Delhi Metro ;- ਦਿੱਲੀ ਮੈਟਰੋ ਵਿੱਚ ਯਾਤਰੀਆਂ ਨੂੰ ਹੁਣ ਸੁਪਰ-ਫਾਸਟ ਇੰਟਰਨੈਟ ਦੀ ਸੁਵਿਧਾ ਮਿਲਣ ਜਾ ਰਹੀ ਹੈ। ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ (DMRC) ਨੇ ਇਸ ਲਈ 700 ਕਿਮੀ ਟਰੈਕ ’ਤੇ ਫਾਈਬਰ ਓਪਟਿਕ ਕੇਬਲ ਬਿਛਾਉਣ ਦੀ ਯੋਜਨਾ ਬਣਾਈ ਹੈ, ਜਿਸ ਨਾਲ ਮੈਟਰੋ ਵਿੱਚ ਇੰਟਰਨੈਟ ਦੀ ਸਪੀਡ ਬੇਹੱਦ ਤੇਜ਼ ਹੋਵੇਗੀ।
ਹੁਣ HD ਤੇ 4K ਵੀਡੀਓ ਵੀ ਦੇਖ ਸਕੋਗੇ
DMRC ਨੇ ਆਪਣੇ ਸਾਰੇ ਮੈਟਰੋ ਕਾਰਿਡੋਰਾਂ ’ਚ ਇੰਟਰਨੈਟ ਕਨੈਕਟਿਵਟੀ ਨੂੰ ਬਿਹਤਰ ਬਣਾਉਣ ਲਈ ਬੈਕਹੌਲ ਡਿਜੀਟਲ ਟੈਕਨੋਲੋਜੀਜ਼ ਪ੍ਰਾਈਵੇਟ ਲਿਮਟਿਡ ਨਾਲ ਇੱਕ ਕਾਂਟ੍ਰੈਕਟ ਸਾਈਨ ਕੀਤਾ ਹੈ। ਇਸ ਪ੍ਰਾਜੈਕਟ ਪੂਰਾ ਹੋਣ ’ਤੇ ਅੰਡਰਗ੍ਰਾਊਂਡ ਮੈਟਰੋ ਲਾਈਨਾਂ ’ਚ ਵੀ ਯਾਤਰੀ HD ਅਤੇ 4K ਕੁਆਲਿਟੀ ਵਿੱਚ ਵੀਡੀਓ ਦੇਖ ਸਕਣਗੇ।
ਸਲੋ ਇੰਟਰਨੈਟ ਦੀ ਸਮੱਸਿਆ ਹੁਣ ਹੋਵੇਗੀ ਖਤਮ
ਕਈ ਯਾਤਰੀ ਮੈਟਰੋ ਵਿੱਚ ਯਾਤਰਾ ਦੌਰਾਨ ਆਪਣੇ ਦਫ਼ਤਰ ਦਾ ਕੰਮ ਵੀ ਕਰਦੇ ਹਨ, ਪਰ ਕਈ ਰੂਟਾਂ ’ਤੇ ਇੰਟਰਨੈਟ ਸਪੀਡ ਬਹੁਤ ਹੀ ਹੌਲੀ ਰਹਿੰਦੀ ਹੈ। ਹੁਣ ਫਾਈਬਰ ਓਪਟਿਕ ਕੇਬਲ ਦੇ ਆਉਣ ਨਾਲ ਇਹ ਸਮੱਸਿਆ ਹਮੇਸ਼ਾ ਲਈ ਖਤਮ ਹੋ ਜਾਵੇਗੀ।
ਸਭ ਤੋਂ ਪਹਿਲਾਂ ਇਨ੍ਹਾਂ ਲਾਈਨਾਂ ’ਤੇ ਮਿਲੇਗੀ ਸੁਵਿਧਾ
DMRC ਮੁਤਾਬਕ, ਸਭ ਤੋਂ ਪਹਿਲਾਂ “ਪਿੰਕ” ਅਤੇ “ਮੈਜੈਂਟਾ” ਲਾਈਨਾਂ ’ਤੇ ਇਹ ਸੁਵਿਧਾ ਸ਼ੁਰੂ ਕੀਤੀ ਜਾਵੇਗੀ। ਇਸ ਪ੍ਰਾਜੈਕਟ ਨਾਲ ਨਾਂਕੇਵਲ ਮੈਟਰੋ ਯਾਤਰੀਆਂ ਨੂੰ ਲਾਭ ਹੋਵੇਗਾ, ਸਗੋਂ ਦਿੱਲੀ-ਐਨਸੀਆਰ ’ਚ 5G ਨੈੱਟਵਰਕ ਦੇ ਵਿਸਥਾਰ ਨੂੰ ਵੀ ਤੇਜ਼ੀ ਮਿਲੇਗੀ।
ਡਿਜੀਟਲ ਭਾਰਤ ਦੀ ਯੋਜਨਾ ਵਲ ਵੱਡਾ ਕਦਮ
DMRC ਨੇ ਕਿਹਾ ਕਿ ਇਹ ਯੋਜਨਾ ਭਾਰਤ ਸਰਕਾਰ ਦੇ “ਡਿਜੀਟਲ ਭਾਰਤ” ਵਿਜ਼ਨ ਨੂੰ ਹੋਰ ਮਜ਼ਬੂਤ ਕਰੇਗੀ। ਇਹ ਟੈਲੀਕਮ ਕੰਪਨੀਆਂ ਨੂੰ ਤੇਜ਼ ਅਤੇ ਵਿਸ਼ਵਾਸਯੋਗ ਇੰਟਰਨੈਟ ਪ੍ਰਦਾਨ ਕਰਨ ਵਿੱਚ ਮਦਦ ਕਰੇਗੀ, ਜਦਕਿ DMRC ਆਪਣੇ ਮੌਜੂਦਾ ਬੁਨਿਆਦੀ ਢਾਂਚੇ (Infrastructure) ਦੀ ਵਧੀਆ ਵਰਤੋਂ ਕਰ ਸਕੇਗੀ।
ਇਸ ਪ੍ਰਾਜੈਕਟ ਨਾਲ ਦਿੱਲੀ ’ਚ ਇੰਟਰਨੈਟ ਕਨੈਕਟਿਵਟੀ ਹੋਰ ਬਿਹਤਰ ਹੋਵੇਗੀ ਅਤੇ ਸ਼ਹਿਰ ਨੂੰ ਭਵਿੱਖ ਲਈ ਤਿਆਰ ਕਰਨ ਵਿੱਚ ਇਹ ਇੱਕ ਵੱਡਾ ਮੋੜ ਸਾਬਤ ਹੋਵੇਗਾ।
