Paraglider Peng Yujiang ਦਾ ਇਹ ਵੀਡੀਓ ਤੁਹਾਨੂੰ ਹੈਰਾਨ ਕਰ ਦੇਵੇਗਾ। ਉਹ ਐਵਰੈਸਟ ਦੀ ਉਚਾਈ ‘ਤੇ -40 ਡਿਗਰੀ ਸੈਲਸੀਅਸ ਵਿੱਚ 72 ਮਿੰਟਾਂ ਲਈ ਬੱਦਲਾਂ ਵਿੱਚ ਫਸਿਆ ਰਿਹਾ।
Paraglider Peng Yujiang’s Viral Video: 24 ਮਈ ਨੂੰ, 55 ਸਾਲਾX ਚੀਨੀ ਪੈਰਾਗਲਾਈਡਰ ਪੇਂਗ ਯੂਜਿਆਂਗ ਮਾਊਂਟ ਕਿਲੀਅਨ ‘ਤੇ ਸਿਖਲਾਈ ਲੈ ਰਿਹਾ ਸੀ। ਅਚਾਨਕ ਤੇਜ਼ ਹਵਾਵਾਂ ਉਸਨੂੰ 8,598 ਮੀਟਰ ਦੀ ਉਚਾਈ ‘ਤੇ ਖਿੱਚ ਲੈ ਗਈਆਂ, ਜੋ ਕਿ ਮਾਊਂਟ ਐਵਰੈਸਟ (8,849 ਮੀਟਰ) ਦੀ ਉਚਾਈ ਦੇ ਨੇੜੇ ਹੈ। ਉਸਦੇ ਕੋਲ ਆਕਸੀਜਨ ਮਾਸਕ ਨਹੀਂ ਸੀ ਤੇ -40 ਡਿਗਰੀ ਸੈਲਸੀਅਸ ਦੀ ਠੰਢ ‘ਚ ਉਸਦੇ ਹੱਥ ਸੁੰਨ ਹੋ ਗਏ। ਇਸ 72 ਮਿੰਟ ਦੀ ਉਡਾਣ ਦੌਰਾਨ, ਉਸਨੇ ਸਭ ਕੁਝ ਰਿਕਾਰਡ ਕੀਤਾ, ਜਿਸ ਵਿੱਚ ਉਸਦਾ ਚਿਹਰਾ ਅਤੇ ਬਰਫ਼ ਨਾਲ ਜੰਮੀਆਂ ਉਂਗਲਾਂ ਸਾਫ਼ ਦਿਖਾਈ ਦਿੱਤੇ।
ਪੇਂਗ ਨੇ ਚਾਈਨਾ ਮੀਡੀਆ ਗਰੁੱਪ ਨੂੰ ਦੱਸਿਆ, “ਸਭ ਕੁਝ ਸਫ਼ੇਦ ਸੀ, ਮੈਂ ਦਿਸ਼ਾ ਨਹੀਂ ਦੇਖ ਸਕਦਾ ਸੀ।” ਕੰਪਾਸ ਦੀ ਮਦਦ ਨਾਲ, ਉਹ ਕਿਸੇ ਤਰ੍ਹਾਂ ਸਹੀ ਦਿਸ਼ਾ ਵਿੱਚ ਆ ਗਿਆ, ਨਹੀਂ ਤਾਂ ਉਹ ਗਲਤ ਦਿਸ਼ਾ ਵਿੱਚ ਚਲਾ ਜਾਂਦਾ। ਤੇਜ਼ ਹਵਾਵਾਂ ਅਤੇ ਆਕਸੀਜਨ ਦੀ ਘਾਟ ਨੇ ਉਸਦੀ ਹਾਲਤ ਵਿਗਾੜ ਦਿੱਤੀ। ਉਹ ਜਲਦੀ ਹੇਠਾਂ ਆਉਣਾ ਚਾਹੁੰਦਾ ਸੀ, ਪਰ ਬੱਦਲਾਂ ਦੀ ਘੁੰਮਣਘੇਰੀ ਕਰਕੇ ਉਹ ਫੱਸ ਗਿਆ। ਇਸ ਦੌਰਾਨ, ਉਸਨੂੰ ਬੇਹੱਦ ਠੰਢ ਵੀ ਲੱਗ ਗਈ।
ਦੇਖੋ ਪੇਂਗ ਦੀ ਵੀਡੀਓ
ਪੇਂਗ ‘ਤੇ 6 ਮਹੀਨਿਆਂ ਲਈ ਉਡਾਣ ਭਰਨ ਤੋਂ ਪਾਬੰਦੀ
ਗਾਂਸੂ ਏਅਰੋ ਸਪੋਰਟਸ ਐਸੋਸੀਏਸ਼ਨ ਨੇ ਇਸਨੂੰ ਇੱਕ ਹਾਦਸਾ ਮੰਨਿਆ, ਪਰ ਪੇਂਗ ਨੂੰ 6 ਮਹੀਨਿਆਂ ਲਈ ਉਡਾਣ ਭਰਨ ਤੋਂ ਪਾਬੰਦੀ ਲਗਾ ਦਿੱਤੀ। ਕਾਰਨ ਇਹ ਸੀ ਕਿ ਉਸਦੀ ਉਡਾਣ ਨੂੰ ਮਨਜ਼ੂਰੀ ਨਹੀਂ ਦਿੱਤੀ ਗਈ ਸੀ ਅਤੇ ਉਸਨੇ ਉਡਾਣ ਯੋਜਨਾ ਜਮ੍ਹਾਂ ਨਹੀਂ ਕਰਵਾਈ ਸੀ। ਉਸਦੇ ਸਾਥੀ ਗੁ ਝਿਮਿਨ ਨੂੰ ਵੀ ਵੀਡੀਓ ਸਾਂਝਾ ਕਰਨ ਲਈ ਸਜ਼ਾ ਦਿੱਤੀ ਗਈ। ਬਹੁਤ ਸਾਰੇ ਲੋਕ ਆਨਲਾਈਨ ਇਸ ਗੱਲ ‘ਤੇ ਗੁੱਸੇ ਸੀ ਕਿ ਪੇਂਗ ਨੂੰ ਉਸਦੇ ਤਜਰਬੇ ਲਈ ਸਜ਼ਾ ਕਿਉਂ ਦਿੱਤੀ ਗਈ, ਜਦੋਂ ਕਿ ਕੁਝ ਨੇ ਜੋਖਮ ਭਰੇ ਸਟੰਟ ਕਰਨ ਵਾਲਿਆਂ ਨੂੰ ਰੋਕਣ ਲਈ ਸਜ਼ਾ ਦਾ ਸਮਰਥਨ ਕੀਤਾ।
ਪੈਰਾਗਲਾਈਡਿੰਗ ਵਿੱਚ 5 ਸਾਲਾਂ ਦਾ ਤਜਰਬਾ ਰੱਖਣ ਵਾਲਾ ਪੇਂਗ ਹਾਦਸੇ ਤੋਂ ਡਰਿਆ
ਪੈਰਾਗਲਾਈਡਿੰਗ ਵਿੱਚ 5 ਸਾਲਾਂ ਦਾ ਤਜਰਬਾ ਰੱਖਣ ਵਾਲਾ ਪੇਂਗ ਇਸ ਹਾਦਸੇ ਤੋਂ ਬਹੁਤ ਡਰਿਆ ਹੋਇਆ ਹੈ। ਉਸਨੇ ਕਿਹਾ ਕਿ ਉਹ ਜਲਦੀ ਹੀ ਦੁਬਾਰਾ ਉਡਾਣ ਨਹੀਂ ਭਰਨਾ ਚਾਹੁੰਦਾ। ਉਸਦੀ ਬਹਾਦਰੀ ਨੇ ਉਸਨੂੰ ਪੈਰਾਗਲਾਈਡਿੰਗ ਭਾਈਚਾਰੇ ਵਿੱਚ ਸਤਿਕਾਰ ਦਿੱਤਾ। 27-29 ਮਈ ਨੂੰ ਗੂਗਲ ਇੰਡੀਆ ‘ਤੇ “ਪੈਰਾਗਲਾਈਡਿੰਗ” ਲਈ ਖੋਜਾਂ ਵਿੱਚ ਭਾਰੀ ਵਾਧਾ ਹੋਇਆ। ਪੇਂਗ ਦੀ ਕਹਾਣੀ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ, ਪਰ ਸਜ਼ਾ ਨੇ ਨਵੀਂ ਹੀ ਬਹਿਸ ਛੇੜ ਦਿੱਤੀ।
