ਪਿੰਡ ਵੱਡਾ ਬੂਰ ਵਾਲਾ ਦਾ ਪਰਿਵਾਰ ਖਸਤਾ ਹਾਲਾਤ ਦੇ ਮਕਾਨ ‘ਚ ਰਹਿਣ ਨੂੰ ਮਜਬੂਰ, ਪਰਿਵਾਰ ਨਾਲ ਕਦੇ ਵੀ ਵਾਪਰ ਸਕਦਾ ਹਾਦਸਾ

Jalalabad News: ਪਰਿਵਾਰਕ ਮੈਂਬਰ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਉਹ ਲਗਭਗ 45 ਸਾਲਾਂ ਤੋਂ ਕੱਚੇ ਮਕਾਨਾਂ ’ਚ ਹੀ ਆਪਣਾ ਜਿੰਦਗੀ ਦੇ ਪਲ ਕੱਟ ਰਹੇ ਹਨ।

Punjab Floods: ਆਜ਼ਾਦੀ ਦੇ 77 ਵਰ੍ਹੇ ਬੀਤ ਜਾਣ ਦੇ ਬਵਾਜੂਦ ਵੀ ਲੋਕ ਬੁਨਿਆਦੀ ਸਹੂਲਤਾਂ ਤੋਂ ਵਾਂਝੇ ਹਨ। ਇਸ ਤਰ੍ਹਾਂ ਦੀ ਇੱਕ ਦਸਤਾਨ ਵਿਧਾਨ ਸਭਾ ਹਲਕਾ ਜਲਾਲਾਬਾਦ ਦੇ ਪਿੰਡ ਵੱਡਾ ਬੂਰ ਵਾਲਾ ਤੋਂ ਇੱਕ ਗਰੀਬ ਪਰਿਵਾਰ ਦੇ ਤਰਸਯੋਗ ਹਾਲਾਤ ਮਕਾਨਾਂ ਤੋਂ ਦੇਖਣ ਤੋਂ ਸਾਹਮਣੇ ਆਈ ਹੈ।

ਘਰ ਦੀਆਂ ਜੋ ਤਸਵੀਰਾਂ ਸਾਹਮਣੇ ਆਈਆਂ ਹਨ ਕਿ ਕੱਚੇ 2 ਮਕਾਨਾਂ ’ਚ ਪਰਿਵਾਰ ਦੇ 6 ਜੀਅ ਆਪਣਾ ਜੀਵਨ ਬੀਤ ਕਰ ਰਹੇ ਹਨ। ਜਿਵੇਂ ਕਿ ਪੰਜਾਬ ਦੇ ’ਚ ਲਗਾਤਾਰ ਪੈ ਰਹੀਆਂ ਤੇਜ਼ ਬਰਸਾਤਾਂ ਦੇ ਨਾਲ ਮਕਾਨ ਕਿਸੇ ਸਮੇਂ ਵੀ ਡਿੱਗ ਸਕਦੇ ਹਨ। ਇਸ ਪਰਿਵਾਰ ਦੇ ਨਾਲ ਵੱਡਾ ਹਾਦਸਾ ਵਾਪਰ ਸਕਦਾ ਹੈ।

ਪਰਿਵਾਰਕ ਮੈਂਬਰ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਉਹ ਲਗਭਗ 45 ਸਾਲਾਂ ਤੋਂ ਕੱਚੇ ਮਕਾਨਾਂ ’ਚ ਹੀ ਆਪਣਾ ਜਿੰਦਗੀ ਦੇ ਪਲ ਕੱਟ ਰਹੇ ਹਨ ਅਤੇ ਵੋਟਾਂ ਸਮੇਂ ਕਈ ਸਿਆਸੀ ਪਾਰਟੀ ਦੇ ਲੀਡਰ ਆਏ ਤੇ ਉਨ੍ਹਾਂ ਨੂੰ ਲਾ ਕੇ ਸੱਤਾ ’ਤੇ ਰਾਜ ਕਰਕੇ ਚੱਲੇ ਗਏ ਪਰ ਉਨ੍ਹਾਂ ਦੇ ਕਿਸੇ ਵੀ ਸਰਕਾਰ ਦੇ ਸਿਆਸੀ ਲੀਡਰ ਜਾਂ ਪੰਚਾਇਤ ਨੇ ਅੱਜ ਤੱਕ ਸਾਰ ਨਹੀ ਲਈ।

ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਪਰਿਵਾਰਿਕ ਮੈਂਬਰਾਂ ਨੇ ਸਰਕਾਰ ਪਾਸੋ ਮੰਗ ਕੀਤੀ ਹੈ ਕਿ ਜਲਦੀ ਤੋਂ ਜਲਦੀ ਉਨ੍ਹਾਂ ਦੇ ਮਕਾਨਾਂ ਦੀ ਸਪੈਸ਼ਲ ਗਿਰਦਾਵਾਰੀ ਕਰਵਾ ਕੇ ਉਨ੍ਹਾਂ ਦੀ ਮਾਲੀ ਮਦਦ ਕੀਤੀ ਜਾਵੇ।