ਮਹਿਲਾ ਏਸ਼ੀਆ ਕਪ ‘ਚ ਭਾਰਤ ‘ਏ’ ਦੀ ਪਹਿਲੀ ਜਿੱਤ, Radha Yadav ਦੀ ਘਾਤਕ ਗੇਂਦਬਾਜ਼ੀ, Dinesh Vrinda ਦਾ ਧਮਾਕਾ
India A vs Pakistan A women match; ਕਪਤਾਨ Radha Yadav ਦੀ ਸ਼ਾਨਦਾਰ ਸਪਿਨ ਗੇਂਦਬਾਜ਼ੀ ਅਤੇ Dinesh Vrinda ਦੇ ਤੂਫ਼ਾਨੀ ਨਾਬਾਦ ਅਰਧਸ਼ਤਕ ਦੀ ਬਦੌਲਤ ਭਾਰਤ ‘ਏ’ ਨੇ ਐਤਵਾਰ ਨੂੰ ਮਹਿਲਾ ‘ਏਸ਼ੀਆ ਕਪ ਰਾਈਜ਼ਿੰਗ ਸਟਾਰਜ਼’ ਵਿੱਚ ਪਾਕਿਸਤਾਨ ‘ਏ’ ਨੂੰ 59 ਗੇਂਦਾਂ ਬਾਕੀ ਰਹਿੰਦੇ ਹੋਏ ਅੱਠ ਵਿਕਟਾਂ ਨਾਲ ਕਰਾਰੀ ਹਾਰ ਦਿੱਤੀ। ਟੂਰਨਾਮੈਂਟ ਵਿੱਚ ਭਾਰਤ ‘ਏ’ ਮਹਿਲਾ ਟੀਮ ਦੀ ਇਹ ਪਹਿਲੀ ਜਿੱਤ ਹੈ। ਟੀਮ ਨੂੰ ਸ਼ੁੱਕਰਵਾਰ ਨੂੰ ਆਪਣੇ ਪਹਿਲੇ ਮੈਚ ਵਿੱਚ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਮਹਿਲਾ ਟੀਮ ਤੋਂ ਸੱਤ ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਪਾਕਿਸਤਾਨ ‘ਏ’ ‘ਤੇ ਜਿੱਤ ਨਾਲ ਭਾਰਤ ‘ਏ’ ਗਰੁੱਪ ਏ ਵਿੱਚ ਯੂਏਈ ਤੋਂ ਬਾਅਦ ਦੂਜੇ ਸਥਾਨ ‘ਤੇ ਪਹੁੰਚ ਗਿਆ ਹੈ।
ਭਾਰਤ ‘ਏ’ ਦੇ ਸਪਿਨਰਾਂ ਨੇ ਸਟੀਕ ਗੇਂਦਬਾਜ਼ੀ ਕਰਦੇ ਹੋਏ ਕੁੱਲ ਪੰਜ ਵਿਕਟਾਂ ਸਾਂਝੀਆਂ ਕੀਤੀਆਂ ਅਤੇ ਪਾਕਿਸਤਾਨ ਨੂੰ ਦਬਾਅ ਵਿੱਚ ਰੱਖਿਆ। ਪਾਕਿਸਤਾਨ ਦੀ ਟੀਮ 18.5 ਓਵਰਾਂ ਵਿੱਚ ਕੇਵਲ 93 ਦੌੜਾਂ ‘ਤੇ ਆਊਟ ਹੋ ਗਈ। ਰਾਧਾ (ਤਿੰਨ ਓਵਰਾਂ ਵਿੱਚ 11 ਦੌੜਾਂ ਦੇ ਕੇ ਦੋ ਵਿਕਟਾਂ) ਨੇ ਦੋ ਮਹੱਤਵਪੂਰਨ ਵਿਕਟਾਂ ਲੈ ਕੇ ਹਮਲੇ ਦੀ ਅਗਵਾਈ ਕੀਤੀ। ਪ੍ਰੇਮਾ ਰਾਵਤ (ਤਿੰਨ ਓਵਰਾਂ ਵਿੱਚ 16 ਦੌੜਾਂ ‘ਤੇ ਦੋ ਵਿਕਟਾਂ) ਅਤੇ ਮਿੰਨੂ ਮਣੀ (2.5 ਓਵਰਾਂ ਵਿੱਚ 10 ਦੌੜਾਂ ‘ਤੇ ਇਕ ਵਿਕਟ) ਨੇ ਯਕੀਨੀ ਬਣਾਇਆ ਕਿ ਪਾਕਿਸਤਾਨੀ ਬੱਲੇਬਾਜ਼ ਕੋਈ ਵੱਡੀ ਸਾਂਝ ਨਹੀਂ ਬਣਾ ਸਕਣ। ਤੇਜ਼ ਗੇਂਦਬਾਜ਼ ਸਾਇਮਾ ਠਾਕੋਰ ਨੇ ਵੀ ਚਾਰ ਓਵਰਾਂ ਵਿੱਚ ਸਿਰਫ 14 ਦੌੜਾਂ ਦੇ ਕੇ ਦੋ ਵਿਕਟਾਂ ਹਾਸਲ ਕੀਤੀਆਂ।
94 ਦੌੜਾਂ ਦੇ ਆਸਾਨ ਟੀਚੇ ਦਾ ਪਿੱਛਾ ਕਰਦੇ ਹੋਏ ਭਾਰਤ ਨੂੰ ਸ਼ੁਰੂ ਵਿੱਚ ਝਟਕਾ ਲੱਗਾ ਜਦੋਂ ਹੁਮੈਰਾ ਕਾਜ਼ੀ ਪਹਿਲੀ ਹੀ ਗੇਂਦ ‘ਤੇ ਆਊਟ ਹੋ ਗਈ। ਪਰ ਵ੍ਰਿੰਦਾ ਨੇ ਜਵਾਬੀ ਹਮਲਾ ਕਰਦਿਆਂ ਮੈਚ ਦਾ ਪਾਸਾ ਪਲਟ ਦਿੱਤਾ। ਉਨ੍ਹਾਂ ਨੇ 29 ਗੇਂਦਾਂ ‘ਚ 12 ਚੌਕੇ ਲਗਾ ਕੇ ਨਾਬਾਦ 55 ਦੌੜਾਂ ਬਣਾਈਆਂ ਅਤੇ ਮੈਚ ਪਾਕਿਸਤਾਨ ਦੀ ਪਕੜ ਤੋਂ ਦੂਰ ਕਰ ਦਿੱਤਾ।
ਵ੍ਰਿੰਦਾ ਨੂੰ ਅਨੁਸ਼ਕਾ ਸ਼ਰਮਾ ਦਾ ਵਧੀਆ ਸਾਥ ਮਿਲਿਆ। ਅਨੁਸ਼ਕਾ ਨੇ 26 ਗੇਂਦਾਂ ‘ਚ 24 ਦੌੜਾਂ ਦੀ ਸੰਭਲੀ ਹੋਈ ਪਾਰੀ ਖੇਡਦਿਆਂ ਦੂਜੇ ਵਿਕਟ ਲਈ 78 ਦੌੜਾਂ ਦੀ ਸਾਂਝ ਬਣਾਈ। ਅਨੁਸ਼ਕਾ ਦੇ ਆਊਟ ਹੋਣ ਤੋਂ ਬਾਅਦ ਤੇਜਲ ਹਸਬਨੀਸ ਨੇ ਪੰਜ ਗੇਂਦਾਂ ‘ਚ ਇੱਕ ਛੱਕਾ ਅਤੇ ਇੱਕ ਚੌਕਾ ਲਗਾ ਕੇ ਨਾਬਾਦ 12 ਦੌੜਾਂ ਬਣਾਈਆਂ ਅਤੇ ਟੀਮ ਨੂੰ ਕੇਵਲ 10.1 ਓਵਰਾਂ ਵਿੱਚ ਜਿੱਤ ਦਿਵਾ ਦਿੱਤੀ
