Strait of Hormuz ‘ਤੇ ਈਰਾਨ ਦਾ ਨਵਾਂ ਟੋਲ: ਗਲੋਬਲ ਸ਼ਿਪਿੰਗ ‘ਤੇ ਵਧਦਾ ਦਬਾਅ
Iran Strait of Hormuz Tax: ਮੱਧ ਪੂਰਬ ਵਿੱਚ ਤਣਾਅ ਲਗਾਤਾਰ ਵੱਧ ਰਿਹਾ ਹੈ। ਈਰਾਨ ਨੇ ਮਹੱਤਵਪੂਰਨ ਸਮੁੰਦਰੀ ਰਸਤੇ Strait of Hormuz ਵਿੱਚੋਂ ਲੰਘਣ ਵਾਲੇ ਕੁਝ ਜਹਾਜ਼ਾਂ ‘ਤੇ ਲਗਭਗ 2 ਮਿਲੀਅਨ ਡਾਲਰ (ਕਰੀਬ 188 ਕਰੋੜ ਰੁਪਏ) ਦਾ ਨਵਾਂ ਟੈਕਸ ਲਾਗੂ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਕਦਮ ਇਸ ਰਣਨੀਤਿਕ ਰਸਤੇ ‘ਤੇ ਆਪਣੀ ਪਕੜ ਦਰਸਾਉਣ ਲਈ ਕੀਤਾ ਗਿਆ ਦੱਸਿਆ ਜਾ ਰਿਹਾ ਹੈ।
ਸੰਸਦ ਮੈਬਰ ਦਾ ਬਿਆਨ
ਈਰਾਨੀ ਸੰਸਦ ਦੀ ਰਾਸ਼ਟਰੀ ਸੁਰੱਖਿਆ ਕਮੇਟੀ ਦੇ ਮੈਂਬਰ ਅਲਾਏਦੀਨ ਬੋਰੋਜੇਰਦੀ ਨੇ ਕਿਹਾ ਕਿ ਇਹ ਟੋਲ ਪਹਿਲਾਂ ਹੀ ਕੁਝ ਜਹਾਜ਼ਾਂ ‘ਤੇ ਲਾਗੂ ਕੀਤਾ ਜਾ ਚੁੱਕਾ ਹੈ। ਉਨ੍ਹਾਂ ਦੇ ਅਨੁਸਾਰ, ਇਹ ਫੈਸਲਾ ਦਹਾਕਿਆਂ ਬਾਅਦ ਹੋਰਮੁਜ਼ ਜਲਡਮਰੂ ‘ਤੇ ਈਰਾਨ ਦੇ ਅਧਿਕਾਰ ਨੂੰ ਦਰਸਾਉਂਦਾ ਹੈ।
ਬੋਰੋਜੇਰਦੀ ਨੇ ਕਿਹਾ, “ਕੁਝ ਜਹਾਜ਼ਾਂ ਤੋਂ 2 ਮਿਲੀਅਨ ਡਾਲਰ ਦਾ ਟੋਲ ਲੈਣਾ ਈਰਾਨ ਦੀ ਸ਼ਕਤੀ ਨੂੰ ਦਰਸਾਉਂਦਾ ਹੈ। ਹੁਣ ਜਦੋਂ ਯੁੱਧ ਦੀ ਲਾਗਤ ਵਧ ਗਈ ਹੈ, ਤਾਂ ਸਾਨੂੰ ਲੱਗਦਾ ਹੈ ਕਿ ਅਜਿਹਾ ਕਰਨਾ ਜ਼ਰੂਰੀ ਹੈ। ਹੋਰਮੁਜ਼ ਜਲਡਮਰੂ ਤੋਂ ਲੰਘਣ ਵਾਲੇ ਜਹਾਜ਼ਾਂ ਤੋਂ ਆਵਾਜਾਈ ਫੀਸ ਵਸੂਲਣਾ ਇਸਲਾਮੀ ਗਣਰਾਜ ਦੀ ਸ਼ਕਤੀ ਅਤੇ ਅਧਿਕਾਰ ਨੂੰ ਦਰਸਾਉਂਦਾ ਹੈ।”
ਬੋਰੋਜੇਰਦੀ ਦੀਆਂ ਟਿੱਪਣੀਆਂ ਟਰੰਪ ਦੀ ਚੇਤਾਵਨੀ ਤੋਂ ਬਾਅਦ ਹਨ। ਪਿਛਲੇ ਹਫ਼ਤੇ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਸੀ ਕਿ ਜੇਕਰ ਈਰਾਨ 48 ਘੰਟਿਆਂ ਦੇ ਅੰਦਰ ਹੋਰਮੁਜ਼ ਜਲਡਮਰੂ ਨਹੀਂ ਖੋਲ੍ਹਦਾ ਹੈ, ਤਾਂ ਅਮਰੀਕਾ ਈਰਾਨੀ ਪਾਵਰ ਪਲਾਂਟਾਂ ‘ਤੇ ਹਮਲਾ ਕਰੇਗਾ, ਜਿਸਦੀ ਸ਼ੁਰੂਆਤ ਸਭ ਤੋਂ ਵੱਡੇ ਪਲਾਂਟਾਂ ਨਾਲ ਹੋਵੇਗੀ। ਈਰਾਨੀ ਸੰਸਦ ਮੈਂਬਰ ਨੇ ਟਰੰਪ ਦੀ ਧਮਕੀ ਦਾ ਵੀ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਇਜ਼ਰਾਈਲੀ ਪਾਵਰ ਪਲਾਂਟ ਵੀ ਈਰਾਨ ਦੀ ਪਹੁੰਚ ਵਿੱਚ ਹਨ ਅਤੇ ਇੱਕ ਦਿਨ ਦੇ ਅੰਦਰ ਤਬਾਹ ਹੋ ਸਕਦੇ ਹਨ।
