Vayve Eva Sola Car: ਪੁਣੇ ਸਥਿਤ ਇਲੈਕਟ੍ਰਿਕ ਵ੍ਹੀਕਲ ਸਟਾਰਟ-ਅੱਪ ਕੰਪਨੀ Vayve Mobility ਨੇ ਅਧਿਕਾਰਤ ਤੌਰ ‘ਤੇ ਦੇਸ਼ ਦੀ ਪਹਿਲੀ ਸੂਰਜੀ ਊਰਜਾ ਨਾਲ ਚੱਲਣ ਵਾਲੀ ਕਾਰ ‘Vayve Eva’ ਨੂੰ ਵਿਕਰੀ ਲਈ ਲਾਂਚ ਕਰ ਦਿੱਤਾ।
Vayve Eva Solar Electric Car launch: ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿੱਚ ਚੱਲ ਰਹੇ ਭਾਰਤ ਮੋਬਿਲਿਟੀ ਗਲੋਬਲ ਐਕਸਪੋ (BMGE 2025) ਬਹੁਤ ਹੀ ਸ਼ਾਨਦਾਰ ਰਿਹਾ। ਪੁਣੇ ਸਥਿਤ ਇਲੈਕਟ੍ਰਿਕ ਵਾਹਨ ਸਟਾਰਟ-ਅੱਪ ਕੰਪਨੀ ਵਾਇਵੇ ਮੋਬਿਲਿਟੀ ਨੇ ਅਧਿਕਾਰਤ ਤੌਰ ‘ਤੇ ਦੇਸ਼ ਦੀ ਪਹਿਲੀ ਸੂਰਜੀ ਊਰਜਾ ਨਾਲ ਚੱਲਣ ਵਾਲੀ ਕਾਰ ‘ਵੈਵੇ ਈਵਾ’ ਨੂੰ ਵਿਕਰੀ ਲਈ ਲਾਂਚ ਕੀਤੀ। 3 ਮੀਟਰ ਤੋਂ ਘੱਟ ਦੀ ਇਸ ਇਲੈਕਟ੍ਰਿਕ ਕਾਰ ਦੀ ਸ਼ੁਰੂਆਤੀ ਕੀਮਤ ਸਿਰਫ 3.25 ਲੱਖ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ।
ਆਓ ਜਾਣਦੇ ਹਾਂ ਇਸ ਕਾਰ ਦੇ ਹੋਰ ਫੀਚਰਸ
ਇਸ ਇਲੈਕਟ੍ਰਿਕ ਕਾਰ ਦਾ ਪ੍ਰੋਟੋਟਾਈਪ ਮਾਡਲ ਪਿਛਲੇ ਆਟੋ ਐਕਸਪੋ ‘ਚ ਦੁਨੀਆ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ ਸੀ। ਹਾਲਾਂਕਿ ਕੰਪਨੀ ਨੇ ਇਸ ਕਾਰ ‘ਚ ਪਿਛਲੇ ਮਾਡਲ ਦੇ ਮੁਕਾਬਲੇ ਕਈ ਬਦਲਾਅ ਕੀਤੇ। ਇਸ ਦੀ ਚੌੜਾਈ ਵਧਾਈ ਗਈ ਹੈ ਤੇ ਪਿਛਲੇ ਟਾਇਰ ਨੂੰ ਵੀ ਬਦਲਿਆ ਗਿਆ ਹੈ। ਜੋ ਕੈਬਿਨ ਸਪੇਸ ਨੂੰ ਵਧਾਉਣ ‘ਚ ਮਦਦ ਕਰਦਾ ਹੈ।
ਸਟਾਰਟ-ਅੱਪ ਦਾ ਦਾਅਵਾ ਹੈ ਕਿ ਇਹ ਦੇਸ਼ ਦੀ ਪਹਿਲੀ ਸੂਰਜੀ ਊਰਜਾ ਨਾਲ ਚੱਲਣ ਵਾਲੀ ਇਲੈਕਟ੍ਰਿਕ ਕਾਰ ਹੈ। ਇਸ ਕਾਰ ਨੂੰ ਸ਼ਹਿਰੀ ਖੇਤਰਾਂ ‘ਚ ਰੋਜ਼ਾਨਾ ਆਉਣ-ਜਾਣ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਤਿਆਰ ਕੀਤਾ ਗਿਆ ਹੈ, ਜੋ ਤੁਹਾਡੀ ਰੋਜ਼ਾਨਾ ਛੋਟੀ ਯਾਤਰਾ ਲਈ ਇੱਕ ਸਹੀ ਵਿਕਲਪ ਸਾਬਤ ਹੋ ਸਕਦੀ ਹੈ।
ਕਾਰ ਦੇ ਵੇਰੀਐਂਟ ਦੀ ਕੀਮਤ (ਰੁਪਏ ਐਕਸ-ਸ਼ੋਰੂਮ ਵਿੱਚ)
ਨੋਵਾ 3.25 ਲੱਖ
ਸਟੈਲਾ 3.99 ਲੱਖ
ਵੇਗਾ 4.49 ਲੱਖ
ਲੁੱਕ ਤੇ ਡਿਜ਼ਾਈਨ:
Vayve EVA ‘ਚ ਅੱਗੇ ਇੱਕ ਸਿੰਗਲ ਸੀਟ ਹੈ ਜੋ ਡਰਾਈਵਰ ਲਈ ਹੈ ਅਤੇ ਪਿਛਲੀ ਸੀਟ ਨੂੰ ਥੋੜਾ ਚੌੜਾ ਕੀਤਾ ਗਿਆ ਹੈ, ਜਿਸ ‘ਤੇ ਇੱਕ ਬਾਲਗ ਤੇ ਇੱਕ ਬੱਚਾ ਬੈਠ ਸਕਦੇ ਹਨ। ਡਰਾਈਵਿੰਗ ਸੀਟ ਦੇ ਅੱਗੇ ਦਰਵਾਜ਼ੇ ਦੇ ਅੰਦਰ ਇੱਕ ਫੋਲਡਿੰਗ ਟ੍ਰੇ ਦਿੱਤੀ ਗਈ ਹੈ, ਜਿਸ ‘ਤੇ ਤੁਸੀਂ ਲੈਪਟਾਪ ਆਦਿ ਰੱਖ ਸਕਦੇ ਹੋ। ਇਹ ਡਰਾਈਵਿੰਗ ਸੀਟ 6-ਵੇਅ ਐਡਜਸਟੇਬਲ ਹੈ, ਇਸ ਤੋਂ ਇਲਾਵਾ ਕਾਰ ‘ਚ ਪੈਨੋਰਾਮਿਕ ਸਨਰੂਫ ਹੈ।
ਕਾਰ ਦਾ ਸਾਈਜ਼:
ਕਾਰ ਦੇ ਸਾਈਜ਼ ਦੀ ਗੱਲ ਕਰੀਏ ਤਾਂ ਇਸਦੀ ਲੰਬਾਈ 3060 mm, ਚੌੜਾਈ 1150 mm, ਉਚਾਈ 1590 mm ਤੇ ਗਰਾਊਂਡ ਕਲੀਅਰੈਂਸ 170 mm ਹੈ। ਇਸ ਦੇ ਫਰੰਟ ‘ਚ ਡਿਸਕ ਬ੍ਰੇਕ ਅਤੇ ਪਿਛਲੇ ਪਹੀਆਂ ‘ਚ ਡਰਮ ਬ੍ਰੇਕ ਹਨ। ਇਲੈਕਟ੍ਰਿਕ ਪਾਵਰ ਸਟੀਅਰਿੰਗ ਨਾਲ ਲੈਸ ਇਸ ਕਾਰ ਦਾ ਟਰਨਿੰਗ ਰੇਡੀਅਸ 3.9 ਮੀਟਰ ਹੈ। ਇਸ ਰੀਅਰ ਵ੍ਹੀਲ ਡਰਾਈਵ ਕਾਰ ਦੀ ਟਾਪ ਸਪੀਡ 70 ਕਿਲੋਮੀਟਰ ਪ੍ਰਤੀ ਘੰਟਾ ਹੈ।
ਕਾਰ ਦਾ ਇੰਟੀਰੀਅਰ:
ਛੋਟੀ ਕਾਰ ਹੋਣ ਦੇ ਬਾਵਜੂਦ ਇਸ ਦੇ ਇੰਟੀਰੀਅਰ ‘ਚ ਬਿਹਤਰ ਸਪੇਸ ਦੇਣ ਦੀ ਹਰ ਕੋਸ਼ਿਸ਼ ਕੀਤੀ ਗਈ ਹੈ। ਇਸ ‘ਚ ਏਅਰ ਕੰਡੀਸ਼ਨ (AC) ਦੇ ਨਾਲ ਐਪਲ ਕਾਰ ਪਲੇਅ ਅਤੇ ਐਂਡ੍ਰਾਇਡ ਆਟੋ ਕਨੈਕਟੀਵਿਟੀ ਸਿਸਟਮ ਹੈ। ਇਸ ਦੀ ਪੈਨੋਰਾਮਿਕ ਸਨਰੂਫ ਕਾਰ ਦੇ ਅੰਦਰੂਨੀ ਹਿੱਸੇ ਨੂੰ ਵਧੇਰੇ ਵਿਸ਼ਾਲ ਦਿੱਖ ਦਿੰਦੀ ਹੈ। ਜਦੋਂ ਤੁਸੀਂ ਕਾਰ ਦੇ ਅੰਦਰ ਬੈਠਦੇ ਹੋ, ਤਾਂ ਤੁਹਾਨੂੰ ਇਹ ਮਹਿਸੂਸ ਨਹੀਂ ਹੁੰਦਾ ਕਿ ਇਹ ਛੋਟੀ ਹੈ।
ਡਰਾਈਵਿੰਗ ਲਿਮੀਟ:
ਇਹ ਇੱਕ ਪਲੱਗਇਨ ਇਲੈਕਟ੍ਰਿਕ ਕਾਰ ਹੈ ਅਤੇ ਇਸ ਵਿੱਚ 14Kwh ਸਮਰੱਥਾ (Li-iOn) ਬੈਟਰੀ ਪੈਕ ਹੈ। ਇਸ ‘ਚ ਲਿਕਵਿਡ ਕੂਲਡ ਇਲੈਕਟ੍ਰਿਕ ਮੋਟਰ ਦੀ ਵਰਤੋਂ ਕੀਤੀ ਗਈ ਹੈ, ਜੋ 12kW ਦੀ ਪਾਵਰ ਅਤੇ 40Nm ਦਾ ਟਾਰਕ ਜਨਰੇਟ ਕਰਦੀ ਹੈ। ਸਿੰਗਲ ਸਪੀਡ ਆਟੋਮੈਟਿਕ ਗਿਅਰਬਾਕਸ ਨਾਲ ਲੈਸ ਇਸ ਕਾਰ ‘ਚ ਰੀਜਨਰੇਟਿਵ ਬ੍ਰੇਕਿੰਗ ਸਿਸਟਮ ਦਾ ਇਸਤੇਮਾਲ ਕੀਤਾ ਗਿਆ ਹੈ, ਜੋ ਬੈਟਰੀ ਦੀ ਪਾਵਰ ਨੂੰ ਥੋੜ੍ਹਾ ਵਧਾਉਂਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਕਾਰ ਸਿੰਗਲ ਚਾਰਜ ‘ਤੇ 250 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਦਿੰਦੀ ਹੈ। ਇਸ ‘ਚ ਦਿੱਤੇ ਗਏ ਸੋਲਰ ਪੈਨਲ ਦੀ ਵਰਤੋਂ ਕਾਰ ਦੀ ਸਨਰੂਫ ਦੀ ਜਗ੍ਹਾ ‘ਤੇ ਕੀਤੀ ਜਾ ਸਕਦੀ ਹੈ।
ਚਾਰਜਿੰਗ:
ਇਸ ਕਾਰ ਨੂੰ ਸ਼ਹਿਰ ਦੇ ਅੰਦਰ ਛੋਟੀਆਂ ਸਵਾਰੀਆਂ ਲਈ ਤਿਆਰ ਕੀਤਾ ਗਿਆ ਹੈ। ਇਸ ਕਾਰ ਦਾ ਕੁੱਲ ਵਜ਼ਨ 800 ਕਿਲੋਗ੍ਰਾਮ ਹੈ ਤੇ ਇਹ ਵੱਧ ਤੋਂ ਵੱਧ 250 ਕਿਲੋਗ੍ਰਾਮ ਤੱਕ ਭਾਰ ਚੁੱਕਣ ਦੇ ਸਮਰੱਥ ਹੈ। ਕਾਰ ਦੀ ਬੈਟਰੀ ਨੂੰ ਸਧਾਰਨ ਘਰੇਲੂ (15A) ਸਾਕਟ ਤੋਂ ਆਸਾਨੀ ਨਾਲ ਚਾਰਜ ਕੀਤਾ ਜਾ ਸਕਦਾ ਹੈ। ਇਸਦੀ ਬੈਟਰੀ ਨੂੰ ਘਰੇਲੂ ਸਾਕੇਟ ਤੋਂ ਪੂਰੀ ਤਰ੍ਹਾਂ ਚਾਰਜ ਹੋਣ ਵਿੱਚ ਲਗਭਗ 4 ਘੰਟੇ ਲੱਗਦੇ ਹਨ, ਜਦੋਂ ਕਿ ਇਸਦੀ ਬੈਟਰੀ ਨੂੰ ਡੀਸੀ ਫਾਸਟ ਚਾਰਜਰ (CCS2) ਨਾਲ ਪੂਰੀ ਤਰ੍ਹਾਂ ਚਾਰਜ ਹੋਣ ਵਿੱਚ ਸਿਰਫ 45 ਮਿੰਟ ਲੱਗਦੇ ਹਨ।
