ਈਦ ਮੌਕੇ ਦਿੱਲੀ-ਮੁੰਬਈ ‘ਚ ਬੰਬ ਧਮਾਕੇ ਦੀ ਚਿਤਾਵਨੀ, ਪੁਲਿਸ ਨੇ ਵਧਾਈ ਸੁਰੱਖਿਆ
Bomb Blast Warning: ਈਦ ਦੌਰਾਨ ਦਿੱਲੀ ਅਤੇ ਮੁੰਬਈ ‘ਚ ਬੰਬ ਧਮਾਕੇ ਅਤੇ ਦੰਗਿਆਂ ਦੀ ਚੇਤਾਵਨੀ ਦਿੱਤੀ ਗਈ ਹੈ। ਪੁਲਿਸ ਨੂੰ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਰਾਹੀਂ ਸੁਚੇਤ ਕੀਤਾ ਗਿਆ ਹੈ। ਪੁਲਿਸ ਨੇ ਮੁੰਬਈ ‘ਚ ਸੁਰੱਖਿਆ ਸਖ਼ਤ ਕਰ ਦਿੱਤੀ ਹੈ। ਪੋਸਟ ‘ਚ ਕਿਹਾ ਗਿਆ ਹੈ ਕਿ 31 ਮਾਰਚ ਅਤੇ 1 ਅਪ੍ਰੈਲ ਨੂੰ ਈਦ ਦੌਰਾਨ ਕੁਝ ਇਲਾਕਿਆਂ ‘ਚ ਹਿੰਦੂ-ਮੁਸਲਿਮ ਦੰਗੇ, ਅੱਗਜ਼ਨੀ ਅਤੇ ਬੰਬ ਧਮਾਕੇ ਹੋ ਸਕਦੇ ਹਨ
ਮੁੰਬਈ ਪੁਲਿਸ ਹੋ ਗਈ ਚੌਕਸ
ਨਿਊਜ਼ ਏਜੰਸੀ ਪੀਟੀਆਈ ਦੀ ਰਿਪੋਰਟ ਦੇ ਅਨੁਸਾਰ, ਪੋਸਟ ‘ਚ ਨਵੀਂ ਮੁੰਬਈ ਪੁਲਿਸ ਹੈਂਡਲ ਨੂੰ ਟੈਗ ਕੀਤਾ ਗਿਆ ਸੀ। ਇਸ ‘ਚ ਡੋਂਗਰੀ ਵਰਗੇ ਇਲਾਕਿਆਂ ਬਾਰੇ ਚੇਤਾਵਨੀ ਜਾਰੀ ਕੀਤੀ ਗਈ ਸੀ। ਇਹ ਕਿਹਾ ਗਿਆ ਸੀ ਕਿ ਕੁਝ ਗੈਰ-ਕਾਨੂੰਨੀ ਰੋਹਿੰਗਿਆ, ਬੰਗਲਾਦੇਸ਼ੀ ਜਾਂ ਪਾਕਿਸਤਾਨੀ ਘੁਸਪੈਠੀਏ ਅਜਿਹੀ ਕਾਰਵਾਈ ਨੂੰ ਅੰਜਾਮ ਦੇ ਸਕਦੇ ਹਨ। ਇਸ ਪੋਸਟ ਤੋਂ ਬਾਅਦ, ਨਵੀਂ ਮੁੰਬਈ ਦੀ ਪੁਲਿਸ ਨੂੰ ਅਲਰਟ ਕਰ ਦਿੱਤਾ ਗਿਆ ਹੈ।
ਡੋਂਗਰੀ ਖੇਤਰ ‘ਚ ਵਧਾਈ ਗਈ ਗਸ਼ਤ
ਫ੍ਰੀ ਪ੍ਰੈਸ ਜਰਨਲ ਦੇ ਅਨੁਸਾਰ, ਸਾਈਬਰ ਸੈੱਲ ਸੋਸ਼ਲ ਮੀਡੀਆ ਪੋਸਟ ਪਾਉਣ ਵਾਲੇ ਵਿਅਕਤੀ ਬਾਰੇ ਜਾਣਕਾਰੀ ਇਕੱਠੀ ਕਰਨ ‘ਚ ਰੁੱਝਿਆ ਹੋਇਆ ਹੈ। ਤਕਨੀਕੀ ਜਾਂਚ ਕੀਤੀ ਜਾ ਰਹੀ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਪੁਲਿਸ ਨੇ ਡੋਂਗਰੀ ਇਲਾਕੇ ‘ਚ ਗਸ਼ਤ ਵਧਾ ਦਿੱਤੀ ਹੈ। ਅਜੇ ਤੱਕ ਕੋਈ ਸ਼ੱਕੀ ਗਤੀਵਿਧੀ ਨਹੀਂ ਮਿਲੀ ਹੈ।
ਪੁਲਿਸ ਨੇ ਕਿਹਾ ਕਿ ਮੁੰਬਈ ਪੁਲਿਸ ਦੇ ਕਰਮਚਾਰੀਆਂ ਤੋਂ ਇਲਾਵਾ, ਅਪਰਾਧ ਸ਼ਾਖਾ, ਅੱਤਵਾਦ ਵਿਰੋਧੀ ਦਸਤਾ ਅਤੇ ਵਿਸ਼ੇਸ਼ ਸ਼ਾਖਾ ਸਖ਼ਤ ਨਿਗਰਾਨੀ ਰੱਖ ਰਹੀਆਂ ਹਨ। ਮੁੰਬਈ ਪੁਲਿਸ ਨੇ ਲੋਕਾਂ ਨੂੰ ਭਰੋਸਾ ਦਿੱਤਾ ਹੈ ਕਿ ਸਖ਼ਤ ਸੁਰੱਖਿਆ ਉਪਾਅ ਕੀਤੇ ਗਏ ਹਨ। ਸਥਿਤੀ ‘ਤੇ ਨੇੜਿਓਂ ਨਜ਼ਰ ਰੱਖੀ ਜਾ ਰਹੀ ਹੈ ਅਤੇ ਇਹ ਯਕੀਨੀ ਬਣਾਇਆ ਜਾ ਰਿਹਾ ਹੈ ਕਿ ਕਾਨੂੰਨ ਵਿਵਸਥਾ ਬਣਾਈ ਰੱਖੀ ਜਾਵੇ।
ਵਿਅਕਤੀ ਨੇ ਪੋਸਟ ‘ਚ ਕੀ ਲਿਖਿਆ?
ਉਸ ਵਿਅਕਤੀ ਨੇ ਪੋਸਟ ਕੀਤਾ ਅਤੇ ਨਾਲ ਹੀ ਲਿਖਿਆ, ‘ਮੁੰਬਈ ਪੁਲਿਸ ਚੌਕਸ ਰਹੇ!’ 31 ਮਾਰਚ-1 ਅਪ੍ਰੈਲ 2025 ਨੂੰ ਈਦ ਦੌਰਾਨ, ਕੁਝ ਗੈਰ-ਕਾਨੂੰਨੀ ਰੋਹਿੰਗਿਆ/ਬੰਗਲਾਦੇਸ਼ੀ/ਪਾਕਿਸਤਾਨੀ ਘੁਸਪੈਠੀਏ, ਜੋ ਡੋਂਗਰੀ ਵਰਗੇ ਖੇਤਰਾਂ ‘ਚ ਰਹਿੰਦੇ ਹਨ, ਹਿੰਦੂ-ਮੁਸਲਿਮ ਦੰਗੇ, ਅੱਗਜ਼ਨੀ ਅਤੇ ਬੰਬ ਧਮਾਕੇ ਕਰਵਾ ਸਕਦੇ ਹਨ। ਨਵੀਂ ਮੁੰਬਈ ਪੁਲਿਸ ਨੇ ਪੋਸਟ ਦਾ ਜਵਾਬ ਦਿੱਤਾ ਅਤੇ ਲਿਖਿਆ, ਸੰਪਰਕ ਕਰਨ ਲਈ ਧੰਨਵਾਦ। ਆਪਣੀ ਪੋਸਟ ਸੰਬੰਧੀ ਹੋਰ ਜਾਣਕਾਰੀ ਲਈ ਕਿਰਪਾ ਕਰਕੇ ਆਪਣਾ ਮੋਬਾਈਲ ਨੰਬਰ ਭੇਜੋ।
ਦਿੱਲੀ ਨੂੰ ਵੀ ਮੁੰਬਈ ਵਾਂਗ ਚਿਤਾਵਨੀ
ਮੁੰਬਈ ਪੁਲਿਸ ਨੂੰ ਚੇਤਾਵਨੀ ਜਾਰੀ ਕਰਨ ਵਾਲੇ ਵਿਅਕਤੀ ਨੇ ਦਿੱਲੀ ਸਰਕਾਰ ਨੂੰ ਵੀ ਸੁਚੇਤ ਕਰ ਦਿੱਤਾ ਹੈ। ਉਸ ਨੇ ਆਪਣੀ ਪੁਰਾਣੀ ਪੋਸਟ ‘ਚ ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ, ਦਿੱਲੀ ਅਤੇ ਯੂਪੀ ਪੁਲਿਸ ਨੂੰ ਟੈਗ ਕੀਤਾ। ਉਸ ਵਿਅਕਤੀ ਨੇ ਲਿਖਿਆ ਕਿ ਦਿੱਲੀ ਦੇ ਮੁੱਖ ਮੰਤਰੀ, ਦਿੱਲੀ ਪੁਲਿਸ ਅਤੇ ਯੂਪੀ ਪੁਲਿਸ ਕਿਰਪਾ ਕਰਕੇ ਸੁਚੇਤ ਰਹੋ! 31 ਮਾਰਚ-1 ਅਪ੍ਰੈਲ 2025 ਨੂੰ ਈਦ ਦੌਰਾਨ, ਕੁਝ ਗੈਰ-ਕਾਨੂੰਨੀ ਰੋਹਿੰਗਿਆ/ਬੰਗਲਾਦੇਸ਼ੀ/ਪਾਕਿਸਤਾਨੀ ਮੁਸਲਮਾਨ ਚਾਂਦਨੀ ਚੌਕ, ਜਾਮਾ ਮਸਜਿਦ, ਜਹਾਂਗੀਰਪੁਰੀ ‘ਚ ਹਿੰਦੂ-ਮੁਸਲਿਮ ਦੰਗੇ ਜਾਂ ਬੰਬ ਧਮਾਕੇ ਕਰਵਾ ਸਕਦੇ ਹਨ।
