ਹਰਿਆਣਾ ਸਰਕਾਰ ਵੱਲੋਂ ਪ੍ਰੀਖਿਆ ‘ਚ ਵੱਡੀ ਰਾਹਤ: ਸਿੱਖਾਂ ਲਈ ਕਿਰਪਾਣ, ਮਹਿਲਾਵਾਂ ਲਈ ਮੰਗਲਸੂਤਰ, ਜਾਣੋ ਨਿਯਮਾਂ ਦੀ ਪੂਰੀ ਜਾਣਕਾਰੀ
Haryana Government; ਹਰਿਆਣਾ ਸਰਕਾਰ ਨੇ ਸਿੱਖ ਵਿਦਿਆਰਥੀਆਂ ਅਤੇ ਵਿਵਾਹਿਤ ਔਰਤਾਂ ਲਈ ਪ੍ਰੀਖਿਆਵਾਂ ਵਿੱਚ ਖ਼ਾਸ ਛੂਟ ਦਾ ਆਦੇਸ਼ ਜਾਰੀ ਕੀਤਾ ਹੈ। ਹੁਣ ਸਿੱਖ ਵਿਦਿਆਰਥੀ ਕਿਰਪਾਣ ਪਹਿਨ ਕੇ ਅਤੇ ਵਿਵਾਹਿਤ ਔਰਤਾਂ ਮੰਗਲਸੂਤਰ ਪਹਿਨ ਕੇ ਪ੍ਰੀਖਿਆ ਦੇ ਸਕਣਗੀਆਂ।
ਸ਼ਰਤਾਂ ਵੀ ਹਨ:
ਸਰਕਾਰ ਨੇ ਕੁਝ ਸ਼ਰਤਾਂ ਵੀ ਰੱਖੀਆਂ ਹਨ। ਸਿੱਖ ਵਿਦਿਆਰਥੀਆਂ ਨੂੰ ਕੇਵਲ ਨਿਰਧਾਰਿਤ ਲੰਬਾਈ ਦਾ ਕਿਰਪਾਣ ਲੈ ਕੇ ਜਾਣ ਦੀ ਆਗਿਆ ਹੈ। ਵਿਵਾਹਿਤ ਔਰਤਾਂ ਨੂੰ ਮੰਗਲਸੂਤਰ ਪਹਿਨ ਕੇ ਪ੍ਰੀਖਿਆ ਕੇਂਦਰ ‘ਤੇ ਆਧਾ ਘੰਟਾ ਪਹਿਲਾਂ ਪਹੁੰਚਣਾ ਹੋਵੇਗਾ।
ਕਿਰਪਾਣ ਦੀ ਲੰਬਾਈ ਨਿਰਧਾਰਿਤ ਕੀਤੀ ਗਈ:
ਸਰਕਾਰ ਦੇ ਜਾਰੀ ਆਦੇਸ਼ ਅਨੁਸਾਰ, ਸਿੱਖ ਉਮੀਦਵਾਰਾਂ ਲਈ ਕਿਰਪਾਣ ਦੀ ਲੰਬਾਈ 9 ਇੰਚ (22.86 ਸੈਂਟੀਮੀਟਰ) ਅਤੇ ਬਲੇਡ ਦੀ ਵੱਧ ਤੋਂ ਵੱਧ ਲੰਬਾਈ 6 ਇੰਚ (15.24 ਸੈਂਟੀਮੀਟਰ) ਨਿਰਧਾਰਿਤ ਕੀਤੀ ਗਈ ਹੈ।
ਕਿਰਪਾਣ ਧਾਰਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਨਿਰਧਾਰਿਤ ਸਮੇਂ ਤੋਂ ਘੱਟੋ ਘੱਟ ਇੱਕ ਘੰਟਾ ਪਹਿਲਾਂ ਪ੍ਰੀਖਿਆ ਕੇਂਦਰ ‘ਤੇ ਪਹੁੰਚਣਾ ਹੋਵੇਗਾ, ਜਿੱਥੇ ਜਾਂਚ ਤੋਂ ਬਾਦ ਹੀ ਉਹ ਪ੍ਰੀਖਿਆ ਵਿਚ ਬੈਠ ਸਕਣਗੇ।
ਵਿਵਾਹਿਤ ਔਰਤਾਂ ਲਈ ਸ਼ਰਤ:
ਵਿਵਾਹਿਤ ਔਰਤਾਂ ਨੂੰ ਮੰਗਲਸੂਤਰ ਪਹਿਨ ਕੇ ਪ੍ਰੀਖਿਆ ਵਿੱਚ ਬੈਠਣ ਦੀ ਆਗਿਆ ਹੈ। ਹਾਲਾਂਕਿ, ਇਸ ਤਰ੍ਹਾਂ ਦੀਆਂ ਉਮੀਦਵਾਰਾਂ ਨੂੰ ਨਿਰਧਾਰਿਤ ਸਮੇਂ ਤੋਂ ਘੱਟੋ ਘੱਟ 30 ਮਿੰਟ ਪਹਿਲਾਂ ਪ੍ਰੀਖਿਆ ਕੇਂਦਰ ‘ਤੇ ਪਹੁੰਚਣਾ ਜ਼ਰੂਰੀ ਹੈ।
