ਵੇਰਕਾ ਦੁੱਧ ਅੱਜ ਤੋਂ ਹੋਇਆ ਮਹਿੰਗਾ, 8 ਰੁਪਏ ਤੱਕ ਵਧੀਆਂ ਕੀਮਤਾਂ

ਚੰਡੀਗੜ੍ਹ: ਪੰਜਾਬ ਦੇ ਪ੍ਰਮੁੱਖ ਡੇਅਰੀ ਬ੍ਰਾਂਡ ਵੇਰਕਾ ਨੇ ਆਪਣੇ ਪੈਕਟ ਵਾਲੇ ਦੁੱਧ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰ ਦਿੱਤਾ ਹੈ। ਪੰਜਾਬ ਸਟੇਟ ਕੋਆਪਰੇਟਿਵ ਮਿਲਕ ਪ੍ਰੋਡਿਊਸਰਜ਼ ਫੈਡਰੇਸ਼ਨ ਲਿਮਟਿਡ ਵੱਲੋਂ ਜਾਰੀ ਸਰਕੂਲਰ ਅਨੁਸਾਰ ਵੱਖ-ਵੱਖ ਕਿਸਮਾਂ ਦੇ ਦੁੱਧ ਦੀਆਂ ਕੀਮਤਾਂ ਵਿੱਚ 1 ਤੋਂ 8 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ। ਨਵੀਆਂ ਕੀਮਤਾਂ 13 ਨਵੰਬਰ ਦੀ ਸਵੇਰ ਤੋਂ ਲਾਗੂ ਹੋ ਗਈਆਂ ਹਨ। ਇਹ ਵਾਧਾ ਪੰਜਾਬ ਤੋਂ ਇਲਾਵਾ ਚੰਡੀਗੜ੍ਹ, ਪੰਚਕੂਲਾ, ਮੋਹਾਲੀ, ਕਾਲਕਾ, ਰੋਪੜ, ਦਿੱਲੀ-NCR ਅਤੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਵੀ ਲਾਗੂ ਹੋਵੇਗਾ। ਫੈਡਰੇਸ਼ਨ ਵੱਲੋਂ ਇਹ ਫ਼ੈਸਲਾ ਹੋਰ ਵੱਡੀਆਂ ਡੇਅਰੀ ਕੰਪਨੀਆਂ ਦੀਆਂ ਕੀਮਤਾਂ ਸਬੰਧੀ ਹੋਈ ਮੀਟਿੰਗ ਤੋਂ ਬਾਅਦ ਲਿਆ ਗਿਆ ਹੈ।

500 ਮਿਲੀਲੀਟਰ ਵਾਲੇ ਪੈਕਟਾਂ ਦੇ ਨਵੇਂ ਰੇਟ

ਇੱਕ ਲੀਟਰ ਵਾਲੇ ਪੈਕਟ ਵੀ ਮਹਿੰਗੇ

ਵੱਡੇ ਪੈਕਟਾਂ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ

• 1.5 ਲੀਟਰ ਫੁੱਲ ਕਰੀਮ: ₹106 ਤੋਂ ਵਧ ਕੇ ₹112
• 1.5 ਲੀਟਰ ਸਟੈਂਡਰਡ: ₹96 ਤੋਂ ਵਧ ਕੇ ₹102
• 1.5 ਲੀਟਰ ਗਾਂ ਦਾ ਦੁੱਧ: ₹90 ਤੋਂ ਵਧ ਕੇ ₹96
• 2 ਲੀਟਰ ਫੁੱਲ ਕਰੀਮ: ₹142 ਤੋਂ ਵਧ ਕੇ ₹150
• 2 ਲੀਟਰ ਸਟੈਂਡਰਡ: ₹128 ਤੋਂ ਵਧ ਕੇ ₹136

ਕੁਝ ਪੈਕਟਾਂ ਦੀ ਕੀਮਤ ਨਹੀਂ ਬਦਲੀ, ਮਾਤਰਾ ਘਟੇਗੀ
ਵੇਰਕਾ ਨੇ 180 ਮਿਲੀਲੀਟਰ ਡਬਲ ਟੋਨਡ ਅਤੇ 350 ਮਿਲੀਲੀਟਰ ਟੋਨਡ ਦੁੱਧ ਦੀ ਕੀਮਤ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ। ਹਾਲਾਂਕਿ, ਮੌਜੂਦਾ ਪੈਕਿੰਗ ਫਿਲਮ ਦਾ ਸਟਾਕ ਖ਼ਤਮ ਹੋਣ ਤੋਂ ਬਾਅਦ 350 ਮਿਲੀਲੀਟਰ ਟੋਨਡ ਦੁੱਧ ਦਾ ਪੈਕਟ 320 ਮਿਲੀਲੀਟਰ ਅਤੇ 450 ਮਿਲੀਲੀਟਰ ਸਟੈਂਡਰਡ ਦੁੱਧ ਦਾ ਪੈਕਟ 430 ਮਿਲੀਲੀਟਰ ਕਰ ਦਿੱਤਾ ਜਾਵੇਗਾ।

ਫੈਡਰੇਸ਼ਨ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਬਲਕ ਮਿਲਕ ਦੀਆਂ ਕੀਮਤਾਂ ਅਤੇ ਡਿਸਟ੍ਰੀਬਿਊਟਰਾਂ ਤੇ ਰਿਟੇਲਰਾਂ ਦੇ ਮਾਰਜਿਨ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਸ਼ਿਮਲਾ, ਸੋਲਨ, ਬੱਦੀ, ਪਰਵਾਣੂ ਅਤੇ ਨਾਲਾਗੜ੍ਹ ਲਈ ਪੈਕਟਾਂ ’ਤੇ ਵਾਧੂ ਓਵਰਪ੍ਰਿੰਟਿੰਗ ਚਾਰਜ 2 ਰੁਪਏ ਪ੍ਰਤੀ ਲੀਟਰ ਅਤੇ 3 ਰੁਪਏ ਪ੍ਰਤੀ 1.5 ਲੀਟਰ ਰੱਖਿਆ ਗਿਆ ਹੈ। ਜਦਕਿ ਉੱਤਰਾਖੰਡ, ਬਿਲਾਸਪੁਰ, ਨਾਹਨ ਅਤੇ ਪਾਉਂਟਾ ਸਾਹਿਬ ਰੂਟ ਲਈ ਇਹ ਚਾਰਜ ਕ੍ਰਮਵਾਰ 4 ਅਤੇ 5 ਰੁਪਏ ਹੋਵੇਗਾ।