਨੀ ਅਤੇ ਉਸ ਦੀ ਦੋਸਤ ਦੇ ਫੋਨ ਤੱਕ ਵੀ ਪਹੁੰਚ ਗਈਆਂ, ਜਿਸ ਨਾਲ ਇਹ ਸਪੱਸ਼ਟ ਹੁੰਦਾ ਹੈ ਕਿ ਦੋਸ਼ੀਆਂ ਕੋਲ ਉਨ੍ਹਾਂ ਦੀ ਹਰ ਹਰਕਤ ਦੀ ਜਾਣਕਾਰੀ ਹੈ।

ਹੁਣ ਪੀੜਤ ਨੇ ਸੁਰੱਖਿਆ ਮੁੜ ਪ੍ਰਾਪਤ ਕਰਨ ਲਈ ਅਧਿਕਾਰੀਆਂ ਕੋਲ ਅਪੀਲ ਕੀਤੀ ਹੈ ਅਤੇ ਮਾਮਲੇ ਦੀ ਗੰਭੀਰ ਜਾਂਚ ਦੀ ਮੰਗ ਕੀਤੀ ਹੈ।