ਵੈਲਿੰਗਟਨ ਟੈਸਟ: ਕੇਐੱਲ ਰਾਹੁਲ ਦਾ ਸ਼ਾਨਦਾਰ ਸੈਂਕੜਾ, ਬਸ ਭਾਰਤ ਨਿਊਜ਼ੀਲੈਂਡ ਤੋਂ 78 ਦੌੜਾਂ ਹੀ ਪਿੱਛੇ
- SENA ਦੇ ਚਾਰੇ ਦੇਸ਼ਾਂ ’ਚ ਸੈਂਕੜਾ ਲਗਾਉਣ ਵਾਲੇ ਪਹਿਲੇ ਭਾਰਤੀ ਓਪਨਰ ਬਣੇ
- 203 ਗੇਂਦਾਂ ’ਚ ਜੜਿਆ ਕਰੀਅਰ ਦਾ 13ਵਾਂ ਟੈਸਟ ਸੈਂਕੜਾ
- ਦੇਵਦੱਤ ਪਡਿੱਕਲ ਨਾਲ ਮਜ਼ਬੂਤ ਸਾਂਝੇਦਾਰੀ
ਵੈਲਿੰਗਟਨ: ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੁਕਾਬਲਾ ਵੈਲਿੰਗਟਨ ਦੇ ਬੇਸਿਨ ਰਿਜ਼ਰਵ ਮੈਦਾਨ ’ਚ ਖੇਡਿਆ ਜਾ ਰਿਹਾ ਹੈ। ਮੈਚ ਦੇ ਤੀਜੇ ਦਿਨ ਭਾਰਤੀ ਓਪਨਰ ਕੇਐੱਲ ਰਾਹੁਲ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ ਆਪਣੇ ਟੈਸਟ ਕਰੀਅਰ ਦਾ 13ਵਾਂ ਸੈਂਕੜਾ ਜੜ ਦਿੱਤਾ। ਇਸ ਵੇਲੇ ਰਾਹੁਲ ਤੇ ਪਡਿੱਕਲ ਕ੍ਰੀਜ਼ ‘ਤੇ ਹਨ ਦੋਵਾਂ ‘ਚ 150 ਤੋਂ ਵੱਧ ਦੌੜਾਂ ਦੀ ਸਾਂਝੇਦਾਰੀ ਹੋ ਚੁੱਕੀ ਹੈ ਅਤੇ ਇਸ ਵੇਲੇ ਭਾਰਤ ਦਾ ਸਕੋਰ 1 ਵਿਕਟ ‘ਤੇ 290 ਦੌੜਾਂ ਹੈ ਅਤੇ ਉਹ ਨਿਊਜ਼ੀਲੈਂਡ ਤੋਂ ਸਿਰਫ 78 ਦੌੜਾਂ ਪਿੱਛੇ ਹੈ। ਹੈ ਅਤੇ
ਅੱਜ ਰਾਹੁਲ ਨੇ 203 ਗੇਂਦਾਂ ’ਚ ਆਪਣਾ ਸੈਂਕੜਾ ਪੂਰਾ ਕੀਤਾ। ਇਸ ਦੇ ਨਾਲ ਹੀ ਉਹ SENA ਦੇ ਚਾਰੇ ਦੇਸ਼ਾਂ—ਦੱਖਣੀ ਅਫਰੀਕਾ, ਇੰਗਲੈਂਡ, ਨਿਊਜ਼ੀਲੈਂਡ ਅਤੇ ਆਸਟ੍ਰੇਲੀਆ—ਵਿੱਚ ਟੈਸਟ ਸੈਂਕੜਾ ਲਗਾਉਣ ਵਾਲੇ ਪਹਿਲੇ ਭਾਰਤੀ ਓਪਨਰ ਬਣ ਗਏ ਹਨ।
ਨਿਊਜ਼ੀਲੈਂਡ ਦੀ ਪਹਿਲੀ ਪਾਰੀ 368 ਦੌੜਾਂ ’ਤੇ ਸਮਾਪਤ ਹੋਣ ਤੋਂ ਬਾਅਦ ਭਾਰਤੀ ਟੀਮ ਨੇ ਮਜ਼ਬੂਤ ਵਾਪਸੀ ਕੀਤੀ। ਤੀਜੇ ਦਿਨ ਭਾਰਤ ਨੇ ਸਵੇਰੇ 159/1 ਦੇ ਸਕੋਰ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ। ਕੇਐੱਲ ਰਾਹੁਲ ਅਤੇ ਦੇਵਦੱਤ ਪਡਿੱਕਲ ਨੇ ਦੂਜੀ ਵਿਕਟ ਲਈ 150 ਤੋਂ ਵੱਧ ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਪਡਿੱਕਲ ਨੇ ਵੀ ਆਪਣਾ ਅਰਧ ਸੈਂਕੜਾ ਪੂਰਾ ਕਰਦਿਆਂ 54 ਦੌੜਾਂ ਦੀ ਜੁਝਾਰੂ ਪਾਰੀ ਖੇਡੀ। ਰਾਹੁਲ ਦੀ ਸੰਭਲ ਕੇ ਕੀਤੀ ਬੱਲੇਬਾਜ਼ੀ ਅਤੇ ਪਡਿੱਕਲ ਦੇ ਸਾਥ ਨਾਲ ਭਾਰਤ ਨੇ ਮੈਚ ’ਚ ਆਪਣੀ ਸਥਿਤੀ ਮਜ਼ਬੂਤ ਕਰ ਲਈ ਹੈ। ਤੀਜੇ ਦਿਨ ਭਾਰਤੀ ਟੀਮ ਦੀਆਂ ਨਜ਼ਰਾਂ ਹੁਣ ਨਿਊਜ਼ੀਲੈਂਡ ਦੇ ਪਹਿਲੀ ਪਾਰੀ ਦੇ ਸਕੋਰ ਨੂੰ ਪਾਰ ਕਰਕੇ ਵੱਡੀ ਬੜ੍ਹਤ ਹਾਸਲ ਕਰਨ ’ਤੇ ਹਨ।