ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ 20 ਫਰਵਰੀ ਤੋਂ ਦੱਖਣੀ ਅਫ਼ਰੀਕਾ ਦੇ ਦੌਰੇ ‘ਤੇ, G-20 ਮੀਟਿੰਗ ‘ਚ ਲੈਣਗੇ ਹਿੱਸਾ

Foreign Minister S. Jaishankar will visit South Africa: ਭਾਰਤ ਦੇ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ 20-21 ਫਰਵਰੀ, 2025 ਨੂੰ ਦੱਖਣੀ ਅਫ਼ਰੀਕਾ ਦਾ ਦੌਰਾ ਕਰਨਗੇ, ਜਿੱਥੇ ਉਹ ਜੋਹਾਨਸਬਰਗ ਵਿੱਚ ਹੋ ਰਹੀ G-20 ਵਿਦੇਸ਼ ਮੰਤਰੀਆਂ ਦੀ ਬੈਠਕ ‘ਚ ਸ਼ਾਮਲ ਹੋਣਗੇ। ਇਹ ਜਾਣਕਾਰੀ ਵਿਦੇਸ਼ ਮੰਤਰਾਲੇ ਵੱਲੋਂ ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਬਿਆਨ ‘ਚ ਦਿੱਤੀ ਗਈ।

ਜੈਸ਼ੰਕਰ ਕੁਝ ਦੁਵੱਲੀ ਮੀਟਿੰਗਾਂ ਵੀ ਕਰ ਸਕਦੇ ਹਨ

G-20 ਮੀਟਿੰਗ ਦੌਰਾਨ, ਵਿਦੇਸ਼ ਮੰਤਰੀ ਕੁਝ ਮਹੱਤਵਪੂਰਨ ਦੁਵੱਲੀ ਮੀਟਿੰਗਾਂ ਵੀ ਕਰਨਗੇ, ਜਿਸ ਰਾਹੀਂ ਭਾਰਤ ਆਪਣੇ ਅੰਤਰਰਾਸ਼ਟਰੀ ਰਿਸ਼ਤੇ ਹੋਰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰੇਗਾ। ਦੱਸਣਯੋਗ ਹੈ ਕਿ ਇਸ ਸਮੇਂ ਦੱਖਣੀ ਅਫ਼ਰੀਕਾ G-20 ਗਰੁੱਪ ਦੀ ਅਧਿਆਕਸ਼ਤਾ ਕਰ ਰਿਹਾ ਹੈ ਅਤੇ ਇਸ ਬੈਠਕ ਦੀ ਮਹੱਤਤਾ ਹੋਰ ਵੀ ਵੱਧ ਜਾਂਦੀ ਹੈ।

G-20 ਫੋਰਮ ‘ਤੇ ‘ਗਲੋਬਲ ਸਾਊਥ’ ਦੀ ਆਵਾਜ਼ ਹੋਵੇਗੀ ਉਭਰਤ

ਵਿਦੇਸ਼ ਮੰਤਰਾਲੇ ਅਨੁਸਾਰ, “ਜੈਸ਼ੰਕਰ ਦੀ ਇਹ ਭਾਗੀਦਾਰੀ G-20 ਦੇਸ਼ਾਂ ਨਾਲ ਭਾਰਤ ਦੇ ਰਿਸ਼ਤਿਆਂ ਨੂੰ ਹੋਰ ਮਜ਼ਬੂਤ ਕਰੇਗੀ ਅਤੇ ‘ਗਲੋਬਲ ਸਾਊਥ’ (ਘੱਟ ਵਿਕਸਤ ਅਤੇ ਵਿਕਾਸ਼ਸ਼ੀਲ ਦੇਸ਼ਾਂ) ਦੀ ਆਵਾਜ਼ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਏਗੀ।”

G-20 ਮੀਟਿੰਗ ਦਾ ਭਾਰਤ ਲਈ ਕੀਹ ਅਹਿਮੀਅਤ?

G-20 ਵਿਦੇਸ਼ ਮੰਤਰੀਆਂ ਦੀ ਮੀਟਿੰਗ ਵਿਸ਼ਵ ਪੱਧਰੀ ਚੁਣੌਤੀਆਂ, ਵਿਕਾਸ, ਵਪਾਰ, ਆਰਥਿਕ ਸਾਥ, ਅਤੇ ਭੂ-ਰਾਜਨੀਤਕ ਮਾਮਲਿਆਂ ‘ਤੇ ਚਰਚਾ ਕਰਨ ਲਈ ਇੱਕ ਵੱਡਾ ਮੰਚ ਹੁੰਦੀ ਹੈ। ਇਸ ਵਿੱਚ ਭਾਰਤ ਵਿਕਾਸਸ਼ੀਲ ਦੇਸ਼ਾਂ ਦੇ ਹਿੱਤਾਂ ਦੀ ਪੂਰੀ ਪੈਰਵੀ ਕਰੇਗਾ।

ਹੁਣ ਦੇਖਣਾ ਇਹ ਹੋਵੇਗਾ ਕਿ ਭਾਰਤ G-20 ਫੋਰਮ ‘ਤੇ ਆਪਣੇ ਅਜੈਂਡੇ ਨੂੰ ਕਿਵੇਂ ਅੱਗੇ ਵਧਾਉਂਦਾ ਹੈ ਅਤੇ ਦੁਨੀਆ ਦੇ ਹੋਰ ਆਗੂਆਂ ਨਾਲ ਕਿਹੜੀਆਂ ਨਵੀਆਂ ਸਾਂਝਾਂ ਬਣਾਉਂਦਾ ਹੈ।