Mercedes Benz ਦਾ ਵੱਡਾ ਐਲਾਨ! 12 ਲੱਖ ਰੁਪਏ ਤੱਕ ਮਹਿੰਗੀਆਂ ਹੋ ਜਾਣਗੀਆਂ ਕਾਰਾਂ, ਜਾਣੋ ਕਾਰਨ
Mercedes Benz Cars: ਮਰਸੀਡੀਜ਼-ਬੈਂਜ਼ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਵਾਹਨ ਪੋਰਟਫੋਲੀਓ ਦੀ ਕੀਮਤ ਨੂੰ ਅਪਡੇਟ ਕਰਨ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਕਾਰਾਂ ਦੀ ਕੀਮਤ ਦੋ ਵੱਖ-ਵੱਖ ਪੜਾਵਾਂ ‘ਚ ਵਧਾਈ ਜਾਵੇਗੀ।
Mercedes Benz Price Hike: ਜਰਮਨੀ ਦੀ ਪ੍ਰਮੁੱਖ ਲਗਜ਼ਰੀ ਕਾਰ ਨਿਰਮਾਤਾ ਮਰਸੀਡੀਜ਼-ਬੈਂਜ਼ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਵਾਹਨ ਪੋਰਟਫੋਲੀਓ ਦੀ ਕੀਮਤ ਨੂੰ ਅਪਡੇਟ ਕਰਨ ਦਾ ਐਲਾਨ ਕੀਤਾ ਹੈ। ਮਰਸੀਡੀਜ਼-ਬੈਂਜ਼ ਇੰਡੀਆ ਨੇ ਆਪਣੀ ਪੂਰੀ ਮਾਡਲ ਰੇਂਜ ਵਿੱਚ ਕੀਮਤ ਵਿੱਚ ਵਾਧੇ ਦਾ ਐਲਾਨ ਕੀਤਾ ਹੈ। ਕੰਪਨੀ ਵਲੋਂ ਸਾਂਝੀ ਕੀਤੀ ਗਈ ਜਾਣਕਾਰੀ ਮੁਤਾਬਕ, ਮਰਸੀਡੀਜ਼-ਬੈਂਜ਼ ਭਾਰਤ ‘ਚ ਆਪਣੀਆਂ ਕਾਰਾਂ ਦੀ ਕੀਮਤ ਦੋ ਪੜਾਵਾਂ ਵਿੱਚ ਵਧਾਏਗੀ।
ਪਹਿਲੇ ਪੜਾਅ ‘ਚ ਇਨ੍ਹਾਂ ਕਾਰਾਂ ਦੀਆਂ ਕੀਮਤਾਂ ਵਧਣਗੀਆਂ
ਮਰਸਡੀਜ਼-ਬੈਂਜ਼ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ, ਪਹਿਲੇ ਪੜਾਅ ਵਿੱਚ ਯਾਨੀ 1 ਜੂਨ ਤੋਂ, ਕੰਪਨੀ ਦੇ ਪੋਰਟਫੋਲੀਓ ਵਿੱਚ ਸ਼ਾਮਲ ਸੀ-ਕਲਾਸ, ਈ-ਕਲਾਸ, ਜੀਐਲਸੀ, ਜੀਐਲਈ, ਜੀਐਲਐਸ, ਈਕਿਊਐਸ ਅਤੇ ਮੇਅਬੈਕ ਐਸ-ਕਲਾਸ ਦੇ ਚੋਣਵੇਂ ਰੂਪਾਂ ਦੀਆਂ ਕੀਮਤਾਂ ਵਧਾਈਆਂ ਜਾਣਗੀਆਂ। ਇਸ ਵਿੱਚ ਕੰਪਨੀ ਦੇ ਐਂਟਰੀ ਲੈਵਲ ਮਾਡਲ ਸੀ-ਕਲਾਸ ਤੋਂ ਲੈ ਕੇ ਉੱਚ ਮਾਡਲ ਐਸ-ਕਲਾਸ ਤੱਕ ਸ਼ਾਮਲ ਹਨ।
ਦੂਜਾ ਪੜਾਅ ‘ਚ ਇਨ੍ਹਾਂ ਕਾਰਾਂ ਦੀਆਂ ਕੀਮਤਾਂ ‘ਚ ਹੋਵੇਗਾ ਵਾਧਾ
1 ਸਤੰਬਰ, 2025 ਤੋਂ ਦੂਜੇ ਪੜਾਅ ਵਿੱਚ, ਕੰਪਨੀ ਨੇ ਆਪਣੇ ਸਾਰੇ ਮਾਡਲਾਂ ਦੀਆਂ ਕੀਮਤਾਂ ਵਧਾਉਣ ਦਾ ਐਲਾਨ ਕੀਤਾ ਹੈ। ਮਰਸੀਡੀਜ਼-ਬੈਂਜ਼ ਦਾ ਕਹਿਣਾ ਹੈ ਕਿ, “ਕੰਪਨੀ ਕੀਮਤਾਂ ਨੂੰ ਪੜਾਅਵਾਰ ਢੰਗ ਨਾਲ ਵਧਾ ਰਹੀ ਹੈ ਤਾਂ ਜੋ ਕਾਰ ਖਰੀਦਦਾਰਾਂ ਨੂੰ ਆਪਣੀ ਨਵੀਂ ਕਾਰ ਖਰੀਦਣ ਦੀ ਯੋਜਨਾ ਬਣਾਉਣ ਦਾ ਸਮਾਂ ਮਿਲ ਸਕੇ। ਤਾਂ ਜੋ ਗਾਹਕਾਂ ਨੂੰ ਅਚਾਨਕ ਕੀਮਤਾਂ ਵਿੱਚ ਵਾਧੇ ਦਾ ਸਾਹਮਣਾ ਨਾ ਕਰਨਾ ਪਵੇ।”
ਇਨ੍ਹਾਂ ਕਾਰਾਂ ਦੀ ਕੀਮਤ ਵਧੇਗੀ
ਮਰਸਡੀਜ਼ ਮੁਤਾਬਕ, C200 ਦੀ ਕੀਮਤ ‘ਚ 90 ਹਜ਼ਾਰ ਰੁਪਏ ਦਾ ਵਾਧਾ ਕੀਤਾ ਜਾਵੇਗਾ। GLC 300 4Matic ਦੀ ਕੀਮਤ 1.5 ਲੱਖ ਰੁਪਏ, E200 ਦੀ ਕੀਮਤ 2 ਲੱਖ ਰੁਪਏ, GLE 300d 4Matic AMG Line ਦੀ ਕੀਮਤ 2.5 ਲੱਖ ਰੁਪਏ, EQS 450 4Matic SUV ਦੀ ਕੀਮਤ 3 ਲੱਖ ਰੁਪਏ, GLS 450 4Matic ਦੀ ਕੀਮਤ 3.1 ਲੱਖ ਰੁਪਏ ਅਤੇ Maybech S680 ਦੀ ਕੀਮਤ 12.2 ਲੱਖ ਰੁਪਏ ਵਧਾਈ ਜਾਵੇਗੀ।
ਕਦੋਂ ਵਧਣਗੀਆਂ ਕੀਮਤਾਂ
ਮਰਸਡੀਜ਼ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਕਾਰਾਂ ਦੀ ਕੀਮਤ ਦੋ ਪੜਾਵਾਂ ਵਿੱਚ ਵਧਾਈ ਜਾਵੇਗੀ। ਨਿਰਮਾਤਾ ਨੇ ਕਿਹਾ ਹੈ ਕਿ ਕੀਮਤ 1 ਜੂਨ ਤੋਂ 1 ਸਤੰਬਰ, 2025 ਦੇ ਵਿਚਕਾਰ ਦੋ ਪੜਾਵਾਂ ਵਿੱਚ ਵਧਾਈ ਜਾਵੇਗੀ। ਇਸ ਨਾਲ ਗਾਹਕਾਂ ਨੂੰ ਕਾਰ ਖਰੀਦਣ ਅਤੇ ਯੋਜਨਾ ਬਣਾਉਣ ਦਾ ਸਮਾਂ ਮਿਲੇਗਾ। ਕੀਮਤ ਵਾਧੇ ਦਾ ਦੂਜਾ ਪੜਾਅ ਸਤੰਬਰ 2025 ਤੋਂ ਲਾਗੂ ਹੋਵੇਗਾ, ਫਿਰ ਕੀਮਤ 1.5 ਪ੍ਰਤੀਸ਼ਤ ਦੀ ਦਰ ਨਾਲ ਵਧੇਗੀ।
ਕਿੰਨੀ ਵਧੇਗੀ ਕੀਮਤ
ਮਰਸਡੀਜ਼ ਬੈਂਜ਼ ਨੇ ਕਿਹਾ ਹੈ ਕਿ ਉਹ ਵੱਖ-ਵੱਖ ਮਾਡਲਾਂ ਦੀ ਕੀਮਤ ਵੱਖ-ਵੱਖ ਢੰਗ ਨਾਲ ਵਧਾਏਗੀ। ਐਂਟਰੀ ਲੈਵਲ ਕਾਰ ਦੀ ਕੀਮਤ 90 ਹਜ਼ਾਰ ਰੁਪਏ ਤੱਕ ਵਧਾਈ ਜਾਵੇਗੀ। ਜਦੋਂ ਕਿ ਟਾਪ ਐਂਡ ਲਗਜ਼ਰੀ ਕਾਰ ਦੀ ਕੀਮਤ 12.2 ਲੱਖ ਰੁਪਏ ਤੱਕ ਵਧਾਈ ਜਾਵੇਗੀ।
