On-road price ਅਤੇ ਐਕਸ-ਸ਼ੋਰੂਮ ਪ੍ਰਾਈਸ: ਤੁਹਾਡੀ ਗੱਡੀ ਦੀ ਕੀਮਤ ਕਿਵੇਂ ਵੱਧ ਜਾਂਦੀ

On-road price and ex-showroom price – ਕਾਰ, ਬਾਈਕ ਜਾਂ ਸਕੂਟਰ ਦੀ ਐਕਸ-ਸ਼ੋਰੂਮ ਪ੍ਰਾਈਸ ਅਤੇ ਓਨ-ਰੋਡ ਪ੍ਰਾਈਸ ਵਿੱਚ ਵੱਡਾ ਅੰਤਰ ਹੁੰਦਾ ਹੈ। ਜਦੋਂ ਤੁਸੀਂ ਕਿਸੇ ਵਾਹਨ ਦਾ ਵਿਗਿਆਪਨ ਦੇਖਦੇ ਹੋ, ਤਾਂ ਜੋ ਕੀਮਤ ਦਰਸਾਈ ਜਾਂਦੀ ਹੈ, ਉਹ ਐਕਸ-ਸ਼ੋਰੂਮ ਪ੍ਰਾਈਸ ਹੁੰਦੀ ਹੈ। ਪਰ ਅਸਲ ‘ਚ ਗੱਡੀ ਖਰੀਦਣ ਦੌਰਾਨ ਕੀਮਤ ਕਈ ਹੋਰ ਖਰਚਿਆਂ ਦੇ ਨਾਲ ਕਾਫ਼ੀ ਵੱਧ ਜਾਂਦੀ ਹੈ, ਜਿਸਨੂੰ ਓਨ-ਰੋਡ ਪ੍ਰਾਈਸ ਕਿਹਾ ਜਾਂਦਾ ਹੈ।

ਓਨ-ਰੋਡ ਅਤੇ ਐਕਸ-ਸ਼ੋਰੂਮ ਪ੍ਰਾਈਸ ਵਿੱਚ ਕਿੰਨਾ ਅੰਤਰ ਹੁੰਦਾ ਹੈ?

ਐਕਸ-ਸ਼ੋਰੂਮ ਪ੍ਰਾਈਸ ਵਿੱਚ ਗੱਡੀ ਬਣਾਉਣ ਦੀ ਲਾਗਤ, ਜੀਐਸਟੀ (GST) ਅਤੇ ਡੀਲਰ ਦਾ ਮਾਰਜਿਨ ਸ਼ਾਮਲ ਹੁੰਦੇ ਹਨ। ਪਰ ਓਨ-ਰੋਡ ਪ੍ਰਾਈਸ ਵਿੱਚ ਰਜਿਸਟ੍ਰੇਸ਼ਨ, ਰੋਡ ਟੈਕਸ, ਇੰਸ਼ੋਰੈਂਸ, ਗ੍ਰੀਨ ਟੈਕਸ, FASTag, ਅਤੇ ਹੋਰ ਕਈ ਖਰਚੇ ਸ਼ਾਮਲ ਹੋ ਜਾਂਦੇ ਹਨ। ਇਨ੍ਹਾਂ ਖਰਚਿਆਂ ਕਰਕੇ ਗੱਡੀ ਦੀ ਅਸਲ ਕੀਮਤ ਹਜ਼ਾਰਾਂ ਤੋਂ ਲੱਖਾਂ ਤਕ ਵੱਧ ਸਕਦੀ ਹੈ, ਜਦਕਿ ਮਹਿੰਗੀਆਂ ਗੱਡੀਆਂ ‘ਚ ਇਹ ਅੰਤਰ ਕਰੋੜਾਂ ਤਕ ਪਹੁੰਚ ਸਕਦਾ ਹੈ।

ਓਨ-ਰੋਡ ਪ੍ਰਾਈਸ ਵਿੱਚ ਕੀ-ਕੀ ਖਰਚੇ ਸ਼ਾਮਲ ਹੁੰਦੇ ਹਨ?

• ਰਜਿਸਟ੍ਰੇਸ਼ਨ ਚਾਰਜ (Registration Charge)

ਨਵੀ ਗੱਡੀ ਖਰੀਦਣ ‘ਤੇ RTO (ਰੀਜਨਲ ਟ੍ਰਾਂਸਪੋਰਟ ਅਫਿਸ) ‘ਚ ਰਜਿਸਟ੍ਰੇਸ਼ਨ ਕਰਵਾਉਣਾ ਲਾਜ਼ਮੀ ਹੁੰਦਾ ਹੈ। ਹਰ ਵਾਹਨ ਨੂੰ ਯੂਨੀਕ ਰਜਿਸਟ੍ਰੇਸ਼ਨ ਨੰਬਰ ਦਿੱਤਾ ਜਾਂਦਾ ਹੈ, ਜਿਸ ਲਈ ਫੀਸ ਦਿੱਤੀ ਜਾਂਦੀ ਹੈ। ਹਰ ਰਾਜ ‘ਚ ਇਹ ਚਾਰਜ ਵੱਖਰਾ ਹੁੰਦਾ ਹੈ, ਜਿਸ ਕਰਕੇ ਵੱਖ-ਵੱਖ ਰਾਜਾਂ ‘ਚ ਗੱਡੀਆਂ ਦੀ ਕੀਮਤ ਵਿੱਚ ਅੰਤਰ ਪੈ ਸਕਦਾ ਹੈ।

• ਰੋਡ ਟੈਕਸ (Road Tax)

ਇਹ ਇੱਕ ਵਾਰ ਹੀ ਦਿੱਤਾ ਜਾਣ ਵਾਲਾ ਟੈਕਸ ਹੁੰਦਾ ਹੈ, ਜੋ ਕਿ ਗੱਡੀ ਨੂੰ ਰੋਡ ‘ਤੇ ਚਲਾਉਣ ਦੀ ਇਜਾਜ਼ਤ ਲਈ ਲਾਇਆ ਜਾਂਦਾ ਹੈ। ਵਾਹਨ ਦੀ ਐਕਸ-ਸ਼ੋਰੂਮ ਪ੍ਰਾਈਸ ਤੇ ਨਿਰਭਰ ਕਰਦਿਆਂ, ਇਹ ਟੈਕਸ ਵੀ ਵੱਖ-ਵੱਖ ਹੁੰਦਾ ਹੈ।

• ਗ੍ਰੀਨ ਟੈਕਸ (Green Tax)

ਇਸਨੂੰ ਪਾਲਿਊਸ਼ਨ ਟੈਕਸ ਜਾਂ ਵਾਤਾਵਰਣ ਟੈਕਸ ਵੀ ਕਿਹਾ ਜਾਂਦਾ ਹੈ। 15 ਸਾਲ ਤੋਂ ਵੱਧ ਪੁਰਾਣੀਆਂ ਨਿੱਜੀ ਗੱਡੀਆਂ ਅਤੇ 8 ਸਾਲ ਤੋਂ ਵੱਧ ਪੁਰਾਣੀਆਂ ਕਮਰਸ਼ੀਅਲ ਗੱਡੀਆਂ ‘ਤੇ ਇਹ ਟੈਕਸ ਲਗਾਇਆ ਜਾਂਦਾ ਹੈ। ਕਈ ਰਾਜ, ਜਿਵੇਂ ਕਿ ਮਹਾਰਾਸ਼ਟਰ, ਪਹਿਲਾਂ ਹੀ ਇਹ ਟੈਕਸ ਲਾਗੂ ਕਰ ਚੁੱਕੇ ਹਨ।

ਟੈਕਸ ਕਲੇਕਟੈਡ ਐਟ ਸੋੁਰਸ (TCS – Tax Collected at Source)

ਇਹ 1% ਟੈਕਸ ਹੁੰਦਾ ਹੈ, ਜੋ ਡੀਲਰ ਵੱਲੋਂ ਵਾਹਨ ਦੀ ਐਕਸ-ਸ਼ੋਰੂਮ ਕੀਮਤ ‘ਤੇ ਲਾਇਆ ਜਾਂਦਾ ਹੈ।

• ਇੰਸ਼ੋਰੈਂਸ (Insurance)

ਇੰਸ਼ੋਰੈਂਸ ਲੈਣਾ ਲਾਜ਼ਮੀ ਹੁੰਦਾ ਹੈ, ਤਾਂ ਜੋ ਗੱਡੀ ਦੀ ਚੋਰੀ, ਐਕਸੀਡੈਂਟ ਜਾਂ ਹੋਰ ਕਿਸੇ ਵੀ ਨੁਕਸਾਨ ਤੋਂ ਸੁਰੱਖਿਆ ਹੋ ਸਕੇ। ਇੰਸ਼ੋਰੈਂਸ ਦੀ ਲਾਗਤ ਵੀ ਗੱਡੀ ਦੀ ਕੀਮਤ ‘ਤੇ ਨਿਰਭਰ ਕਰਦੀ ਹੈ।

• FASTag ਅਤੇ ਕਾਰ ਲੋਨ ਵੀ ਵਧਾਉਂਦੇ ਹਨ ਗੱਡੀ ਦੀ ਕੀਮਤ

FASTag ਹੁਣ ਹਰੇਕ ਨਵੀ ਗੱਡੀ ਲਈ ਲਾਜ਼ਮੀ ਹੈ, ਜੋ ਟੋਲ ਟੈਕਸ ਅਪੇਸ਼ਾ ਵਧਾਉਂਦਾ ਹੈ। ਜੇਕਰ ਤੁਸੀਂ ਲੋਨ ‘ਤੇ ਗੱਡੀ ਲੈਂਦੇ ਹੋ, ਤਾਂ ਉਸ ਉੱਤੇ ਦਿੱਤਾ ਜਾਣ ਵਾਲਾ ਵਿਆਜ ਵੀ ਓਨ-ਰੋਡ ਪ੍ਰਾਈਸ ‘ਚ ਸ਼ਾਮਲ ਹੋ ਜਾਂਦਾ ਹੈ।

ਨਤੀਜਾ: ਗੱਡੀ ਦੀ ਓਨ-ਰੋਡ ਪ੍ਰਾਈਸ ਹਮੇਸ਼ਾ ਵੱਧ ਹੁੰਦੀ ਹੈ!

ਇਸ ਲਈ, ਜਦੋਂ ਵੀ ਤੁਸੀਂ ਕਿਸੇ ਵੀ ਵਾਹਨ ਦੀ ਐਕਸ-ਸ਼ੋਰੂਮ ਪ੍ਰਾਈਸ ਦੇਖੋ, ਤਾਂ ਸਮਝੋ ਕਿ ਇਹ ਗੱਡੀ ਦੀ ਅਸਲ ਕੀਮਤ ਨਹੀਂ ਹੈ। ਓਨ-ਰੋਡ ਪ੍ਰਾਈਸ ਵਿੱਚ ਕਈ ਹੋਰ ਖਰਚੇ ਸ਼ਾਮਲ ਹੋਣ ਕਰਕੇ ਤੁਹਾਨੂੰ ਅਸਲ ‘ਚ ਕਿੰਨਾ ਪੈਸਾ ਦੇਣਾ ਪਵੇਗਾ, ਇਹ ਪਤਾ ਕਰਨਾ ਬਹੁਤ ਜ਼ਰੂਰੀ ਹੈ।