ਮਨੀਕਰਨ ਵਿੱਚ ਅੱਗ ਦਾ ਕਹਿਰ: ਦੋ ਘਰ ਸੁਆਹ, ਦੋ ਪਰਿਵਾਰ ਬੇਘਰ
Latest News: ਕੁੱਲੂ ਦੇ ਧਾਰਮਿਕ ਅਤੇ ਸੈਲਾਨੀ ਨਗਰੀ ਮਨੀਕਰਨ ਵਿੱਚ ਸ਼ਨੀਵਾਰ ਦੇਰ ਰਾਤ ਭਿਆਨਕ ਅੱਗ ਲੱਗਣ ਕਾਰਨ ਦੋ ਘਰ ਪੂਰੀ ਤਰ੍ਹਾਂ ਸੜ ਕੇ ਸੁਆਹ ਹੋ ਗਏ। ਅਚਾਨਕ ਲੱਗੀ ਇਸ ਅੱਗ ਨੇ ਪਲਕ ਝਪਕਦੇ ਹੀ ਦੋ ਪਰਿਵਾਰਾਂ ਦਾ ਸਾਰਾ ਘਰੇਲੂ ਸਾਮਾਨ ਨਾਸ਼ ਕਰ ਦਿੱਤਾ, ਜਿਸ ਕਾਰਨ ਦੋਵੇਂ ਪਰਿਵਾਰ ਇਸ ਵੇਲੇ ਬੇਘਰ ਹੋ ਚੁੱਕੇ ਹਨ।
ਦੇਰ ਰਾਤ ਲੱਗੀ ਅੱਗ, ਲੋਕਾਂ ਅਤੇ ਫਾਇਰ ਬ੍ਰਿਗੇਡ ਨੇ ਮਿਲ ਕੇ ਕਾਬੂ ਕੀਤਾ
ਸੂਚਨਾ ਮਿਲਦੇ ਹੀ ਆਸਪਾਸ ਦੇ ਵਸਨੀਕ ਮੌਕੇ ‘ਤੇ ਇਕੱਠੇ ਹੋਏ ਅਤੇ ਅੱਗ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ। ਫਾਇਰ ਬ੍ਰਿਗੇਡ ਦੀ ਟੀਮ ਵੀ ਤੁਰੰਤ ਪਹੁੰਚੀ ਅਤੇ ਪਿੰਡ ਵਾਸੀਆਂ ਨਾਲ ਮਿਲ ਕੇ ਕਾਫ਼ੀ ਮਿਹਨਤ ਤੋਂ ਬਾਅਦ ਲਗਭਗ ਰਾਤ ਇੱਕ ਵਜੇ ਅੱਗ ‘ਤੇ ਕਾਬੂ ਪਾ ਲਿਆ ਗਿਆ।
ਘਰ ਮਾਲਕਾਂ ਦੇ ਨਾਮ ਸਾਹਮਣੇ
ਰਿਪੋਰਟਾਂ ਮੁਤਾਬਕ, ਸੜੇ ਘਰ ਚੁੰਨੀ ਲਾਲ ਅਤੇ ਭਾਗ ਚੰਦ ਦੇ ਸਨ। ਦੋਵੇਂ ਪਰਿਵਾਰਾਂ ਦਾ ਸਾਰਾ ਸਾਮਾਨ ਅੱਗ ਦੀ ਭੇਟ ਚੜ੍ਹ ਗਿਆ ਹੈ। ਅੱਗ ਦੇ ਕਾਰਣਾਂ ਬਾਰੇ ਅਜੇ ਤੱਕ ਕੋਈ ਪੱਕੀ ਜਾਣਕਾਰੀ ਸਾਹਮਣੇ ਨਹੀਂ ਆਈ।
ਸਮਾਜ ਸੇਵਕ ਸ਼ੇਰਾ ਨੇਗੀ ਨੇ ਦੱਸਿਆ ਕਿ ਅੱਗ ਬਹੁਤ ਤੇਜ਼ੀ ਨਾਲ ਫੈਲੀ ਸੀ ਅਤੇ ਘਰਾਂ ਨੂੰ ਨੁਕਸਾਨ ਤੋਂ ਬਚਾਉਣਾ ਮੁਸ਼ਕਲ ਹੋ ਗਿਆ ਸੀ।ਇਲਾਕਾ ਵਾਸੀਆਂ ਨੇ ਪ੍ਰਸ਼ਾਸਨ ਤੋਂ ਤੁਰੰਤ ਮਦਦ ਅਤੇ ਪੀੜਤ ਪਰਿਵਾਰਾਂ ਦੀ ਰਿਹਾਇਸ਼ ਲਈ ਇੰਤਜ਼ਾਮ ਕਰਨ ਦੀ ਮੰਗ ਕੀਤੀ ਹੈ।
