ਸੂਏ ’ਚ ਪਿਆ ਚਾਲੀ ਫ਼ੁਟ ਦਾ ਪਾੜ, 100 ਏਕੜ ਫ਼ਸਲ ਡੁੱਬੀ

Punjab News; ਮੁਕਤਸਰ ਸਾਹਿਬ ਦੇ ਨਜ਼ਦੀਕ ਪੈਂਦੇ ਪਿੰਡ ਵੜਿੰਗ ‘ਚ ਸੂਏ ਵਿੱਚ ਕਰੀਬ 30 ਤੋਂ 40 ਫੁੱਟ ਚੌੜਾ ਪਿਆ ਪਾੜ ਪੈਣ ਕਾਰਨ ਕਿਸਾਨਾਂ ਦੀ 100 ਏਕੜ ਫਸਲ ਪਾਣੀ ‘ਚ ਪੂਰੀ ਤਰਾਂ ਡੁੱਬ ਚੁਕੀ ਹੈ। ਇਸ ਸਬੰਧੀ ਪਿੰਡ ਦੇ ਕਿਸਾਨਾਂ ਨੇ ਵਿਭਾਗ ‘ਤੇ ਅਣਗਹਿਲੀ ਵਰਤਣ ਦੇ ਇਲਜ਼ਾਮ ਲਗਾਏ। ਕਿਸਾਨਾਂ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਸੂਆ ਦੇਰ ਰਾਤ ਦਾ ਟੁੱਟਿਆ ਹੋਇਆ ਹੈ ਜਿਸ ਤੋਂ ਬਾਅਦ ਸਾਰੇ ਕਿਸਾਨਾਂ ਦੀ ਫ਼ਸਲ ਪਾਣੀ ‘ਚ ਡੁੱਬ ਚੁੱਕੀ ਹੈ। ਪਰ ਪ੍ਰਸ਼ਾਸ਼ਨ ਇਸ ਮੌਕੇ ਹੁਣ ਤੱਕ ਨੀ ਪਹੁੰਚਿਆ। ਜਿਸ ਨਾਲ ਨਾਲ ਉਹਨਾਂ ਦੀ ਫ਼ਸਲ ਦਾ ਬਹੁਤ ਜਿਆਦਾ ਨੁਕਸਾਨ ਹੋ ਚੁੱਕਿਆ ਹੈ।

ਪੀੜ੍ਹਤ ਕਿਸਾਨਾਂ ਨੇ ਸਰਕਾਰ ਤੋਂ ਮੱਦਦ ਗੁਹਾਰ ਲਾਉਂਦਿਆਂ ਕਿਹਾ ਕਿ ਉਹਨਾਂ ਨੇ ਝੋਨਾਂ ਬਹੁਤ ਹੀ ਖਰਚਾ ਕਰਕੇ ਲਵਾਇਆ ਸੀ ਜੋ ਹੁਣ ਬਿਲਕੁਲ ਪਾਣੀ ‘ਚ ਡੁੱਬ ਚੁੱਕਾ ਹੈ ਜਿਸ ਨਾਲ ਉਹਨਾਂ ਦਾ ਬਹੁਤ ਜਿਆਦਾ ਨੁਕਸਾਨ ਹੋਇਆ ਹੈ , ਕਿਸਾਨਾਂ ਮੰਗ ਕੀਤੀ ਕਿ ਉਹਨਾਂ ਨੂੰ ਬਣਦਾ ਮੁਆਵਜ਼ਾ ਦਿੱਤਾ ਜਾਵੇ , ਅਤੇ ਵਾਰ ਵਾਰ ਟੁੱਟ ਰਹੇ ਸੂਏ ਦਾ ਪੱਕਾ ਤੇ ਸਥਾਈ ਹੱਲ ਕੀਤਾ ਜਾਵੇ।