Health News: ਸਿਹਤ ਲਈ ਪਾਰਕ ‘ਚ ਦੌੜਨਾ ਜਾਂ ਕਾਰਡੀਓ ਮਸ਼ੀਨ ਤੇ ਚੱਲਣਾ ਕਿਸ ਨੂੰ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਅੱਜ ਅਸੀਂ ਇਸ ਬਾਰੇ ਵਿਸਥਾਰ ਵਿੱਚ ਗੱਲ ਕਰਾਂਗੇ ਕਿ ਕੀ ਤਾਜ਼ੀ ਹਵਾ ‘ਚ ਦੌੜਨਾ ਮਾਨਸਿਕ ਸਿਹਤ ਲਈ ਬਿਹਤਰ ਹੈ ਜਾਂ ਕੀ ਜਿਮ ਵਿੱਚ ਕਾਰਡੀਓ ਮਸ਼ੀਨ ‘ਤੇ ਦੌੜਨਾ ਲਾਭਦਾਇਕ ਹੈ। ਬਾਹਰ ਦੌੜਨ ਜਾਂ ਉੱਪਰ ਅਤੇ ਹੇਠਾਂ ਦੀਆਂ ਸਤਹਾਂ ‘ਤੇ ਚੱਲਦੀਆਂ ਮਾਸਪੇਸ਼ੀਆਂ ਵਧੇਰੇ ਕਿਰਿਆਸ਼ੀਲ ਹੋ ਜਾਂਦੀਆਂ ਹਨ। ਇਸ ਤਰ੍ਹਾਂ ਇੱਕ ਟ੍ਰੈਡਮਿਲ ਦੀ ਲਗਾਤਾਰ ਸਮਤਲ ਸਤਹ ਦੇ ਮੁਕਾਬਲੇ ਸਥਿਰਤਾ ਅਤੇ ਸਮੁੱਚੀ ਮਾਸਪੇਸ਼ੀ ਦੀ ਤਾਕਤ ਵਿੱਚ ਸੁਧਾਰ ਹੁੰਦਾ ਹੈ। ਖੋਜ ਦਰਸਾਉਂਦੀ ਹੈ ਕਿ ਪਾਰਕ ਵਿੱਚ ਦੌੜਨ ਵਰਗੀ ਬਾਹਰੀ ਕਸਰਤ ਮੂਡ ਵਿੱਚ ਸੁਧਾਰ ਕਰ ਸਕਦੀ ਹੈ ਅਤੇ ਅੰਦਰੂਨੀ ਵਰਕਆਉਟ ਨਾਲੋਂ ਵਧੇਰੇ ਪ੍ਰਭਾਵਸ਼ਾਲੀ ਢੰਗ ਨਾਲ ਤਣਾਅ ਨੂੰ ਘਟਾ ਸਕਦੀ ਹੈ।
ਬਾਹਰ ਖੁੱਲ੍ਹੇ ਮੈਦਾਨ ਵਿੱਚ ਦੌੜਨ ਦੇ ਫਾਇਦੇ
- ਬਾਹਰ ਪਾਰਕ ਜਾਂ ਖੁੱਲ੍ਹੇ ਮੈਦਾਨ ਵਿੱਚ ਦੌੜਨ ਨਾਲ ਵਧੇਰੇ ਊਰਜਾ ਦੀ ਖਪਤ ਹੁੰਦੀ ਹੈ। ਕਿਉਂਕਿ ਬਾਹਰ ਦੌੜਦੇ ਸਮੇਂ, ਤੁਸੀਂ ਕਿਸੇ ਵੀ ਕਮਰੇ ਵਿੱਚ ਨਹੀਂ ਹੁੰਦੇ ਅਤੇ ਕੋਈ ਨਿਸ਼ਚਿਤ ਦਿਸ਼ਾ ਨਹੀਂ ਹੁੰਦੀ, ਇਸ ਲਈ ਤੁਸੀਂ ਤੇਜ਼ ਰਫਤਾਰ ਨਾਲ ਦੌੜਦੇ ਹੋ, ਜਿਸ ਕਾਰਨ ਵਧੇਰੇ ਊਰਜਾ ਖਰਚ ਹੁੰਦੀ ਹੈ।
- ਬਾਹਰ ਦੌੜਦੇ ਸਮੇਂ ਕਈ ਵਾਰ ਕੰਕਰੀਟ ਜਾਂ ਘਾਹ ‘ਤੇ ਦੌੜਨਾ ਪੈਂਦਾ ਹੈ। ਇਸ ਨਾਲ ਗੋਡਿਆਂ ‘ਤੇ ਜ਼ਿਆਦਾ ਪ੍ਰਭਾਅ ਪੈਂਦਾ ਹੈ, ਜਿਸ ਕਾਰਨ ਹਾਡੀਆਂ ਮਜ਼ਬੂਤ ਹੁੰਦੀਆਂ ਹਨ।
ਟ੍ਰੈਡਮਿਲ ‘ਤੇ ਚੱਲਣ ਦੇ ਫਾਇਦੇ
- ਜੋ ਲੋਕ ਆਪਣੇ ਬਿੱਜ਼ੀ ਲਾਈਫ ਸਟਾਈਲ ਚੋਂ ਸਮਾਂ ਕੱਢ ਕੇ ਟ੍ਰੈਡਮਿਲ ‘ਤੇ ਦੌੜਦੇ ਹਨ, ਉਹ ਆਪਣੀ ਰੁਟੀਨ ਬਣਾਈ ਰੱਖਦੇ ਹਨ।
- ਕਈ ਵਾਰ, ਜੇਕਰ ਤੁਸੀਂ ਖਰਾਬ ਮੌਸਮ ਜਾਂ ਕਿਸੇ ਉਸਾਰੀ ਕਾਰਨ ਬਾਹਰ ਦੌੜਨ ਲਈ ਨਹੀਂ ਜਾ ਸਕਦੇ, ਤਾਂ ਤੁਸੀਂ ਟ੍ਰੈਡਮਿਲ ‘ਤੇ ਦੌੜ ਸਕਦੇ ਹੋ। ਇਸ ਨਾਲ ਫਿਟਨੈੱਸ ਬਿਹਤਰ ਰਹਿੰਦੀ ਹੈ ਅਤੇ ਦੌੜਨ ‘ਚ ਕੋਈ ਗੈਪ ਨਹੀਂ ਰਹਿੰਦਾ।
ਬਾਹਰ ਚੱਲਣਾ ਜਾਂ ਟ੍ਰੈਡਮਿਲ ‘ਤੇ ਕੀ ਹੈ ਜ਼ਿਆਦਾ ਫਾਇਦੇਮੰਦ
ਆਪਣੇ ਆਪ ਨੂੰ ਫਿੱਟ ਰੱਖਣ ਲਈ ਬਾਹਰ ਦੌੜਨਾ ਚੰਗਾ ਮੰਨਿਆ ਜਾਂਦਾ ਹੈ। ਜੇਕਰ ਤੁਸੀਂ ਮੈਰਾਥਨ ਜਾਂ ਦੌੜ ਮੁਕਾਬਲੇ ਲਈ ਦੌੜਨਾ ਚਾਹੁੰਦੇ ਹੋ, ਤਾਂ ਬਾਹਰ ਦੌੜਨਾ ਲਾਭਦਾਇਕ ਹੈ। ਘਰ ਦੇ ਬਾਹਰ ਧੁੱਪ ਵਿਚ ਭੱਜ ਕੇ ਤੁਸੀਂ ਵਿਟਾਮਿਨ ਡੀ ਨੂੰ ਸਹੀ ਢੰਗ ਨਾਲ ਪ੍ਰਾਪਤ ਕਰ ਸਕਦੇ ਹੋ। ਟ੍ਰੈਡਮਿਲ ਤੇ ਦੌੜਨ ਦੇ ਵੀ ਕਈ ਫਾਇਦੇ ਹਨ। ਇਸ ਨਾਲ ਫਿਟਨੈੱਸ ਬਰਕਰਾਰ ਰਖਣ ‘ਚ ਵੀ ਮਦਦ ਮਿਲਦੀ ਹੈ।
ਟ੍ਰੈਡਮਿਲ ‘ਤੇ ਚਲਣ ਨਾਲ ਦਿਲ ਦੀ ਸਿਹਤ ਵਿੱਚ ਸੁਧਾਰ ਹੁੰਦਾ ਹੈ ਅਤੇ ਤੁਸੀਂ ਟ੍ਰੈਡਮਿਲ ‘ਤੇ ਦੌੜ ਕੇ ਪ੍ਰਦੂਸ਼ਣ ਤੋਂ ਵੀ ਬਚ ਸਕਦੇ ਹੋ। ਇਸ ਦਾ ਮਤਲਬ ਹੈ ਕਿ ਟ੍ਰੈਡਮਿਲ ‘ਤੇ ਜਾਂ ਬਾਹਰ ਕਿਤੇ ਵੀ ਦੌੜਨਾ ਸਿਹਤ ਲਈ ਫਾਇਦੇਮੰਦ ਹੁੰਦਾ ਹੈ। ਇਹ ਤੁਹਾਡੀਆਂ ਲੋੜਾਂ ‘ਤੇ ਨਿਰਭਰ ਕਰਦਾ ਹੈ, ਦੋਵੇਂ ਹੀ ਸਿਹਤ ਲਈ ਫਾਇਦੇਮੰਦ ਹਨ।
