📝ਕਰ ਸਕਨੈਂ 💯

ਤੂੰ ਅੰਬਰੀਂ ਟਾਕੀ ਲਾ ਸਕਨੈਂ,

ਤੂੰ ਚੰਨ ਕਲਾਵੇ ਲੈ ਸਕਨੈਂ।

ਤੂੰ ਉੱਚੀ ਉਡਾਰੀ ਲਾ ਸਕਨੈਂ,

ਤੂੰ ਅੰਬਰੋਂ ਤਾਰੇ ਲਾਹ ਸਕਨੈਂ।

ਜੋ ਚਾਹਵੇਂ ਤੂੰ ਕਰ ਸਕਨੈਂ।

ਤੇਰੇ ਅੰਦਰ ਐਸੀ ਤਾਕਤ ਹੈ,

ਤੂੰ ਪੱਥਰਾਂ ਵਿੱਚ ਵੀ ਉੱਗ ਸਕਨੈਂ।

ਬਾਬੇ ਨਜਮੀ ਜਿਹੇ ਸ਼ਾਇਰਾਂ ਨੇ,

ਕਈ ਉੱਘੇ ਕਲਮਕਾਰਾਂ ਨੇ,

ਤੈਨੂੰ ਹਿੰਮਤ ਲਈ ਪ੍ਰੇਰਿਆ ਹੈ,

“ਬੇਹਿੰਮਤੇ ਨੇ ਜਿਹੜੇ ਬਹਿ ਕੇ

ਸ਼ਿਕਵਾ ਕਰਨ ਮੁਕੱਦਰਾਂ ਦਾ

ਉੱਗਣ ਵਾਲੇ ਉੱਗ ਪੈਂਦੇ ਨੇ

ਸੀਨਾ ਪਾੜ ਕੇ ਪੱਥਰਾਂ ਦਾ”।

ਆਪੋ ਆਪਣੀ ਹਿੰਮਤ ਜੋਖੋ,

ਇੱਕ ਦੂਜੇ ਦੇ ਵੱਲ ਨਾ ਵੇਖੋ।

ਹਰ ਇੱਕ ਦੂਜੇ ਤੋਂ ਅੱਡਰਾ ਹੈ,

ਹਰ ਇੱਕ ਦਾ ਮਕਸਦ ਵੱਖਰਾ ਹੈ।

ਜਿਹੜਾ ਦੱਬ ਕੇ ਮਿਹਨਤ ਕਰ ਲਏਗਾ,

ਉਹ ਮਕਸਦ ਪੂਰਾ ਕਰ ਲਏਗਾ।

    ਤਿਵਾੜੀ ਮਨਜੀਤ