ਅੱਜ ਰਾਤ ਬ੍ਰਿਟੇਨ ਦਾ ਬਦਲੇਗਾ ਸਮਾਂ : ਘੜੀਆਂ ਇੱਕ ਘੰਟਾ ਅੱਗੇ

Daylight Saving Time: United Kingdom ਸਮੇਤ England ਵਿੱਚ ਅੱਜ ਰਾਤ ਸਮੇਂ ਵਿੱਚ ਤਬਦੀਲੀ ਹੋਣ ਜਾ ਰਹੀ ਹੈ। Daylight Saving Time ਦੇ ਤਹਿਤ ਘੜੀਆਂ ਇੱਕ ਘੰਟਾ ਅੱਗੇ ਕਰ ਦਿੱਤੀਆਂ ਜਾਣਗੀਆਂ।

ਇਹ ਤਬਦੀਲੀ 29 ਮਾਰਚ ਦੀ ਤੜਕੇ 1 ਵਜੇ ਹੋਵੇਗੀ, ਜਦੋਂ ਸਮਾਂ ਸਿੱਧਾ 2 ਵਜੇ ‘ਤੇ ਕਰ ਦਿੱਤਾ ਜਾਵੇਗਾ। ਇਸ ਨਾਲ ਸਮਾਂ Greenwich Mean Time ਤੋਂ ਬਦਲ ਕੇ British Summer Time ਹੋ ਜਾਵੇਗਾ।

ਇਸ ਪ੍ਰਕਿਰਿਆ ਦਾ ਮੁੱਖ ਮਕਸਦ ਦਿਨ ਦੀ ਰੌਸ਼ਨੀ ਦਾ ਵਧੇਰੇ ਇਸਤੇਮਾਲ ਕਰਨਾ ਹੈ। ਗਰਮੀਆਂ ਦੇ ਮਹੀਨਿਆਂ ਵਿੱਚ ਇਸ ਨਾਲ ਸ਼ਾਮ ਦੇ ਸਮੇਂ ਲੰਮਾ ਚਾਨਣ ਮਿਲਦਾ ਹੈ, ਜਿਸ ਨਾਲ ਲੋਕਾਂ ਨੂੰ ਆਪਣੇ ਰੋਜ਼ਾਨਾ ਕੰਮਾਂ ਲਈ ਵਧੇਰੇ ਸਮਾਂ ਮਿਲਦਾ ਹੈ ਅਤੇ ਬਿਜਲੀ ਦੀ ਖਪਤ ਵੀ ਘੱਟ ਹੋ ਸਕਦੀ ਹੈ।

ਹਾਲਾਂਕਿ ਇਸ ਤਬਦੀਲੀ ਨਾਲ ਲੋਕਾਂ ਨੂੰ ਇੱਕ ਘੰਟਾ ਘੱਟ ਨੀਂਦ ਮਿਲਦੀ ਹੈ, ਪਰ ਲੰਬੀਆਂ ਸ਼ਾਮਾਂ ਇਸ ਘਾਟ ਨੂੰ ਕਾਫੀ ਹੱਦ ਤੱਕ ਪੂਰਾ ਕਰ ਦਿੰਦੀਆਂ ਹਨ। ਜ਼ਿਆਦਾਤਰ ਸਮਾਰਟਫੋਨ, ਕੰਪਿਊਟਰ ਅਤੇ ਡਿਜ਼ੀਟਲ ਘੜੀਆਂ ਆਪਣੇ ਆਪ ਹੀ ਸਮਾਂ ਅਪਡੇਟ ਕਰ ਲੈਂਦੀਆਂ ਹਨ, ਪਰ ਕੁਝ ਮੈਨੂਅਲ ਘੜੀਆਂ ਨੂੰ ਹੱਥੋਂ ਅੱਗੇ ਕਰਨਾ ਪਵੇਗਾ।

ਮਾਹਿਰਾਂ ਨੇ ਲੋਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਸੌਣ ਤੋਂ ਪਹਿਲਾਂ ਆਪਣੀਆਂ ਘੜੀਆਂ ਇੱਕ ਘੰਟਾ ਅੱਗੇ ਕਰ ਲੈਣ ਤਾਂ ਜੋ ਸਵੇਰੇ ਕਿਸੇ ਵੀ ਤਰ੍ਹਾਂ ਦੀ ਉਲਝਣ ਤੋਂ ਬਚਿਆ ਜਾ ਸਕੇ।

ਹਰ ਸਾਲ ਇਹ ਤਬਦੀਲੀ ਮਾਰਚ ਦੇ ਅਖੀਰ ਵਿੱਚ ਲਾਗੂ ਹੁੰਦੀ ਹੈ ਅਤੇ ਫਿਰ ਅਕਤੂਬਰ ਦੇ ਅੰਤ ਵਿੱਚ ਘੜੀਆਂ ਇੱਕ ਘੰਟਾ ਪਿੱਛੇ ਕਰ ਦਿੱਤੀਆਂ ਜਾਂਦੀਆਂ ਹਨ।