IPL Final Match in Narendra Modi Stadium: ਹਰ ਕੋਈ IPL ਦੇ ਫਾਈਨਲ ਨੂੰ ਲੈ ਕੇ ਕਾਫ਼ੀ ਐਕਸਾਈਟਿਡ ਹਨ। ਇਸ ਸਭ ਦੇ ਦਰਮਿਆਨ ਪੰਜਾਬ ਸੀਐਮ ਭਗਵੰਤ ਮਾਨ ਨੇ ਵੀ ਟੀਮ ਪੰਜਾਬ ਨੂੰ ਆਪਣੀਆਂਂ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।
CM Mann best Wishes to Punjab Kings for IPL Final: ਅੱਜ IPL ਦੇ 18ਵੇਂ ਸੀਜਨ ਦਾ ਆਖਰੀ ਮੈਚ ਅਹਿਮਦਾਬਾਦ ਦੇ ਨਰੇਂਦਰ ਮੋਦੀ ਸਟੇਡੀਅਮ ‘ਚ ਪੰਜਾਬ ਕਿੰਗਸ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਦੇ ਦਰਮਿਆਨ ਸ਼ਾਮ 7 ਵਜੇ ਖੇਡਿਆ ਜਾਣਾ ਹੈ। ਇਸ ਮੈਚ ‘ਚ ਸਭ ਤੋਂ ਵੱਡੀ ਗੱਲ ਹੈ ਕਿ ਦੋਵੇਂ ਟੀਮਾਂ ਪਹਿਲੀ ਵਾਰ ਖਿਤਾਬੀ ਜੰਗ ਲਈ ਮੈਦਾਨ ‘ਚ ਉਤਰਣਗੀਆਂ। ਦੋਵਾਂ ਚੋਂ ਅਜੇ ਤੱਕ ਕਿਸੇ ਟਰਾਫੀ ਆਪਣੇ ਨਾਂਂ ਨਹੀਂ ਕੀਤੀ ਹੈ।
ਅਜਿਹੇ ‘ਚ ਹਰ ਕੋਈ ਇਸ ਮੈਚ ਨੂੰ ਲੈ ਕੇ ਕਾਫ਼ੀ ਐਕਸਾਈਟਿਡ ਹਨ। ਜਿੱਥੇ ਪੰਜਾਬ ਨੂੰ ਸ਼੍ਰੇਅਸ ਅਇਅਰ ਲੀਡ ਕਰ ਰਹੇ ਹਨ ਉਥੇ ਹੀ ਰਜਤ ਪਾਟਿਦਾਰ ਨੇ ਵੀ ਆਪਣੀ ਪੂਰੀ ਤਾਕਤ ਲਾ ਕੇ ਟੀਮ ਨੂੰ ਇਸ ਮੁਕਾਮ ਤੱਕ ਪਹੁਚਾਇਆ ਹੈ। ਇਸ ਸਭ ਦੇ ਦਰਮਿਆਨ ਪੰਜਾਬ ਸੀਐਮ ਭਗਵੰਤ ਮਾਨ ਨੇ ਵੀ ਟੀਮ ਪੰਜਾਬ ਨੂੰ ਆਪਣੀਆਂਂ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।
ਆਈਪੀਐਲ 2025 ਦੇ ਫਾਈਨਲ ਮੈਚ ਬਾਰੇ, ਸੀਐਮ ਮਾਨ ਨੇ ਪੰਜਾਬ ਕਿੰਗਜ਼ ਟੀਮ ਨੂੰ ਜਿੱਤ ਦੀ ਕਾਮਨਾ ਕੀਤੀ। ਉਨ੍ਹਾਂ ਕਿਹਾ, “ਮੈਂ ਪੰਜਾਬ ਨੂੰ ਸ਼ੁਭਕਾਮਨਾਵਾਂ ਦੇਵਾਂਗਾ। ਉਸ ਦਿਨ ਵੀ ਮੈਂ 1:30-1:45 ਤੱਕ ਮੈਚ ਦੇਖ ਰਿਹਾ ਸੀ। ਪੰਜਾਬ ਦੀ ਟੀਮ ਨੇ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ। ਅੱਜ ਫਾਈਨਲ ਹੈ। ਤੁਸੀਂ ਵੀ ਦੇਖੋ ਅਤੇ ਸਮਰਥਨ ਕਰੋ।”
IPL ‘ਚ ਦੋਵਾਂ ਟੀਮਾਂਂ
ਇਹ IPL 2025 ਵਿੱਚ ਦੋਵਾਂ ਵਿਚਕਾਰ ਚੌਥਾ ਮੁਕਾਬਲਾ ਹੈ। ਹੁਣ ਤੱਕ ਖੇਡੇ ਗਏ 3 ਮੈਚਾਂ ਚੋਂ, ਰਾਇਲ ਚੈਲੇਂਜਰਜ਼ ਬੰਗਲੌਰ ਨੇ 2 (20 ਅਪ੍ਰੈਲ ਅਤੇ ਕੁਆਲੀਫਾਇਰ 1) ਜਿੱਤੇ ਹਨ, ਜਦੋਂ ਕਿ 18 ਅਪ੍ਰੈਲ ਨੂੰ ਮੀਂਹ ਨਾਲ ਪ੍ਰਭਾਵਿਤ ਮੈਚ ਵਿੱਚ ਪੰਜਾਬ ਕਿੰਗਜ਼ ਨੇ 5 ਵਿਕਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ। ਹੁਣ ਫਾਈਨਲ ਵਿੱਚ, ਪੰਜਾਬ ਕਿੰਗਜ਼ ਦੇ ਕਪਤਾਨ ਸ਼੍ਰੇਅਸ ਅਈਅਰ ਬਦਲਾ ਲੈਣ ਦੀ ਕੋਸ਼ਿਸ਼ ਕਰਨਗੇ। ਇਸ ਦੇ ਨਾਲ ਹੀ, ਰਾਇਲ ਚੈਲੇਂਜਰਜ਼ ਬੰਗਲੌਰ ਦੇ ਕਪਤਾਨ ਰਜਤ ਪਾਟੀਦਾਰ ਆਖਰੀ ਰੁਕਾਵਟ ‘ਤੇ ਠੋਕਰ ਖਾਣ ਤੋਂ ਬਚਣਾ ਚਾਹੁਣਗੇ।
ਕੁੱਲ ਮਿਲਾ ਕੇ, ਰਾਇਲ ਚੈਲੇਂਜਰਜ਼ ਬੰਗਲੌਰ ਅਤੇ ਪੰਜਾਬ ਕਿੰਗਜ਼ ਵਿਚਕਾਰ ਹੁਣ ਤੱਕ 36 IPL ਮੈਚ ਖੇਡੇ ਗਏ ਹਨ। ਇਹਨਾਂ ਚੋਂ, RCB ਨੇ 18 ਜਿੱਤੇ ਹਨ ਅਤੇ ਪੰਜਾਬ ਕਿੰਗਜ਼ ਨੇ 18 ਜਿੱਤੇ ਹਨ। ਰਾਇਲ ਚੈਲੇਂਜਰਜ਼ ਬੰਗਲੌਰ ਦਾ ਪੰਜਾਬ ਕਿੰਗਜ਼ ਵਿਰੁੱਧ ਵੱਧ ਤੋਂ ਵੱਧ ਸਕੋਰ 241 ਅਤੇ ਘੱਟੋ-ਘੱਟ ਸਕੋਰ 84 ਦੌੜਾਂ ਹੈ। ਦੂਜੇ ਪਾਸੇ, RCB ਵਿਰੁੱਧ ਪੰਜਾਬ ਕਿੰਗਜ਼ ਦਾ ਵੱਧ ਤੋਂ ਵੱਧ ਸਕੋਰ 232 ਦੌੜਾਂ ਹੈ, ਜਦੋਂ ਕਿ ਘੱਟੋ-ਘੱਟ ਸਕੋਰ 88 ਦੌੜਾਂ ਹੈ।
