ਹੜ੍ਹ ਪ੍ਰਭਾਵਿਤ ਲੋਕਾਂ ਨਾਲ ਡੱਟ ਕੇ ਖੜ੍ਹਿਆ ਮਨਕੀਰਤ ਔਲਖ, ਦਾਨ ਕੀਤੇ 10 ਹੋਰ ਟਰੈਕਟਰ
Punjab Floods; ਪੰਜਾਬੀ ਗਾਇਕ ਮਨਕੀਰਤ ਔਲਖ ਨੇ ਪੰਜਾਬ ਦੇ ਹੜ੍ਹ ਪੀੜਤਾਂ ਨਾਲ ਕੀਤਾ ਆਪਣਾ ਵਾਅਦਾ ਇਕ ਵਾਰ ਫਿਰ ਨਿਭਾਇਆ ਹੈ। ਦਰਅਸਲ ਗਾਇਕ ਨੇ ਹੜ੍ਹ ਪ੍ਰਭਾਵਿਤ ਲੋਕਾਂ ਅਤੇ ਪਿੰਡਾਂ ਦੀ ਮਦਦ ਲਈ 10 ਹੋਰ ਟਰੈਕਟਰ ਦਾਨ ਕੀਤੇ ਹਨ। ਇਸ ਸਬੰਧੀ ਗਾਇਕ ਨੇ ਇਕ ਪੋਸਟ ਸਾਂਝੀ ਕਰਕੇ ਜਾਣਕਾਰੀ ਦਿੱਤੀ ਹੈ।
ਉਨ੍ਹਾਂ ਪੋਸਟ ਕਰ ਲਿਖਿਆ, ਸੰਤ ਮਹਾਰਾਜ ਅਜੀਤ ਸਿੰਘ ਜੀ ਹੰਸਾਲੀ ਵਾਲਿਆਂ ਦੀਆਂ ਬੇਅੰਤ ਕਿਰਪਾ ਨਾਲ ਸਾਡੀ ਪੂਰੀ ਟੀਮ ਨੇ ਸੰਤ ਪਰਮਜੀਤ ਸਿੰਘ ਜੀ ਤੋਂ ਅਸੀਸਾਂ ਲਈਆਂ ਅਤੇ ਗੁਰਦੁਆਰਾ ਸਿੰਘ ਸ਼ਹੀਦਾਂ ਸੋਹਾਣਾ ਸਾਹਿਬ ਵਿੱਚ ਵੀ ਦਰਸ਼ਨ ਕਰਕੇ ਅਸੀਸਾਂ ਪ੍ਰਾਪਤ ਕੀਤੀਆਂ। ਅੱਜ ਅਸੀਂ ਨਿਮਰਤਾ ਨਾਲ ਹੋਰ 10 ਟ੍ਰੈਕਟਰਾਂ ਦੀ ਸੇਵਾ ਸਮਰਪਿਤ ਕਰ ਰਹੇ ਹਾਂ, ਜੋ ਕਿ ਬਾਬਾ ਸਤਨਾਮ ਸਿੰਘ ਜੀ (ਕਾਰ ਸੇਵਾ ਗੁਰੂ ਕੇ ਬਾਗ ਵਾਲਿਆਂ) ਦੀ ਰਹਿਨੁਮਾਈ ਵਿੱਚ ਲੋੜਵੰਦਾਂ ਲਈ ਭੇਜੇ ਜਾ ਰਹੇ ਹਨ। ਇਹ ਟ੍ਰੈਕਟਰ ਹੜ੍ਹਾਂ ਨਾਲ ਪ੍ਰਭਾਵਿਤ ਇਲਾਕਿਆਂ ਵਿੱਚ ਤੇ ਹੋਰ ਜਿੱਥੇ ਵੀ ਲੋੜ ਹੋਵੇ, ਹੜ੍ਹਾਂ ਤੋਂ ਬਾਅਦ ਵੀ , ਸੇਵਾ ਲਈ ਵਰਤੇ ਜਾਣਗੇ।
ਲਿੰਕ ‘ਤੇ ਕਲਿੱਕ ਕਰਕੇ ਦੇਖੋ ਪੋਸਟ; https://www.instagram.com/reel/DO2WQtAkuht/?utm_source=ig_web_copy_link
ਦੱਸ ਦੇਈਏ ਕਿ ਮਨਕੀਰਤ ਔਲਖ ਪ੍ਰਭਾਵਿਤ ਲੋਕਾਂ ਨੂੰ ਸਹਾਇਤਾ ਅਤੇ ਦਿਲਾਸਾ ਪ੍ਰਦਾਨ ਕਰਨ ਲਈ ਰਾਹਤ ਟੀਮਾਂ ਦੇ ਨਾਲ ਲਗਾਤਾਰ ਕੰਮ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਵੀ ਗਾਇਕ ਵੱਲੋਂ ਟਰੈਕਟਰ ਦਾਨ ਕੀਤੇ ਗਏ ਸਨ।
