ਵੈਲਿੰਗਟਨ ਟੈਸਟ: ਪਹਿਲੇ ਦਿਨ ਨਿਊਜ਼ੀਲੈਂਡ ਨੇ ਬਣਾਈਆਂ 243 ਦੌੜਾਂ, ਨਿਕੋਲਸ ਦਾ ਸੈਂਕੜਾ
- ਬੁਮਰਾਹ ਨੇ ਝਟਕਾਈਆਂ 3 ਵਿਕਟਾਂ
- ਨਿਕੋਲਸ ਅਤੇ ਗਲੇਨ ਫਿਲਿਪਸ ਵਿਚਾਲੇ 173 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ
ਨਵੀਂ ਦਿੱਲੀ: ਵੈਲਿੰਗਟਨ ਟੈਸਟ ਦੇ ਪਹਿਲੇ ਦਿਨ ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਮੁਕਾਬਲਾ ਮਿਲਿਆ-ਜੁਲਿਆ ਰਿਹਾ। ਸਵੇਰ ਦੇ ਸੈਸ਼ਨ ਵਿੱਚ ਭਾਰਤੀ ਤੇਜ਼ ਗੇਂਦਬਾਜ਼ਾਂ ਨੇ ਦਬਦਬਾ ਬਣਾਉਂਦਿਆਂ ਕੀਵੀ ਬੱਲੇਬਾਜ਼ਾਂ ਦੀਆਂ ਪੰਜ ਅਹਿਮ ਵਿਕਟਾਂ ਲਈਆਂ, ਪਰ ਬਾਅਦ ਵਿੱਚ ਨਿਊਜ਼ੀਲੈਂਡ ਨੇ ਸ਼ਾਨਦਾਰ ਵਾਪਸੀ ਕੀਤੀ।
ਵੀਰਵਾਰ ਨੂੰ ਪਹਿਲੇ ਦਿਨ ਦੀ ਖੇਡ ਖ਼ਤਮ ਹੋਣ ਤੱਕ ਨਿਊਜ਼ੀਲੈਂਡ ਨੇ 5 ਵਿਕਟਾਂ ਦੇ ਨੁਕਸਾਨ ’ਤੇ 243 ਦੌੜਾਂ ਬਣਾ ਲਈਆਂ ਸਨ। ਹੈਨਰੀ ਨਿਕੋਲਸ 113 ਦੌੜਾਂ ਅਤੇ ਗਲੇਨ ਫਿਲਿਪਸ 94 ਦੌੜਾਂ ਬਣਾ ਕੇ ਨਾਬਾਦ ਪਰਤੇ। ਦੋਵਾਂ ਵਿਚਾਲੇ ਛੇਵੀਂ ਵਿਕਟ ਲਈ 173 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਹੋ ਚੁੱਕੀ ਹੈ।
ਭਾਰਤ ਵੱਲੋਂ ਜਸਪ੍ਰੀਤ ਬੁਮਰਾਹ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ ਟੌਮ ਬਲੰਡੇਲ (5), ਟੌਮ ਲੈਥਮ (0) ਅਤੇ ਡੈਰਿਲ ਮਿਚੇਲ (1) ਨੂੰ ਆਊਟ ਕੀਤਾ। ਆਕਾਸ਼ਦੀਪ ਨੇ ਰਚਿਨ ਰਵਿੰਦਰਾ (15) ਅਤੇ ਅੰਸ਼ੁਲ ਕੰਬੋਜ ਨੇ ਡੇਵੋਨ ਕਾਨਵੇ ਦੀ ਵਿਕਟ ਹਾਸਲ ਕੀਤੀ। ਹੁਣ ਦੂਜੇ ਦਿਨ ਭਾਰਤੀ ਗੇਂਦਬਾਜ਼ਾਂ ਦੀ ਕੋਸ਼ਿਸ਼ ਨਿਊਜ਼ੀਲੈਂਡ ਦੀ ਪਾਰੀ ਨੂੰ ਜਲਦੀ ਸਮੇਟਣ ਦੀ ਹੋਵੇਗੀ।