ਵੰਦੇ ਭਾਰਤ ਨੂੰ ਪਹਿਲਾ ਲੰਘਾਉਣ ’ਤੇ ਯਾਤਰੀਆਂ ਦਾ ਰੋਸ, 20 ਮਿੰਟ ਰੋਕੀ ਟ੍ਰੇਨ
Bathinda News : ਵੰਦੇ ਭਾਰਤ ਟ੍ਰੇਨ ਨੂੰ ਹਰ ਵਾਰ ਪਹਿਲਾ ਰੂਟ ਕਲੀਅਰ ਕਰਨ ਦੀ ਨੀਤੀ ਨੇ ਪੈਸੇਂਜਰ ਟ੍ਰੇਨਾਂ ਦੇ ਯਾਤਰੀਆਂ ਨੂੰ ਇੱਕ ਵਾਰ ਫਿਰ ਗੁੱਸੇ ਵਿੱਚ ਲਿਆ ਦਿੱਤਾ। ਮੰਗਲਵਾਰ ਦੀ ਰਾਤ ਬਠਿੰਡਾ ਦੇ ਗੋਨਿਆਣਾ ਰੇਲਵੇ ਸਟੇਸ਼ਨ ’ਤੇ ਪੈਸੇੰਜਰ ਟ੍ਰੇਨ ਦੇ ਯਾਤਰੀਆਂ ਨੇ ਵੱਡਾ ਵਿਰੋਧ ਕਰਦੇ ਹੋਏ ਵੰਦੇ ਭਾਰਤ ਟ੍ਰੇਨ ਨੂੰ ਲਗਭਗ 20 ਮਿੰਟ ਲਈ ਰੋਕ ਦਿੱਤਾ।
ਕੀ ਹੈ ਸਾਰਾ ਮਾਮਲਾ?
ਫਿਰੋਜ਼ਪੁਰ ਤੋਂ ਦਿੱਲੀ ਲਈ ਚੱਲ ਰਹੀ ਵੰਦੇ ਭਾਰਤ ਸੁਪਰ ਐਕਸਪ੍ਰੈਸ, ਜਿਸਨੂੰ ਹਾਲ ਹੀ ਵਿੱਚ ਕੇਂਦਰੀ ਮੰਤਰੀ ਬਿੱਟੂ ਵੱਲੋਂ ਹਰੀ ਝੰਡੀ ਦਿੱਤੀ ਗਈ ਸੀ, ਨੂੰ ਹਰ ਸਟੇਸ਼ਨ ’ਤੇ ਪਹਿਲੀ ਤਰਜੀਹ ਦਿੱਤੀ ਜਾ ਰਹੀ ਹੈ।ਇਸ ਕਾਰਨ ਹੋਰ ਟਰੇਨਾਂ ਨੂੰ ਵੰਦੇ ਭਾਰਤ ਦੇ ਲੰਘਣ ਤੱਕ ਰੁਕਾਉਣਾ ਪੈਂਦਾ ਹੈ, ਜਿਸ ਨਾਲ ਆਮ ਯਾਤਰੀਆਂ ਨੂੰ ਲਗਾਤਾਰ ਦੇਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਯਾਤਰੀਆਂ ਦਾ ਧਰਨਾ — “ਸਾਡਾ ਸਮਾਂ ਕਿਉਂ ਲੁੱਟਿਆ ਜਾ ਰਿਹਾ ਹੈ?”
ਗੋਨਿਆਣਾ ਮੰਡੀ ਸਟੇਸ਼ਨ ’ਤੇ ਪੈਸੇੰਜਰ ਟ੍ਰੇਨ ਸਵਾਰੀਆਂ ਨੇ ਰੋਸ ਜਤਾਉਂਦੇ ਕਿਹਾ—
- ਵੰਦੇ ਭਾਰਤ ਲਈ ਸਾਡੀਆਂ ਟ੍ਰੇਨਾਂ ਨੂੰ ਘੰਟਿਆਂ ਰੋਕ ਦਿੱਤਾ ਜਾਂਦਾ ਹੈ
- ਰੋਜ਼ਾਨਾ ਦੇ ਰੋਜ਼ ਸਮਾਂ ਖਰਾਬ ਹੁੰਦਾ ਹੈ
- ਇਹ ਨਿਯਮ ਪੂਰੀ ਤਰ੍ਹਾਂ ਗਲਤ ਅਤੇ ਆਮ ਯਾਤਰੀਆਂ ਨਾਲ ਨਾ-ਇਨਸਾਫ਼ੀ ਹੈ
ਵਿਰੋਧ ਦੌਰਾਨ ਯਾਤਰੀਆਂ ਨੇ ਵੰਦੇ ਭਾਰਤ ਟ੍ਰੇਨ ਦੇ ਅੱਗੇ ਰੋਕ ਲਾ ਦਿੱਤਾ, ਜਿਸ ਕਾਰਨ ਇਹ ਲਗਭਗ 20 ਮਿੰਟ ਤੱਕ ਸਟੇਸ਼ਨ ’ਤੇ ਖੜ੍ਹੀ ਰਹੀ।
ਜੀਆਰਪੀ ਮੌਕੇ ’ਤੇ ਪਹੁੰਚੀ, ਜਾਮ ਖੁਲਵਾਇਆ
ਜਿਵੇਂ ਹੀ ਰੇਲਵੇ ਅਧਿਕਾਰੀਆਂ ਨੂੰ ਸਥਿਤੀ ਦੀ ਜਾਣਕਾਰੀ ਮਿਲੀ, ਜੀਆਰਪੀ ਪੁਲਿਸ ਮੌਕੇ ’ਤੇ ਪਹੁੰਚੀ ਅਤੇ ਯਾਤਰੀਆਂ ਨਾਲ ਗੱਲਬਾਤ ਕਰਕੇ ਜਾਮ ਖੁਲਵਾਇਆ।
ਜੀਆਰਪੀ ਮੁਲਾਜ਼ਮਾਂ ਮੁਤਾਬਕ:
- ਵੰਦੇ ਭਾਰਤ ਨੂੰ ਰੋਕਣਾ ਪੈਸੇੰਜਰ ਟ੍ਰੇਨ ਯਾਤਰੀਆਂ ਦਾ ਵਿਰੋਧ ਸੀ
- ਉਹਨਾਂ ਦੀ ਟ੍ਰੇਨ ਲਗਾਤਾਰ ਦੇਰੀ ਦਾ ਸ਼ਿਕਾਰ ਹੋ ਰਹੀ ਹੈ
- ਯਾਤਰੀ ਮੰਗ ਕਰ ਰਹੇ ਹਨ ਕਿ ਪੈਸੇਂਜਰ ਟ੍ਰੇਨਾਂ ਨੂੰ ਵੀ ਸਮੇਂ ਸਿਰ ਚਲਾਇਆ ਜਾਵੇ
