ਫਿਰ ਤੋਂ OTT ‘ਤੇ ਧਮਾਲ ਮਚਾਉਣਗੇ Diljit Dosanjh, ਬੋਮਨ ਈਰਾਨੀ ਅਤੇ ਡਾਇਨਾ ਪੈਂਟੀ ਨਾਲ ਲੈ ਕੇ ਆ ਰਹੇ ਹਨ ‘Detective Sherdil’
Detective Sherdil on OTT: ਦਿਲਜੀਤ ਦੋਸਾਂਝ ਦੀ ਨਵੀਂ ਫਿਲਮ ਡਿਟੈਕਟਿਵ ਸ਼ੇਰਦਿਲ ਜਲਦੀ ਹੀ ਲੋਕਾਂ ਨੂੰ ਹਾਸੇ ਦੇ ਨਾਲ ਰਹੱਸ ਦੀ ਇੱਕ ਨਵੀਂ ਦੁਨੀਆ ਵਿੱਚ ਲੈ ਜਾਣ ਲਈ ਤਿਆਰ ਹੈ।
ਮਨਵੀਰ ਰੰਧਾਵਾ ਦੀ ਰਿਪੋਰਟ
Diljit Dosanjh New Movie Detective Sherdil Release on OTT: ਫੇਮਸ ਪੰਜਾਬੀ ਸਿੰਗਰ-ਐਕਟਰ ਦਿਲਜੀਤ ਦੋਸਾਂਝ ਨੂੰ ਹੁਣ ਪੰਜਾਬ ਜਾਂ ਭਾਰਤ ‘ਚ ਹੀ ਨਹੀਂ ਸਗੋਂ ਗਲੋਬਲ ਪੱਧਰ ‘ਤੇ ਵਖਰੀ ਪਛਾਣ ਮਿਲ ਚੁੱਕੀ ਹੈ। ਦਿਲਜੀਤ ਦੋਸਾਂਝ ਹੁਣ ਬਾਲੀਵੁੱਡ ਫਿਲਮ ਇੰਡਸਟਰੀ ਦੀ ਪਹਿਲੀ ਪਸੰਦ ਬਣਦੇ ਨਜਰ ਆ ਰਹੇ ਹਨ। ਇਹ ਦਿਲਜੀਤ ਦੋਸਾਂਝ ਦੀ ਪ੍ਰਸਿੱਧੀ ਦਾ ਕਮਾਲ ਹੈ ਕਿ ਹਰ ਨਿਰਮਾਤਾ ਉਨ੍ਹਾਂ ਨਾਲ ਕੰਮ ਕਰਨਾ ਚਾਹੁੰਦਾ ਹੈ।
ਬਾਲੀਵੁੱਡ ਡਾਇਰੈਕਟਰ ਅਲੀ ਅੱਬਾਸ ਜ਼ਫਰ ਦੀ ਦਿਲਜੀਤ ਦੋਸਾਂਝ ਦੇ ਹੱਥ ਵਿੱਚ ਨਵੀਂ ਇੱਕ ਕ੍ਰਾਈਮ ਕਾਮੇਡੀ ਫਿਲਮ ਹੈ। ਜਿਸ ਵਿੱਚ ਦਿਲਜੀਤ ਦੋਸਾਂਝ ਇੱਕ ਜਾਸੂਸ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਦਿਲਜੀਤ ਦੋਸਾਂਝ ਦੀ ਨਵੀਂ ਫਿਲਮ ਦਾ ਨਾਮ ਡਿਟੈਕਟਿਵ ਸ਼ੇਰਦਿਲ ਹੈ, ਜਿਸਨੂੰ ਰਵੀ ਛਾਬੜੀਆ ਨੇ ਬਣਾਇਆ ਹੈ।
ਰਵੀ ਛਾਬੜੀਆ ਦੀ ਡਾਇਰੈਟਿਡ ਫਿਲਮ ਦੀ ਸ਼ੂਟਿੰਗ ਬੁਡਾਪੇਸਟ ‘ਚ
ਇਹ ਇੱਕ ਅਜਿਹੀ ਫਿਲਮ ਹੈ ਜੋ ਲੋਕਾਂ ਨੂੰ ਹਸਾਏਗੀ ਪਰ ਨਾਲ ਹੀ ਇੱਕ ਰਹੱਸਮਈ ਦੁਨੀਆ ਵਿੱਚ ਵੀ ਲੈ ਜਾਵੇਗੀ। ਫਿਲਮ ‘ਚ ਉਹ ਇੱਕ ਅਜੀਬ ਜਾਸੂਸ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣਗੇ। ਇਸ ਫਿਲਮ ਦੀ ਕਹਾਣੀ ਦਰਸ਼ਕਾਂ ਨੂੰ ਇੱਕ ਮਜ਼ੇਦਾਰ ਯਾਤਰਾ ‘ਤੇ ਲੈ ਜਾਣ ਵਾਲੀ ਹੈ। ਰਵੀ ਛਾਬੜੀਆ ਵਲੋਂ ਡਾਇਰੈਟਿਡ ਇਸ ਫਿਲਮ ਦੀ ਸ਼ੂਟਿੰਗ ਬੁਡਾਪੇਸਟ ਵਿੱਚ ਕੀਤੀ ਗਈ ਹੈ।
ਫ਼ਿਲਮ ਵਿੱਚ ਦਿਲਜੀਤ ਦੇ ਨਾਲ ਬਾਲੀਵੁੱਡ ਐਕਟਰਸ ਡਾਇਨਾ ਪੈਂਟੀ, ਬੋਮਨ ਈਰਾਨੀ, ਚੰਕੀ ਪਾਂਡੇ, ਰਤਨਾ ਪਾਠਕ ਸ਼ਾਹ, ਬਨੀਤਾ ਸੰਧੂ ਤੇ ਸੁਮਿਤ ਵਿਆਸ ਵਰਗੇ ਕਲਾਕਾਰਾਂ ਨਜ਼ਰ ਆਉਣਗੇ। ਕਹਾਣੀ ਅਲੀ ਅੱਬਾਸ ਜ਼ਫਰ, ਸਾਗਰ ਬਜਾਜ ਅਤੇ ਰਵੀ ਛਾਬੜੀਆ ਨੇ ਲਿਖੀ ਹੈ। ਇਹ ਅਲੀ ਅਤੇ ਦਿਲਜੀਤ ਦਾ ਇਕੱਠਿਆਂ ਦੂਜਾ ਪ੍ਰੋਜੈਕਟ ਹੈ, ਇਸ ਤੋਂ ਪਹਿਲਾਂ ਦੋਵਾਂ ਨੇ ਜੋਗੀ ਵਿੱਚ ਇਕੱਠੇ ਕੰਮ ਕੀਤਾ ਸੀ।
OTT ‘ਤੇ ਕਦੋਂ ਰਿਲੀਜ਼ ਹੋਵੇਗੀ ਫਿਲਮ
ਦੱਸ ਦੇਈਏ ਕਿ ਦਿਲਜੀਤ ਦੋਸਾਂਝ ਦੀ ਡਿਟੈਕਟਿਵ ਸ਼ੇਰਦਿਲ 20 ਜੂਨ, 2025 ਨੂੰ ZEE5 ‘ਤੇ ਰਿਲੀਜ਼ ਹੋਵੇਗੀ।
