ਟੈਸਟਿੰਗ ਦੌਰਾਨ ਸੜਕਾਂ ‘ਤੇ ਨਜ਼ਰ ਆਈ ਇਲੈਕਟ੍ਰਿਕ Mahindra XUV700, ਜਲਦੀ ਹੋ ਸਕਦੀ ਲਾਂਚ, ਜਾਣੋ ਕੀ ਹੋਣਗੇ ਫੀਚਰਜ਼
Mahindra XEV 7e: ਮਹਿੰਦਰਾ ਦੀ ਮਸ਼ਹੂਰ ਇਲੈਕਟ੍ਰਿਕ SUV XEV 7e ਜਲਦੀ ਹੀ ਭਾਰਤ ਵਿੱਚ ਲਾਂਚ ਹੋ ਸਕਦੀ ਹੈ। ਹਾਲ ਹੀ ‘ਚ ਇਸਨੂੰ ਟੈਸਟਿੰਗ ਦੌਰਾਨ ਦੇਖਿਆ ਗਿਆ ਹੈ। ਆਓ ਜਾਣਦੇ ਹਾਂ ਇਸ ਦੀਆਂ ਡਿਟੇਲਜ਼।
Mahindra XEV 7e Features: ਮਹਿੰਦਰਾ ਹੁਣ ਆਪਣੀ ਮਸ਼ਹੂਰ SUV XUV700 ਦਾ ਇਲੈਕਟ੍ਰਿਕ ਵਰਜਨ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ, ਜਿਸਦਾ ਨਾਮ XEV 7e ਹੋਵੇਗਾ। ਹਾਲ ਹੀ ਵਿੱਚ ਇਹ ਇਲੈਕਟ੍ਰਿਕ SUV ਭਾਰਤ ਦੀਆਂ ਸੜਕਾਂ ‘ਤੇ ਟੈਸਟਿੰਗ ਦੌਰਾਨ ਦੇਖਾਈ ਦਿੱਤੀ। ਕਾਰ ਪੂਰੀ ਤਰ੍ਹਾਂ ਢੱਕੀ ਹੋਈ ਸੀ, ਪਰ ਫਿਰ ਵੀ ਇਸਦੇ ਡਿਜ਼ਾਈਨ ਅਤੇ ਫੀਚਰਸ ਬਾਰੇ ਕੁਝ ਵੱਡੀ ਜਾਣਕਾਰੀ ਸਾਹਮਣੇ ਆਈ ਹੈ।
ਟੈਸਟਿੰਗ ਤੋਂ ਪਤਾ ਲੱਗਾ ਹੈ ਕਿ ਇਸ SUV ਦੇ ਅਗਲੇ ਹਿੱਸੇ ਵਿੱਚ ਇੱਕ ਬੰਦ ਗਰਿੱਲ ਹੈ। ਇਸ ਵਿੱਚ L-ਆਕਾਰ ਦੀਆਂ LED DRL ਲਾਈਟਾਂ ਅਤੇ ਸ਼ਾਨਦਾਰ ਦਿੱਖ ਵਾਲੇ ਡਿਊਲ ਟੋਨ ਏਅਰੋ ਅਲੌਏ ਵ੍ਹੀਲ ਹਨ। ਨਾਲ ਹੀ, ਇਸਦੇ ਫਲੱਸ਼ ਡੋਰ ਹੈਂਡਲ ਇਸਨੂੰ ਇੱਕ ਭਵਿੱਖਮੁਖੀ ਦਿੱਖ ਦਿੰਦੇ ਹਨ। ਡਿਜ਼ਾਈਨ ਦੇ ਮਾਮਲੇ ਵਿੱਚ, ਇਹ XUV700 ਵਰਗਾ ਦਿਖਾਈ ਦਿੰਦਾ ਹੈ, ਪਰ ਇਸ ਵਿੱਚ ਮਾਮੂਲੀ ਬਦਲਾਅ ਕੀਤੇ ਗਏ ਹਨ ਜੋ ਇਸਨੂੰ ਮਹਿੰਦਰਾ ਦੇ ਨਵੇਂ ਇਲੈਕਟ੍ਰਿਕ SUV ਪਰਿਵਾਰ ਵਿੱਚ ਇੱਕ ਵੱਖਰੀ ਪਛਾਣ ਪ੍ਰਦਾਨ ਕਰਨਗੇ।
XEV 7e ‘ਚ ਹੋਣਗੇ ਕਿਹੜੇ ਖਾਸ ਫੀਚਰਸ?
ਮਹਿੰਦਰਾ XEV 7e ਦਾ ਅੰਦਰੂਨੀ ਹਿੱਸਾ ਕੰਪਨੀ ਦੀ ਹਾਈ-ਐਂਡ SUV XEV 9e ਤੋਂ ਪ੍ਰੇਰਿਤ ਹੋਵੇਗਾ। ਇਸ ਵਿੱਚ ਕਈ ਅਜਿਹੇ ਅਡਵਾਂਸ ਫੀਚਰਸ ਹੋਣਗੇ, ਜੋ ਇਸਨੂੰ ਇੱਕ ਪ੍ਰੀਮੀਅਮ ਲੁੱਕ ਅਤੇ ਫੀਲ ਦੇਣਗੇ। ਇਸ SUV ਵਿੱਚ ਇੱਕ ਨਵਾਂ 2-ਸਪੋਕ ਸਟੀਅਰਿੰਗ ਵ੍ਹੀਲ ਦਿੱਤਾ ਜਾਵੇਗਾ, ਜਿਸ ਦੇ ਵਿਚਕਾਰ ਇੱਕ LED ਲੋਗੋ ਹੋਵੇਗਾ। ਇਹ ਸਟੀਅਰਿੰਗ ਨਾ ਸਿਰਫ਼ ਆਧੁਨਿਕ ਦਿਖਾਈ ਦੇਵੇਗਾ ਬਲਕਿ ਡਰਾਈਵਿੰਗ ਨੂੰ ਵੀ ਬਿਹਤਰ ਬਣਾਏਗਾ। ਇਸ ਤੋਂ ਇਲਾਵਾ, ਇਸ ਵਿੱਚ ਤਿੰਨ-ਹਿੱਸਿਆਂ ਵਾਲਾ ਡੈਸ਼ਬੋਰਡ ਹੋਵੇਗਾ, ਜਿਸ ਵਿੱਚ ਇਨਫੋਟੇਨਮੈਂਟ ਸਕ੍ਰੀਨ ਅਤੇ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ ਇਕੱਠੇ ਹੋਣਗੇ।
ਬੈਟਰੀ, ਰੇਂਜ ਅਤੇ ਪਰਫਾਰਮੈਂਸ ਵਿੱਚ XEV 7e ਕਿੰਨੀ ਦਮਦਾਰ
ਮਹਿੰਦਰਾ XEV 7e ਕੰਪਨੀ ਦੇ ਨਵੇਂ INGLO ਸਕੇਟਬੋਰਡ EV ਪਲੇਟਫਾਰਮ ‘ਤੇ ਬਣਾਇਆ ਜਾਵੇਗਾ। ਇਸ ਵਿੱਚ ਦੋ ਬੈਟਰੀ ਆਪਸ਼ਨ (ਪਹਿਲਾ 59 kWh ਬੈਟਰੀ ਪੈਕ ਅਤੇ ਦੂਜਾ 79 kWh) ਦਿੱਤੇ ਜਾਣ ਦੀ ਸੰਭਾਵਨਾ ਹੈ। ਇਨ੍ਹਾਂ ਚੋਂ ਵੱਡੀ ਬੈਟਰੀ XEV 7e ਨੂੰ ਇੱਕ ਵਾਰ ਪੂਰੇ ਚਾਰਜ ‘ਤੇ 600 ਕਿਲੋਮੀਟਰ ਤੱਕ ਦੀ ਰੇਂਜ ਦਵੇਗੀ। ਇਸ ਦੇ ਨਾਲ ਹੀ, ਇਸਨੂੰ Ultra-Fast Charging ਸਪੋਰਟ ਵੀ ਮਿਲੇਗਾ, ਤਾਂ ਜੋ ਬੈਟਰੀ ਨੂੰ ਕੁਝ ਸਮੇਂ ‘ਚ ਪੂਰੀ ਤਰ੍ਹਾਂ ਚਾਰਜ ਕਰ ਦਵੇਗਾ।
ਪਰਫਾਰਮੈਂਸ ਦੀ ਗੱਲ ਕਰੀਏ ਤਾਂ, ਇਹ SUV ਦੋ ਡਰਾਈਵਿੰਗ ਕੰਫੀਗ੍ਰੇਸ਼ਨ ਵਿੱਚ ਉਪਲਬਧ ਹੋਵੇਗੀ: RWD (ਰੀਅਰ ਵ੍ਹੀਲ ਡਰਾਈਵ) ਵੇਰੀਐਂਟ ਵਿੱਚ ਇੱਕ ਸਿੰਗਲ ਮੋਟਰ ਦਿੱਤੀ ਜਾਵੇਗੀ। AWD (ਆਲ ਵ੍ਹੀਲ ਡਰਾਈਵ) ਵੇਰੀਐਂਟ ਵਿੱਚ ਦੋ ਮੋਟਰਾਂ ਹੋਣਗੀਆਂ, ਜੋ ਮਿਲ ਕੇ ਲਗਭਗ 325 bhp ਦੀ ਪਾਵਰ ਪੈਦਾ ਕਰਨਗੀਆਂ। ਇਸ ਤਰ੍ਹਾਂ, XEV 7e ਨਾ ਸਿਰਫ ਲੰਬੀ ਦੂਰੀ ਤੈਅ ਕਰਨ ਦੇ ਯੋਗ ਹੋਵੇਗੀ, ਬਲਕਿ ਸਪੀਡ ਤੇ ਪਾਵਰ ਦੇ ਮਾਮਲੇ ਵਿੱਚ ਵੀ ਮਜ਼ਬੂਤ ਸਾਬਤ ਹੋਵੇਗੀ।
ਲਾਂਚ ਡੇਟ ਅਤੇ ਕੀਮਤ
ਹਾਲਾਂਕਿ ਮਹਿੰਦਰਾ ਨੇ ਅਜੇ ਤੱਕ XEV 7e ਦੀ ਲਾਂਚ ਡੇਟ ਦਾ ਅਧਿਕਾਰਤ ਤੌਰ ‘ਤੇ ਐਲਾਨ ਨਹੀਂ ਕੀਤਾ ਹੈ, ਪਰ ਸੂਤਰਾਂ ਦਾ ਕਹਿਣਾ ਹੈ ਕਿ ਇਸਨੂੰ 15 ਅਗਸਤ 2025 ਨੂੰ ਸੁਤੰਤਰਤਾ ਦਿਵਸ ਦੇ ਮੌਕੇ ‘ਤੇ ਟੀਜ਼ ਕੀਤਾ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ, ਇਸਦੀ ਅਸਲ ਲਾਂਚਿੰਗ 2025 ਦੇ ਆਖਰੀ ਮਹੀਨਿਆਂ ਵਿੱਚ ਹੋ ਸਕਦੀ ਹੈ।
ਕੀਮਤ ਦੀ ਗੱਲ ਕਰੀਏ ਤਾਂ, ਇਹ SUV ਮਹਿੰਦਰਾ BE 6 ਅਤੇ XEV 9e ਦੇ ਵਿਚਕਾਰ ਸਥਿਤ ਹੋਵੇਗੀ। ਇਸਦਾ ਮਤਲਬ ਹੈ ਕਿ ਇਹ ਇੱਕ ਪ੍ਰੀਮੀਅਮ ਪਰ ਬਜਟ-ਅਨੁਕੂਲ ਇਲੈਕਟ੍ਰਿਕ SUV ਹੋਵੇਗੀ, ਜੋ ਜ਼ਿਆਦਾਤਰ ਲੋਕਾਂ ਦੇ ਬਜਟ ਵਿੱਚ ਫਿੱਟ ਹੋਵੇਗੀ।
ਦੱਸ ਦੇਈਏ ਕਿ XUV700 ਨੇ ਭਾਰਤੀ ਬਾਜ਼ਾਰ ਵਿੱਚ ਇੱਕ ਮਜ਼ਬੂਤ ਛਾਪ ਛੱਡੀ ਹੈ। ਹੁਣ ਮਹਿੰਦਰਾ XEV 7e ਦੇ ਨਾਲ ਇਲੈਕਟ੍ਰਿਕ ਅਵਤਾਰ ਵਿੱਚ ਉਹੀ ਵਿਸ਼ਵਾਸ ਲਿਆ ਰਹੀ ਹੈ। ਇਹ ਕਾਰ ਉਨ੍ਹਾਂ ਗਾਹਕਾਂ ਲਈ ਖਾਸ ਹੋਵੇਗੀ ਜੋ ਇੱਕ ਫਿਊਚਰੀਸਟੀਕ, ਤਕਨਾਲੋਜੀ ਨਾਲ ਭਰਪੂਰ ਅਤੇ ਦਮਦਾਰ ਪਰਫਾਰਮੈਂਸ ਵਾਲੀ SUV ਚਾਹੁੰਦੇ ਹਨ।
