ਪਿੰਡ ਭਾਮੜੀ ‘ਚ NIA ਨੇ ਤਲਾਸ਼ੀ ਮੁਹਿੰਮ ਦੌਰਾਨ, ਜ਼ਮੀਨ ‘ਚ ਦੱਬੇ 3 ਡੈਟੋਨੇਟਰ ਤੇ 3 ਗ੍ਰਨੇਡ ਕੀਤੇ ਬਰਾਮਦ

NIA Search Opration; ਸ੍ਰੀ ਹਰਗੋਬਿੰਦਪੁਰ ਦੇ ਪਿੰਡ ਭਾਮੜੀ ਵਿੱਚ NIA ਦੀ ਟੀਮ ਨੇ ਤਲਾਸ਼ੀ ਮੁਹਿੰਮ ਚਲਾਈ। ਇਸ ਦੌਰਾਨ NIA ਟੀਮ ਨੇ 3 ਡੈਟੋਨੇਟਰ ਅਤੇ 3 ਹੱਥਗੋਲੇ ਬਰਾਮਦ ਕੀਤੇ। ਪੁਲਿਸ ਚੌਕੀ ਹਰਚੋਵਾਲ ਦੇ ਏਐਸਆਈ ਸਰਵਣ ਸਿੰਘ ਨੇ ਦੱਸਿਆ ਕਿ ਐਨਆਈਏ ਨੇ ਇਹ ਬਰਾਮਦਗੀ ਬੁੱਧਵਾਰ ਸਵੇਰੇ 6 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਪੁਲਿਸ ਨਾਲ ਕੀਤੇ ਗਏ ਤਲਾਸ਼ੀ ਅਭਿਆਨ ਦੌਰਾਨ ਕੀਤੀ।

ਐਨਆਈਏ ਦੀ ਟੀਮ ਨੇ 5 ਸਤੰਬਰ ਨੂੰ ਬਿਹਾਰ ਰਾਜ ਦੇ ਪਿੰਡ ਭੈਣੀ ਬਾਂਗਰ ਦੇ ਰਹਿਣ ਵਾਲੇ ਇੱਕ ਸ਼ੱਕੀ ਸ਼ਰਨਜੀਤ ਸਿੰਘ ਨੂੰ ਕਿਸੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਸੀ ਅਤੇ ਹੱਥਗੋਲੇ ਅਤੇ ਹੋਰ ਸਮਾਨ ਬਰਾਮਦ ਕੀਤਾ ਸੀ।ਉਸਦੀ ਜਾਣਕਾਰੀ ਅਨੁਸਾਰ, ਬੁੱਧਵਾਰ ਨੂੰ ਪਿੰਡ ਭਾਮੜੀ ਵਿੱਚ 10 ਘੰਟੇ ਤੱਕ ਤਲਾਸ਼ੀ ਮੁਹਿੰਮ ਚਲਾਈ ਗਈ ਅਤੇ ਪਿੰਡ ਦੇ ਤਲਾਅ ਦੇ ਨੇੜੇ ਖਾਲੀ ਜ਼ਮੀਨ ਪੁੱਟ ਦਿੱਤੀ ਗਈ।