Tom Cruise ਨੇ ਆਪਣੀ ਫ਼ਿਲਮ Mission: Impossible 8 ‘ਚ ਜ਼ਬਰਦਸਤ ਸਟੰਟ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਉਸਨੇ ਇਹ ਸਟੰਟ 16 ਵਾਰ ਕੀਤਾ ਤੇ ਆਪਣਾ ਨਾਮ ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਵਿੱਚ ਦਰਜ ਕਰਵਾਇਆ।
Tom Cruise awarded Guinness World Record: ਫੇਮਸ ਹਾਲੀਵੁੱਡ ਸਟਾਰ ਟੌਮ ਕਰੂਜ਼ ਦੀ ਫਿਲਮ ਮਿਸ਼ਨ ਇੰਪੌਸੀਬਲ ਦ ਫਾਈਨਲ ਰਿਕੋਨਿੰਗ ਜੂਨ ‘ਚ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ। ਫਿਲਮ ਵਿੱਚ, ਟੌਮ ਕਰੂਜ਼ ਨੇ ਸੜਦੇ ਪੈਰਾਸ਼ੂਟ ਨਾਲ 16 ਵਾਰ ਛਾਲ ਮਾਰਨ ਦਾ ਇੱਕ ਖ਼ਤਰਨਾਕ ਸਟੰਟ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ।
ਗਿੰਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ‘ਚ ਨਾਮ ਦਰਜ
ਐਕਟਰ ਨੇ ਆਪਣੀ ਨਵੀਂ ਫਿਲਮ ਵਿੱਚ ਖ਼ਤਰਨਾਕ ਸਟੰਟ ਕੀਤੇ। ਜਿਸ ਚੋਂ ਇੱਕ ‘ਚ ਟੌਮ ਕਰੂਜ਼ ਨੇ ਸੜਦੇ ਪੈਰਾਸ਼ੂਟ ਨਾਲ ਹੈਲੀਕਾਪਟਰ ਤੋਂ 16 ਵਾਰ ਛਾਲ ਮਾਰੀ। ਕਰੂਜ਼ ਇੱਕ ਸਿਖਲਾਈ ਪ੍ਰਾਪਤ ਸਕਾਈਡਾਈਵਰ ਵੀ ਹੈ, ਨੇ ਹਵਾਬਾਜ਼ੀ ਬਾਲਣ ਵਿੱਚ ਭਿੱਜੇ ਪੈਰਾਸ਼ੂਟ ਨਾਲ ਬੰਨ੍ਹੇ ਹੋਏ ਹੈਲੀਕਾਪਟਰ ਤੋਂ 16 ਵਾਰ ਛਾਲ ਮਾਰੀ, ਫਿਰ ਪੈਰਾਸ਼ੂਟ ਦੇ ਸੜੇ ਹੋਏ ਹਿੱਸੇ ਨੂੰ ਕੱਟਿਆ ਤੇ ਇਸਨੂੰ ਬਚਾਉਂਦਾ ਹੈ। ਐਕਟਰ ਦੇ ਇਸ ਕਾਰਨਾਮੇ ਨੇ ਉਸਨੂੰ 4 ਜੂਨ ਨੂੰ ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਵਿੱਚ ਆਪਣਾ ਨਾਮ ਦਰਜ ਕਰਵਾਉਣ ਦੇ ਯੋਗ ਬਣਾਇਆ।
ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡਜ਼ ਦੇ ਮੁੱਖ ਸੰਪਾਦਕ ਨੇ ਕੀਤੀ ਸ਼ਲਾਘਾ
ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡਜ਼ ਦੇ ਮੁੱਖ ਸੰਪਾਦਕ ਕ੍ਰੇਗ ਗਲੈਂਡੇ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ ‘ਤੇ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ, ‘ਟੌਮ ਨਾ ਸਿਰਫ਼ ਇੱਕ ਐਕਸ਼ਨ ਹੀਰੋ ਦੀ ਭੂਮਿਕਾ ਨਿਭਾਉਂਦੇ ਹਨ ਬਲਕਿ ਉਹ ਅਸਲ ਵਿੱਚ ਖੁਦ ਇੱਕ ਐਕਸ਼ਨ ਹੀਰੋ ਹਨ’। ਇਹ ਉਸਦੀ ਨਿਡਰਤਾ ਹੈ ਜਿਸਨੇ ਉਸਨੂੰ ਅੱਜ ਇਹ ਖਿਤਾਬ ਦਿਵਾਇਆ ਹੈ। ਫਿਲਮ ‘ਦ ਫਾਈਨਲ ਰਿਕੋਨਿੰਗ’ ਵਿੱਚ, ਕਰੂਜ਼ ਦਾ ਕਿਰਦਾਰ, ਈਥਨ ਹੰਟ, ਦੱਖਣੀ ਅਫ਼ਰੀਕਾ ਦੇ ਡ੍ਰੇਕੇਂਸਬਰਗ ਪਹਾੜਾਂ ਉੱਤੇ 1940 ਦੇ ਦਹਾਕੇ ਦੇ ਬਾਈਪਲੇਨ ‘ਤੇ ਸਵਾਰ ਹੋ ਕੇ ‘ਏਆਈ ਯੂਨਿਟ’ ਦੇ ਨਿਯੰਤਰਣ ਲਈ ਆਪਣੇ ਵਿਰੋਧੀ ਗੈਬਰੀਅਲ (ਏਸਾਈ ਮੋਰਾਲੇਸ) ਨਾਲ ਲੜਦਾ ਹੈ।
ਟੌਮ ਕਰੂਜ਼ ਦਾ ਫਿਲਮੀ ਕਰੀਅਰ
ਟੌਮ ਕਰੂਜ਼ ਨੇ 1983 ਵਿੱਚ ‘ਰਿਸਕੀ ਬਿਜ਼ਨਸ’ ਨਾਲ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ ਅਤੇ ਉਦੋਂ ਤੋਂ ਹੁਣ ਤੱਕ 30 ਤੋਂ ਵੱਧ ਫਿਲਮਾਂ ਵਿੱਚ ਕੰਮ ਕਰ ਚੁੱਕਾ ਹੈ। ਉਸਦੀ ਨਵੀਂ ਪ੍ਰਾਪਤੀ ਉਸਦੇ ਪ੍ਰਸ਼ੰਸਕਾਂ ਲਈ ਇੱਕ ਹੋਰ ਪ੍ਰੇਰਨਾਦਾਇਕ ਉਦਾਹਰਣ ਹੈ।
