Champions Trophy 2025 Semi-final: ਪਹਿਲੇ ਸੈਮੀਫਾਈਨਲ ਵਿੱਚ ਭਾਰਤ ਦਾ ਸਾਹਮਣਾ ਆਸਟ੍ਰੇਲੀਆ ਨਾਲ ਹੋਇਆ। ਇਸ ਮੁਕਾਬਲੇ ‘ਚ ਭਾਰਤੀ ਟੀਮ ਦੇ ਖਿਡਾਰੀ ਬਾਹਾਂ ‘ਤੇ ਕਾਲੀਆਂ ਪੱਟੀਆਂ ਬੰਨ੍ਹ ਕੇ ਖੇਡ ਰਹੇ ਹਨ।
Team India Wear Black Band: ਚੈਂਪੀਅਨਸ ਟਰਾਫੀ 2025 ਦੇ ਪਹਿਲੇ ਸੈਮੀਫਾਈਨਲ ਵਿੱਚ ਭਾਰਤ ਦਾ ਸਾਹਮਣਾ ਆਸਟ੍ਰੇਲੀਆ ਨਾਲ ਹੋਇਆ। ਇਸ ਮੁਕਾਬਲੇ ‘ਚ ਭਾਰਤੀ ਟੀਮ ਦੇ ਖਿਡਾਰੀ ਬਾਹਾਂ ‘ਤੇ ਕਾਲੀਆਂ ਪੱਟੀਆਂ ਬੰਨ੍ਹ ਕੇ ਖੇਡ ਰਹੇ ਹਨ। ਦਰਅਸਲ, ਰੋਹਿਤ ਐਂਡ ਕੰਪਨੀ ਇੱਕ ਮਹਾਨ ਖਿਡਾਰੀ ਦੇ ਸਨਮਾਨ ਵਿੱਚ ਕਾਲੀਆਂ ਪੱਟੀਆਂ ਬੰਨ੍ਹ ਕੇ ਮੈਦਾਨ ਵਿੱਚ ਉਤਰੇ। ਇਸ ਦਿੱਗਜ ਦਾ ਨਾਮ ਪਦਮਾਕਰ ਸ਼ਿਵਾਲਕਰ ਹੈ, ਜੋ ਆਪਣੇ ਦਿਨਾਂ ਵਿੱਚ ਵਿਸ਼ਵ ਪੱਧਰੀ ਖੱਬੇ ਹੱਥ ਦੀ ਸਪਿਨ ਗੇਂਦਬਾਜ਼ੀ ਕਰਦਾ ਸੀ। 3 ਮਾਰਚ 2025 ਨੂੰ ਬਿਮਾਰੀ ਕਾਰਨ 84 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ ਸੀ।
ਸ਼ਿਵਾਲਕਰ ਇੱਕ ਬਹੁਤ ਹੀ ਪ੍ਰਤਿਭਾਸ਼ਾਲੀ ਸਪਿਨ ਗੇਂਦਬਾਜ਼ ਸੀ, ਪਰ ਭਾਰਤ ਲਈ ਕਦੇ ਵੀ ਡੈਬਿਊ ਨਹੀਂ ਕਰ ਸਕੇ। ਉਹ ਉਸ ਦੌਰ ‘ਚ ਖੇਡਦੇ ਸੀ ਜਦੋਂ ਬਿਸ਼ਨ ਸਿੰਘ ਬੇਦੀ ਨੇ ਆਪਣੀ ਸਪਿਨਿੰਗ ਗੇਂਦਾਂ ਨਾਲ ਵਿਸ਼ਵ ਕ੍ਰਿਕਟ ‘ਚ ਆਪਣਾ ਨਾਂ ਕਮਾਇਆ ਸੀ। ਉਨ੍ਹਾਂ ਨੇ ਆਪਣੇ ਪਹਿਲੇ ਦਰਜੇ ਦੇ ਕਰੀਅਰ ਦੇ 124 ਮੈਚਾਂ ਵਿੱਚ ਕੁੱਲ 589 ਵਿਕਟਾਂ ਲਈਆਂ। ਬੀਸੀਸੀਆਈ ਨੇ ਉਨ੍ਹਾਂ ਨੂੰ ਭਾਰਤੀ ਕ੍ਰਿਕਟ ਵਿੱਚ ਯੋਗਦਾਨ ਲਈ ਸੀਕੇ ਨਾਇਡੂ ਲਾਈਫਟਾਈਮ ਅਚੀਵਮੈਂਟ ਅਵਾਰਡ ਨਾਲ ਸਨਮਾਨਿਤ ਕੀਤਾ।
2 ਸਾਬਕਾ ਦਿੱਗਜਾਂ ਦੀਆਂ ਕੁਝ ਦਿਨਾਂ ਵਿੱਚ ਹੋਈ ਮੌਤ
ਵਧਦੀ ਉਮਰ ਕਾਰਨ ਪਦਮਾਕਰ ਸ਼ਿਵਾਲਕਰ ਦੀ ਸਿਹਤ ਵਿਗੜਣ ਲੱਗੀ। ਦਿੱਗਜ ਭਾਰਤੀ ਕ੍ਰਿਕਟਰ ਸੁਨੀਲ ਗਾਵਸਕਰ ਨੇ ਉਨ੍ਹਾਂ ਦੇ ਦੇਹਾਂਤ ‘ਤੇ ਦੁੱਖ ਪ੍ਰਗਟ ਕੀਤਾ। ਗਾਵਸਕਰ ਨੇ ਕਿਹਾ ਕਿ ਇਹ ਬਹੁਤ ਹੀ ਦੁਖਦਾਈ ਖਬਰ ਹੈ ਕਿ ਭਾਰਤ ਨੇ ਕੁਝ ਦਿਨਾਂ ਵਿੱਚ ਦੋ ਮਹਾਨ ਖਿਡਾਰੀਆਂ ਨੂੰ ਗੁਆ ਦਿੱਤਾ। ਪਦਮਾਕਰ ਸ਼ਿਵਾਲਕਰ ਤੋਂ ਕੁਝ ਦਿਨ ਪਹਿਲਾਂ 19 ਫਰਵਰੀ ਨੂੰ 76 ਸਾਲ ਦੀ ਉਮਰ ਵਿੱਚ ਮਿਲਿੰਦ ਦੱਤਾਤ੍ਰੇਅ ਦੀ ਮੌਤ ਹੋ ਗਈ ਸੀ। ਮਿਲਿੰਦ ਨੇ 1,531 ਦੌੜਾਂ ਬਣਾਉਣ ਤੋਂ ਇਲਾਵਾ 52 ਮੈਚਾਂ ਦੇ ਆਪਣੇ ਪਹਿਲੇ ਦਰਜੇ ਦੇ ਕਰੀਅਰ ਵਿੱਚ 125 ਵਿਕਟਾਂ ਵੀ ਲਈਆਂ।
ਭਾਰਤ ਅਤੇ ਆਸਟ੍ਰੇਲੀਆ ‘ਚ ਸੈਮੀਫਾਈਨਲ
ਭਾਰਤੀ ਟੀਮ ਨੇ ਗਰੁੱਪ ਏ ‘ਚ ਤਿੰਨੋਂ ਮੈਚ ਜਿੱਤ ਕੇ ਸੈਮੀਫਾਈਨਲ ‘ਚ ਜਗ੍ਹਾ ਪੱਕੀ ਕਰ ਲਈ ਸੀ। ਭਾਰਤ ਨੇ ਬੰਗਲਾਦੇਸ਼ ਅਤੇ ਪਾਕਿਸਤਾਨ ਨੂੰ 6-6 ਵਿਕਟਾਂ ਨਾਲ ਹਰਾਇਆ ਜਦਕਿ ਨਿਊਜ਼ੀਲੈਂਡ ਨੂੰ 44 ਦੌੜਾਂ ਨਾਲ ਹਰਾਇਆ। ਆਸਟ੍ਰੇਲੀਆ ਦੀ ਗੱਲ ਕਰੀਏ ਤਾਂ ਇਸ ਨੇ ਇੰਗਲੈਂਡ ਖਿਲਾਫ 352 ਦੌੜਾਂ ਦਾ ਇਤਿਹਾਸਕ ਟੀਚਾ ਹਾਸਲ ਕਰਕੇ ਰਿਕਾਰਡ ਬਣਾਇਆ ਸੀ। ਪਰ ਉਸ ਦੇ ਅਗਲੇ ਦੋ ਮੈਚ ਮੀਂਹ ਕਾਰਨ ਰੱਦ ਹੋ ਗਏ।
