New Delhi ਰੇਲਵੇ ਸਟੇਸ਼ਨ ‘ਤੇ ਭਾਰੀ ਭੀੜ, ਸ਼ਿਵ ਗੰਗਾ ਐਕਸਪ੍ਰੈੱਸ ‘ਚ ਹਾਦਸਾ, ਭਗਦੜ ‘ਚ ਕਈ ਦੀ ਮੌਤ
New Delhi railway station accident ;- ਸ਼ਨੀਵਾਰ ਅਤੇ ਐਤਵਾਰ ਦੇ ਦਿਨ ਮਹਾਕੁੰਭ ਜਾਣ ਵਾਲੇ ਸ਼ਰਧਾਲੂਆਂ ਦੀ ਗਿਣਤੀ ਬੇਹੱਦ ਵੱਧ ਗਈ। ਰਾਤ 8:05 ਵਜੇ ਨਵੀਂ ਦਿੱਲੀ ਤੋਂ ਬਨਾਰਸ ਜਾ ਰਹੀ ਸ਼ਿਵ ਗੰਗਾ ਸੁਪਰਫਾਸਟ ਐਕਸਪ੍ਰੈੱਸ ਨੂੰ ਫੜਨ ਲਈ ਪਲੇਟਫਾਰਮ ਨੰਬਰ 12 ‘ਤੇ ਯਾਤਰੀਆਂ ਦੀ ਭਾਰੀ ਭੀੜ ਇਕੱਠੀ ਹੋਈ।
ਸ਼ਿਵ ਗੰਗਾ ਐਕਸਪ੍ਰੈੱਸ ‘ਚ ਸਲੀਪਰ, ਜਨਰਲ, ਏਸੀ – ਹਰ ਡੱਬਾ ਲੋਕਾਂ ਨਾਲ ਪੂਰੀ ਤਰ੍ਹਾਂ ਭਰ ਗਿਆ। ਹਾਲ ਇਹ ਸੀ ਕਿ ਟਾਇਲਟ, ਗੈਲਰੀਆਂ, ਇੱਥੋਂ ਤਕ ਕਿ ਗੇਟ ‘ਤੇ ਵੀ ਲੋਕ ਚੰਬੜ ਰਹੇ ਸਨ। ਰੇਲਗੱਡੀ ਛੁੱਟਣ ਦੀ ਦੇਰ ਸੀ ਕਿ ਪਲੇਟਫਾਰਮ ‘ਤੇ ਹੰਗਾਮਾ ਮਚ ਗਿਆ। ਜੋ ਯਾਤਰੀ ਇਹ ਗੱਡੀ ਨਾ ਫੜ ਸਕੇ, ਉਹ ਪਲੇਟਫਾਰਮ ਨੰਬਰ 14, 15 ਅਤੇ 8 ਵੱਲ ਦੌੜੇ, ਜਿਸ ਕਾਰਨ ਭਗਦੜ ਮਚ ਗਈ।
ਭੀੜ ‘ਚ ਅਫ਼ਰਾਤਫ਼ਰੀ, ਪੁਲਿਸ ਵੀ ਬੇਹਾਲ
ਸ਼ਿਵ ਗੰਗਾ ਐਕਸਪ੍ਰੈੱਸ ਦੀ ਅਚਾਨਕ ਵਧੀ ਭੀੜ ਨੂੰ ਦੇਖਦੇ ਹੋਏ ਰੇਲਵੇ ਨੇ ਤੁਰੰਤ ਐਲਾਨ ਕੀਤਾ ਕਿ ਵਿਵਸਥਾ ਬਣਾਈ ਜਾਵੇ। RPF ਨੇ ਲਾਠੀਆਂ ਚਲਾਈਆਂ ਅਤੇ ਲਾਈਨ ਲਗਾਉਣ ਦੇ ਹੁਕਮ ਦਿੱਤੇ, ਪਰ ਭੀੜ ਉਤੇ ਕੰਟਰੋਲ ਕਰਨਾ ਮੁਸ਼ਕਿਲ ਹੋ ਗਿਆ। ਉੱਧਰ ਨਵੀਂ ਦਿੱਲੀ ਮੈਟਰੋ ਸਟੇਸ਼ਨ ਤੋਂ ਵੀ ਹਰ-ਹਰ ਮਹਾਦੇਵ ਦੇ ਨਾਅਰੇ ਲਗਾਉਂਦੇ ਸ਼ਰਧਾਲੂਆਂ ਦੀ ਲਹਿਰ ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਦੀ ਓਰ ਵਧ ਰਹੀ ਸੀ। ਪੁਲਿਸ ਵੀ ਇਹ ਸਮਝ ਨਹੀਂ ਸਕੀ ਕਿ ਉਹ ਕੀ ਕਰੇ।
ਵਿਸ਼ੇਸ਼ ਟ੍ਰੇਨ ਦਾ ਐਲਾਨ, ਭੀੜ ‘ਚ ਮਚੀ ਹੱਡਬੋਨ
15-20 ਮਿੰਟ ‘ਚ ਹੀ ਰੇਲਵੇ ਸਟੇਸ਼ਨ ‘ਤੇ ਹਜ਼ਾਰਾਂ ਲੋਕ ਇਕੱਠੇ ਹੋ ਗਏ। ਇਸ ਦੌਰਾਨ, ਪ੍ਰਯਾਗਰਾਜ ਜਾਣ ਵਾਲੀ ਇੱਕ ਵਿਸ਼ੇਸ਼ ਟ੍ਰੇਨ ਦਾ ਐਲਾਨ ਕੀਤਾ ਗਿਆ, ਜਿਸ ਕਰਕੇ ਭੀੜ ਨੇ ਪਲੇਟਫਾਰਮ ਨੰਬਰ 14 ਵੱਲ ਦੌੜ ਲਾਈ। ਫੁੱਟਓਵਰ ਬ੍ਰਿਜ, ਸੀੜੀਆਂ ਤੇ ਪਲੇਟਫਾਰਮ ‘ਤੇ ਹਜਾਰਾਂ ਲੋਕ ਭੀੜ ਵਧਾਉਣ ਲੱਗੇ। ਧੱਕਾ-ਮੁੱਕੀ ਦੌਰਾਨ ਕਈ ਲੋਕ ਗਿਰੇ ਅਤੇ ਭਗਦੜ ਮਚ ਗਈ, ਜਿਸ ‘ਚ ਕਈ ਲੋਕਾਂ ਨੇ ਆਪਣੀ ਜਾਨ ਗੁਆ ਦਿੱਤੀ।
ਲੇਟ ਟ੍ਰੇਨਾਂ ਕਾਰਨ ਹੋਇਆ ਹਾਦਸਾ
ਰੇਲਵੇ ਪੁਲਿਸ ਉਪਾਯੁਕਤ (DCP) KPS ਮਲਹੋਤਰਾ ਨੇ ਦੱਸਿਆ ਕਿ ਪ੍ਰਯਾਗਰਾਜ ਜਾਣ ਵਾਲੀਆਂ ਦੋ ਟ੍ਰੇਨਾਂ ਪਹਿਲਾਂ ਹੀ ਦੇਰ ਨਾਲ ਚੱਲ ਰਹੀਆਂ ਸਨ। ਉਨ੍ਹਾਂ ਦੀ ਭੀੜ ਵੀ ਪਲੇਟਫਾਰਮ ‘ਤੇ ਹੀ ਖੜੀ ਸੀ। ਜਦੋਂ ਵਿਸ਼ੇਸ਼ ਟ੍ਰੇਨ ਦਾ ਐਲਾਨ ਹੋਇਆ, ਤਾਂ ਹਜ਼ਾਰਾਂ ਲੋਕ ਨਵੀ ਟ੍ਰੇਨ ਚੜ੍ਹਨ ਲਈ ਦੌੜ ਪਏ, ਜਿਸ ਕਾਰਨ ਇਹ ਦੁਖਦਾਈ ਹਾਦਸਾ ਵਾਪਰਿਆ। ਅਜੇ ਹਾਲਾਤ ਸੰਭਲੇ ਵੀ ਨਹੀਂ ਸਨ ਕਿ ਕਈ ਲੋਕ ਆਪਣੀ ਜਾਨ ਗੁਆ ਚੁੱਕੇ ਸਨ।
