Ghaziabad Fake Embassy: ਉੱਤਰ ਪ੍ਰਦੇਸ਼ ਸਪੈਸ਼ਲ ਟਾਸਕ ਫੋਰਸ (STF) ਦੀ ਨੋਇਡਾ ਯੂਨਿਟ ਨੇ ਗਾਜ਼ੀਆਬਾਦ ਦੇ ਹਰਸ਼ਵਰਧਨ ਨੂੰ ਗ੍ਰਿਫ਼ਤਾਰ ਕਰਕੇ ਅਜਿਹਾ ਖੁਲਾਸਾ ਕੀਤਾ ਹੈ ਜਿਸ ਨੇ ਸੁਰੱਖਿਆ ਅਤੇ ਖੁਫੀਆ ਏਜੰਸੀਆਂ ਨੂੰ ਵੀ ਹੈਰਾਨ ਕਰ ਦਿੱਤਾ ਹੈ। ਹਰਸ਼ਵਰਧਨ ਜੈਨ ਗਾਜ਼ੀਆਬਾਦ ਦੇ ਕਵੀਨਗਰ ਇਲਾਕੇ ਵਿੱਚ ਇੱਕ ਜਾਅਲੀ ‘ਦੂਤਾਵਾਸ’ ਚਲਾ ਰਿਹਾ ਸੀ। ਉਹ ਆਪਣੇ ਆਪ ਨੂੰ ਅਜਿਹੇ ਦੇਸ਼ਾਂ ਦਾ ਰਾਜਦੂਤ ਦੱਸਦਾ ਸੀ ਜੋ ਅਸਲ ਵਿੱਚ ਦੁਨੀਆ ਦੇ ਨਕਸ਼ੇ ‘ਤੇ ਮੌਜੂਦ ਨਹੀਂ ਹਨ। ਇਹ ਨੈੱਟਵਰਕ ਨਾ ਸਿਰਫ਼ ਜਾਅਲੀ ਪਛਾਣ ਦੀ ਮਦਦ ਨਾਲ ਚੱਲ ਰਿਹਾ ਸੀ ਬਲਕਿ ਹਵਾਲਾ ਤੇ ਇਸ ਰਾਹੀਂ ਵਿਦੇਸ਼ੀ ਮੁਦਰਾ ਦੇ ਗੈਰ-ਕਾਨੂੰਨੀ ਸੰਚਾਲਨ ਵਰਗੀਆਂ ਗਤੀਵਿਧੀਆਂ ਨੂੰ ਵੀ ਅੰਜਾਮ ਦੇ ਰਿਹਾ ਸੀ।
ਐਸਟੀਐਫ ਦੀ ਜਾਂਚ ਤੋਂ ਪਤਾ ਲੱਗਿਆ ਕਿ ਹਰਸ਼ਵਰਧਨ ਜੈਨ ਆਪਣੇ ਆਪ ਨੂੰ ‘ਮਾਈਕ੍ਰੋਨੇਸ਼ਨ’ ਜਾਂ ਨਕਲੀ ਦੇਸ਼ਾਂ ਦਾ ਰਾਜਦੂਤ ਕਹਿੰਦਾ ਸੀ। ਉਸਨੇ West Arctica, Saborga, Poulvia, Lodonia ਦੇ ਨਾਮ ‘ਤੇ ਦੂਤਾਵਾਸ ਖੋਲ੍ਹੇ ਸਨ। ਖਾਸ ਗੱਲ ਇਹ ਹੈ ਕਿ ਇੰਟਰਨੈੱਟ ‘ਤੇ ਕਿਤੇ ਵੀ ਇਨ੍ਹਾਂ ਦੇਸ਼ਾਂ ਦਾ ਜ਼ਿਕਰ ਨਹੀਂ ਹੈ।
ਜੇਕਰ ਤੁਸੀਂ ਗੂਗਲ ‘ਤੇ ਸਬੋਰਗਾ ਸਰਚ ਕਰੋਗੇ, ਤਾਂ ਤੁਹਾਨੂੰ ਪਤਾ ਲੱਗੇਗਾ ਕਿ ਅਜਿਹਾ ਕੋਈ ਦੇਸ਼ ਨਹੀਂ ਹੈ, ਪਰ ਇੱਕ ਪਿੰਡ ਅਤੇ ਮਾਈਕ੍ਰੋਨੇਸ਼ਨ ਹੈ ਜਿਸਨੂੰ ਦੇਸ਼ ਦਾ ਦਰਜਾ ਨਹੀਂ ਮਿਲਿਆ ਹੈ। ਦੂਜਾ ਨਾਮ ਪਲਵੀਆ ਸੀ, ਜਿਸਦੀ ਸਰਚ ਕਰਨ ‘ਤੇ ਤੁਹਾਨੂੰ ਕੁਝ ਲੋਕਾਂ ਦੇ ਨਾਮ ਦਾ ਸਿਰਲੇਖ ਮਿਲਦਾ ਹੈ। ਇਸੇ ਤਰ੍ਹਾਂ, ਜਦੋਂ ਲਾਡਾਨੀਆ ਸਰਚ ਕੀਤਾ ਜਾਂਦਾ ਹੈ, ਤਾਂ ਇਹ ਇੱਕ ਲੈਬ ਦਾ ਨਾਮ ਨਿਕਲਦਾ ਹੈ। ਇਹ ਵਿਅਕਤੀ ਇੱਕ ਦੇਸ਼ ਦਾ ਨਾਮ ਵੈਸਟ ਆਰਕਟਿਕਾ ਲਿਖਦਾ ਸੀ, ਸਰਚ ਕਰਨ ‘ਤੇ ਪਤਾ ਲੱਗਾ ਕਿ ਇਹ ਸੰਯੁਕਤ ਰਾਸ਼ਟਰ ਲਈ ਕੰਮ ਕਰਨ ਵਾਲੀ ਇੱਕ ਗੈਰ-ਮੁਨਾਫ਼ਾ ਸੰਸਥਾ ਦਾ ਨਾਮ ਹੈ।
ਹਰਸ਼ਵਰਧਨ ਨੇ ਗਾਜ਼ੀਆਬਾਦ ਦੇ ਕੇਬੀ 35 ਕਵੀਨਗਰ ਵਿਖੇ ਕਿਰਾਏ ਦੇ ਬੰਗਲੇ ਵਿੱਚ ਇਨ੍ਹਾਂ ਨਾਵਾਂ ‘ਤੇ ਦੂਤਾਵਾਸ ਵਰਗਾ ਪੂਰਾ ਸੈੱਟਅੱਪ ਸਥਾਪਤ ਕੀਤਾ ਸੀ। ਇੱਥੇ, ਲੋਕਾਂ ਨੂੰ ਵਿਦੇਸ਼ੀ ਝੰਡੇ, ਜਾਅਲੀ ਡਿਪਲੋਮੈਟਿਕ ਪਾਸਪੋਰਟ ਤੇ ਜਾਅਲੀ ਦਸਤਾਵੇਜ਼ਾਂ ਦੀ ਵਰਤੋਂ ਕਰਕੇ ਅੰਤਰਰਾਸ਼ਟਰੀ ਡਿਪਲੋਮੈਟ ਹੋਣ ਦਾ ਦਿਖਾਵਾ ਕਰਕੇ ਧੋਖਾ ਦਿੱਤਾ ਜਾਂਦਾ ਸੀ।
22 ਜੁਲਾਈ 2025 ਨੂੰ, ਨੋਇਡਾ ਐਸਟੀਐਫ ਨੇ ਇਸ ਜਾਅਲੀ ਦੂਤਾਵਾਸ ‘ਤੇ ਛਾਪਾ ਮਾਰਿਆ ਅਤੇ ਹਰਸ਼ਵਰਧਨ ਜੈਨ ਨੂੰ ਗ੍ਰਿਫਤਾਰ ਕੀਤਾ। ਪੁੱਛਗਿੱਛ ਦੌਰਾਨ, ਇਹ ਪਾਇਆ ਗਿਆ ਕਿ ਉਸਨੇ ਆਪਣਾ ਪ੍ਰਭਾਵ ਵਧਾਉਣ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਰਾਸ਼ਟਰਪਤੀ ਅਤੇ ਹੋਰ ਵਿਸ਼ਵਵਿਆਪੀ ਨੇਤਾਵਾਂ ਨਾਲ ਆਪਣੀਆਂ ਮੋਰਫ ਕੀਤੀਆਂ ਤਸਵੀਰਾਂ ਦੀ ਵਰਤੋਂ ਕੀਤੀ। ਇਸ ਪੂਰੀ ਕਾਰਵਾਈ ਪਿੱਛੇ ਉਸਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਵਿਦੇਸ਼ਾਂ ਵਿੱਚ ਜਾਅਲੀ ਨੌਕਰੀਆਂ ਦਾ ਲਾਲਚ ਦੇ ਕੇ ਪੈਸੇ ਵਸੂਲਣਾ, ਸ਼ੈੱਲ ਕੰਪਨੀਆਂ ਰਾਹੀਂ ਹਵਾਲਾ ਕਾਰੋਬਾਰ ਕਰਨਾ ਅਤੇ ਨਿੱਜੀ ਕੰਪਨੀਆਂ ਲਈ ਵਿਦੇਸ਼ੀ ਸੰਪਰਕ ਪ੍ਰਾਪਤ ਕਰਨ ਦੇ ਨਾਮ ‘ਤੇ ਦਲਾਲੀ ਦੇ ਨਾਲ-ਨਾਲ ਜਾਅਲੀ ਪਾਸਪੋਰਟਾਂ ਅਤੇ ਵਿਦੇਸ਼ੀ ਮੁਦਰਾ ਦਾ ਗੈਰ-ਕਾਨੂੰਨੀ ਵਪਾਰ ਕਰਨਾ ਸੀ।
ਐਸਟੀਐਫ ਵੱਲੋਂ ਕੀਤੀ ਗਈ ਤਲਾਸ਼ੀ ਦੌਰਾਨ ਬਰਾਮਦ ਕੀਤੀਆਂ ਗਈਆਂ ਚੀਜ਼ਾਂ ਵਿੱਚ ਡਿਪਲੋਮੈਟਿਕ ਨੰਬਰ ਪਲੇਟਾਂ ਵਾਲੀਆਂ ਚਾਰ ਲਗਜ਼ਰੀ ਗੱਡੀਆਂ ਸ਼ਾਮਲ ਹਨ। ਇੱਕ ਜਾਅਲੀ ਮਾਈਕ੍ਰੋਨੇਸ਼ਨ ਦੇ ਨਾਮ ‘ਤੇ ਬਣਾਏ ਗਏ 12 ਡਿਪਲੋਮੈਟਿਕ ਪਾਸਪੋਰਟ। ਭਾਰਤੀ ਵਿਦੇਸ਼ ਮੰਤਰਾਲੇ ਦੀ ਮੋਹਰ ਵਾਲੇ ਜਾਅਲੀ ਦਸਤਾਵੇਜ਼, ਦੋ ਜਾਅਲੀ ਪੈਨ ਕਾਰਡ, 34 ਵੱਖ-ਵੱਖ ਕੰਪਨੀਆਂ ਅਤੇ ਦੇਸ਼ਾਂ ਦੇ ਜਾਅਲੀ ਸਟੈਂਪ, ਦੋ ਜਾਅਲੀ ਪ੍ਰੈਸ ਕਾਰਡ, 44,70,000 ਰੁਪਏ ਨਕਦ ਅਤੇ ਕਈ ਦੇਸ਼ਾਂ ਦੀ ਵਿਦੇਸ਼ੀ ਮੁਦਰਾ, ਇਸ ਤੋਂ ਇਲਾਵਾ 18 ਵੱਖ-ਵੱਖ ਡਿਪਲੋਮੈਟਿਕ ਨੰਬਰ ਪਲੇਟਾਂ। ਦੋਸ਼ੀ ਨੇ ਇਨ੍ਹਾਂ ਸਾਰੀਆਂ ਚੀਜ਼ਾਂ ਦੀ ਵਰਤੋਂ ਆਪਣੇ ਆਪ ਨੂੰ ਇੱਕ ਅੰਤਰਰਾਸ਼ਟਰੀ ਡਿਪਲੋਮੈਟਿਕ ਵਿਅਕਤੀ ਸਾਬਤ ਕਰਨ ਲਈ ਕੀਤੀ।
ਇਸ ਸਮੇਂ ਦੋਸ਼ੀ ਵਿਰੁੱਧ ਗਾਜ਼ੀਆਬਾਦ ਦੇ ਕਵੀਨਗਰ ਥਾਣੇ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ ਅਤੇ ਉਸਦੀ ਪੁੱਛਗਿੱਛ ਚੱਲ ਰਹੀ ਹੈ। ਐਸਟੀਐਫ ਇਹ ਵੀ ਜਾਂਚ ਕਰ ਰਹੀ ਹੈ ਕਿ ਕਿਸ ਨਾਲ ਵਿੱਤੀ ਲੈਣ-ਦੇਣ ਹੋਇਆ, ਇਸ ਰਾਹੀਂ ਵਿਦੇਸ਼ਾਂ ਵਿੱਚ ਸੰਪਰਕ ਬਣਾਉਣ ਲਈ ਕਿੰਨੀਆਂ ਕੰਪਨੀਆਂ ਨੂੰ ਲਾਲਚ ਦਿੱਤਾ ਗਿਆ ਅਤੇ ਇਹ ਵਿਅਕਤੀ ਕਿਹੜੇ ਹਵਾਲਾ ਨੈੱਟਵਰਕ ਨਾਲ ਜੁੜਿਆ ਹੋਇਆ ਸੀ। ਜਾਂਚ ਏਜੰਸੀਆਂ ਦਾ ਇਹ ਵੀ ਮੰਨਣਾ ਹੈ ਕਿ ਇਸ ਮਾਮਲੇ ਦੀਆਂ ਜੜ੍ਹਾਂ ਦੇਸ਼ ਤੋਂ ਬਾਹਰ ਵੀ ਹੋ ਸਕਦੀਆਂ ਹਨ।
