ਉੱਤਰਾਖੰਡ ਵਿਚ ਕੁਦਰਤੀ ਕਹਿਰ: ਬਾਦਲ ਫਟਣ ਕਾਰਨ ਜਲਪ੍ਰਲੈ, 100 ਤੋਂ ਵੱਧ ਲੋਕ ਲਾਪਤਾ
ਧਰਾਲੀ, ਹਰਸ਼ਿਲ ਤੇ ਸੁਖੀ ਪਿੰਡ ‘ਚ ਤਬਾਹੀ; 150 ਤੋਂ ਵੱਧ ਘਰਾਂ ਵਾਲਾ ਪਿੰਡ ਮਿਟੀ ‘ਚ ਰੁਲਿਆ, ਫੌਜ ਦੇ 11 ਜਵਾਨ ਵੀ ਲਾਪਤਾ
Cloud burst in uttarakhand: ਉਤਰਾਖੰਡ ਦੇ ਉੱਤਰਕਾਸ਼ੀ ਜ਼ਿਲ੍ਹੇ ਵਿੱਚ ਮੰਗਲਵਾਰ ਦੁਪਹਿਰ 12:40 ਵਜੇ ਤਿੰਨ ਵੱਖ-ਵੱਖ ਥਾਵਾਂ ‘ਤੇ ਜ਼ਮੀਨ ਖਿਸਕ ਗਈ। ਧਾਰਲੀ, ਹਰਸ਼ਿਲ ਅਤੇ ਸੁਖਵੀ ਪਿੰਡਾਂ ਵਿੱਚ ਇਸ ਜ਼ਮੀਨ ਖਿਸਕਣ ਨਾਲ 100 ਤੋਂ ਵੱਧ ਲੋਕ ਲਾਪਤਾ ਹਨ, 50 ਤੋਂ ਵੱਧ ਘਰ ਅਤੇ 30 ਹੋਟਲ-ਹੋਮਸਟੇ ਤਬਾਹ ਹੋ ਗਏ ਹਨ। ਧਾਰਲੀ ਪਿੰਡ ਪੂਰੀ ਤਰ੍ਹਾਂ ਮਲਬੇ ਹੇਠ ਦੱਬਿਆ ਹੋਇਆ ਹੈ।
ਘਟਨਾਵਾਂ ਦਾ ਕਰਮ
- ਦੁਪਹਿਰ 12:40 ਵਜੇ – ਧਰਾਲੀ ਵਿਖੇ ਬਾਦਲ ਫਟਣ ਨਾਲ ਖੀਰਗੰਗਾ ਨਦੀ ‘ਚ ਭਿਆਨਕ ਸੈਲਾਬ, ਪਿੰਡ ਨਸ਼ਟ
- ਦੁਪਹਿਰ 2:00 ਵਜੇ – ਹਰਸ਼ਿਲ ਦੇ ਤੇਲ ਗਾੜ ਨਾਲੇ ਵਿੱਚ ਹੜ੍ਹ, ਫੌਜੀ ਕੈਂਪ ਤੇ ਹੈਲੀਪੈਡ ਬਹੇ, 11 ਜਵਾਨ ਲਾਪਤਾ
- ਦੁਪਹਿਰ 3:00 ਵਜੇ – ਸੁਖੀ ਪਿੰਡ (ਧਰਾਲੀ ਤੋਂ 7 ਕਿਮੀ ਦੂਰ) ਵਿੱਚ ਵੀ ਬਾਦਲ ਫਟਿਆ, ਦਰਜਨਾਂ ਇਮਾਰਤਾਂ ਢਹੀਆਂ
ਚਸ਼ਮਦੀਦ ਵਲੋਂ ਦਰਦਨਾਕ ਵਰਣਨ
ਮੁੱਖਬਾ ਪਿੰਡ ਦੇ ਨਿਵਾਸੀ ਅਸ਼ੋਕ ਸੈਮਵਾਲ ਨੇ ਦੱਸਿਆ ਕਿ,
“ਮੈਂ ਘਰ ਤੋਂ ਬਾਹਰ ਸੀ, ਜਦੋਂ 12:40 ਵਜੇ ਬੰਬ ਵਰਗੀ ਧਮਾਕੇ ਦੀ ਆਵਾਜ਼ ਆਈ। ਥੋੜ੍ਹੀ ਦੇਰ ‘ਚ ਪਹਾੜੀ ਨਾਲੇ ਵਿੱਚ ਪਾਣੀ ਦੀ ਭਿਆਨਕ ਲਹਿਰ ਆਈ। 30 ਸਕਿੰਟ ‘ਚ ਖੀਰਗੰਗਾ ਨਦੀ 10 ਮੀਟਰ ਤੋਂ ਵਧ ਕੇ 30 ਮੀਟਰ ਹੋ ਗਈ। ਲੋਕ ਸਮਝ ਵੀ ਨਹੀਂ ਸਕੇ ਤੇ ਸੈਲਾਬ ਘਰਾਂ, ਕਾਰਾਂ, ਹੋਟਲਾਂ ਤੇ ਇਮਾਰਤਾਂ ਨੂੰ ਲੈਕੇ ਚਲਾ ਗਿਆ।”
ਉਸ ਨੇ ਦੱਸਿਆ ਕਿ ਧਰਾਲੀ ਵਿੱਚ ਉਸਦੇ ਦੋਸਤ ਤੇ ਰਿਸ਼ਤੇਦਾਰ ਵੱਸਦੇ ਸਨ, ਪਰ ਹੁਣ ਕਿਸੇ ਦਾ ਪਤਾ ਨਹੀਂ। 15 ਤੋਂ 20 ਫੁੱਟ ਉੱਚਾ ਮਲਬਾ ਹਰ ਪਾਸੇ ਪਿਆ ਹੈ।ਉੱਤਰਕਾਸ਼ੀ ਦੇ ਡੀਐਮ ਨੇ 4 ਮੌਤਾਂ ਦੀ ਪੁਸ਼ਟੀ ਕੀਤੀ ਹੈ। ਪਰ ਅਸਲ ਹਾਲਾਤ ਕਾਫੀ ਭਿਆਨਕ ਹਨ ਅਤੇ ਹਤਾਹਤਾਂ ਦੀ ਗਿਣਤੀ ਵਧਣ ਦੀ ਆਸ਼ੰਕਾ ਹੈ। ਚੀਫ਼ ਸੈਕਟਰੀ ਆਨੰਦ ਵਰਧਨ ਅਨੁਸਾਰ, ਧਰਾਲੀ ਦੀ ਜਨਸੰਖਿਆ ਲਗਭਗ 700 ਹੈ, ਜਿਨ੍ਹਾਂ ਵਿਚੋਂ 100 ਲੋਕ ਲਾਪਤਾ ਹਨ।
ਧਰਾਲੀ: ਹਿਮਾਲਿਆ ਦੀ ਦਰਾਰ ‘ਤੇ ਬਸਿਆ ‘ਟਾਈਮ ਬੰਬ’
ਧਰਾਲੀ ਪਿੰਡ ਉੱਚ ਹਿਮਾਲਈ ਖੇਤਰ ਵਿੱਚ ਮੈਂ ਸੈਂਟਰਲ ਥਰਸਟ (Main Central Thrust) ‘ਤੇ ਵਸਿਆ ਹੋਇਆ ਹੈ, ਜੋ ਭੂਚਾਲ ਅਤੇ ਭੁ-ਸਖਲਨ ਲਈ ਸੰਵੇਦਨਸ਼ੀਲ ਜੋਨ ਮੰਨਿਆ ਜਾਂਦਾ ਹੈ। ਭੂ-ਵਿਗਿਆਨੀ ਪ੍ਰੋ. ਐਸ.ਪੀ. ਸਤੀ ਨੇ ਦੱਸਿਆ ਕਿ 1864, 2013 ਤੇ 2014 ਵਿੱਚ ਵੀ ਇੱਥੇ ਬਾਦਲ ਫਟਣ ਦੀਆਂ ਘਟਨਾਵਾਂ ਹੋਈਆਂ। ਸਾਈੰਟਿਸਟਾਂ ਨੇ ਇਸ ਪਿੰਡ ਨੂੰ ਕਿਤੇ ਹੋਰ ਵਸਾਉਣ ਦੀ ਸਲਾਹ ਵੀ ਦਿੱਤੀ ਸੀ, ਪਰ ਰਾਜ ਸਰਕਾਰ ਨੇ ਕਦਮ ਨਹੀਂ ਚੁੱਕਿਆ।
1500 ਸਾਲ ਪੁਰਾਣਾ “ਕਲਪ ਕੇਦਾਰ” ਮੰਦਰ ਵੀ ਤਬਾਹ
ਧਰਾਲੀ ਪਿੰਡ ਵਿੱਚ ਸਥਿਤ ਪੰਚ ਕੇਦਾਰ ਪਰੰਪਰਾਵਾਂ ਨਾਲ ਜੁੜਿਆ ਪ੍ਰਾਚੀਨ “ਕਲਪ ਕੇਦਾਰ ਮੰਦਰ” ਵੀ ਸੈਲਾਬ ਵਿੱਚ ਨਸ਼ਟ ਹੋ ਗਿਆ। ਇਹ ਮੰਦਰ ਭਾਗੀਰਥੀ ਨਦੀ ਦੇ ਕੰਢੇ ਤੇ ਸਥਿਤ ਸੀ ਅਤੇ ਸੰਪੂਰਨ ਇਲਾਕੇ ਦੀ ਆਸਥਾ ਦਾ ਕੇਂਦਰ ਸੀ।
ਪਰਟਨ ਹਬ ‘ਤੇ ਤਬਾਹੀ ਦੀ ਚੋਟ
ਧਰਾਲੀ, ਹਰਸ਼ਿਲ ਤੇ ਮੁਖਬਾ, ਉੱਤਰਾਖੰਡ ਦੇ ਪ੍ਰਮੁੱਖ ਪਰਟਨ ਸਥਾਨ ਹਨ। ਇੱਥੇ ਸੈਂਕੜੇ ਹੋਟਲ, ਰਿਜ਼ੋਰਟ ਅਤੇ ਹੋਮਸਟੇ ਸੈਲਾਨੀਆਂ ਲਈ ਮੌਜੂਦ ਸਨ, ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਤਬਾਹ ਹੋ ਚੁੱਕੇ ਹਨ।
ਮਦਦ ਕਾਰਜ ਜਾਰੀ, ਹਵਾਈ ਰਾਹੀਂ ਰਾਹਤ
ਐਨਡੀਆਰਐਫ, ਆਰਮੀ ਤੇ ਸਥਾਨਕ ਪ੍ਰਸ਼ਾਸਨ ਵੱਲੋਂ ਰਾਹਤ ਤੇ ਰੈਸਕਿਊ ਕਾਰਜ ਜਾਰੀ ਹਨ। ਹੇਲੀਕਾਪਟਰਾਂ ਰਾਹੀਂ ਮੁਲਾਜ਼ਮਾਂ ਅਤੇ ਸਾਧਨਾਂ ਦੀ ਤਾਇਨਾਤੀ ਕੀਤੀ ਜਾ ਰਹੀ ਹੈ।
