ਗੁਰਦਾਸਪੁਰ ਵਿੱਚ ਭਿਆਨਕ ਸੜਕ ਹਾਦਸਾ: ਤੇਜ਼ ਰਫ਼ਤਾਰ ਟਿੱਪਰ ਨੇ ਖੜੀ ਕਾਰ ਨੂੰ ਮਾਰੀ ਜਬਰਦਸਤ ਟੱਕਰ, ਮਾਂ-ਬੇਟਾ ਬਾਲ–ਬਾਲ ਬਚੇ
Latest News: ਗੁਰਦਾਸਪੁਰ ਦੇ ਤਿਬੜੀ ਰੋਡ ‘ਤੇ ਉਸ ਵੇਲੇ ਦਹਿਲਾ ਦੇਣ ਵਾਲਾ ਸੜਕ ਹਾਦਸਾ ਵਾਪਰ ਗਿਆ ਜਦੋਂ ਇੱਕ ਤੇਜ਼ ਰਫ਼ਤਾਰ ਟਿੱਪਰ ਨੇ ਸਾਈਡ ‘ਤੇ ਖੜੀ ਕਾਰ ਨੂੰ ਜਬਰਦਸਤ ਟੱਕਰ ਮਾਰ ਦਿੱਤੀ। ਕਾਰ ਵਿਚ ਮੌਜੂਦ ਮਾਂ–ਬੇਟੇ ਦੀ ਜਾਨ ਤਾਂ ਬਚ ਗਈ, ਪਰ ਵਾਹਨ ਬੁਰੀ ਤਰ੍ਹਾਂ ਤਬਾਹ ਹੋ ਗਿਆ।
ਸਤਸੰਗ ਲਈ ਜਾ ਰਹੇ ਸਨ, ਚੌਂਕ ‘ਤੇ ਕਰ ਰਹੇ ਸਨ ਇੰਤਜ਼ਾਰ
ਹਾਦਸੇ ਬਾਰੇ ਜਾਣਕਾਰੀ ਦਿੰਦਿਆਂ ਸ਼ਕੁੰਤਲਾ ਦੇਵੀ ਨੇ ਦੱਸਿਆ ਕਿ ਉਹ ਆਪਣੇ ਬੇਟੇ ਸਮੇਤ ਸਤਸੰਗ ਲਈ ਬਟਾਲਾ ਜਾ ਰਹੇ ਸਨ। ਰਸਤੇ ਵਿੱਚ ਤਿਬੜੀ ਰੋਡ ਦੇ ਚੌਂਕ ‘ਤੇ ਕਿਸੇ ਦਾ ਇੰਤਜ਼ਾਰ ਕਰ ਰਹੇ ਸਨ। ਇਸੇ ਦੌਰਾਨ ਇੱਕ ਤੇਜ਼ ਰਫ਼ਤਾਰ ਟਿੱਪਰ ਨੇ ਅਚਾਨਕ ਕਾਰ ਨੂੰ ਪਿਛੋਂ ਟੱਕਰ ਮਾਰ ਦਿੱਤੀ।
ਉਨ੍ਹਾਂ ਕਿਹਾ ਕਿ—“ਸਾਡੇ ਨੂੰ ਸਮਝ ਹੀ ਨਹੀਂ ਪਈ ਤੇ ਟਿੱਪਰ ਸਿੱਧਾ ਸਾਡੀ ਖੜੀ ਕਾਰ ਨਾਲ ਟਕਰਾ ਗਿਆ। ਵਾਹਿਗੁਰੂ ਦੀ ਮੇਹਰ ਨਾਲ ਅਸੀਂ ਬਚ ਗਏ ਪਰ ਕਾਰ ਪੂਰੀ ਤਰ੍ਹਾਂ ਨੁਕਸਾਨੀ ਹੋ ਗਈ।”
ਟਿੱਪਰ ਚਾਲਕ ਸ਼ਾਇਦ ਨਸ਼ੇ ਵਿੱਚ — ਪਰਿਵਾਰ ਦਾ ਦੋਸ਼
ਸ਼ਕੁੰਤਲਾ ਦੇਵੀ ਨੇ ਦੱਸਿਆ ਕਿ ਜਦੋਂ ਟਿੱਪਰ ਚਾਲਕ ਹੇਠਾਂ ਉਤਰਾ, ਤਾਂ ਉਸਦੀਆਂ ਅੱਖਾਂ ਬਿਲਕੁਲ ਬਣੀਆਂ ਹੋਈਆਂ ਸਨ, ਜਿਸ ਨਾਲ ਸ਼ੱਕ ਪੈਦਾ ਹੋਇਆ ਕਿ ਸ਼ਾਇਦ ਉਹ ਨਸ਼ੇ ਦੀ ਹਾਲਤ ਵਿੱਚ ਗੱਡੀ ਚਲਾ ਰਿਹਾ ਸੀ।
ਉਨ੍ਹਾਂ ਕਿਹਾ ਕਿ ਅਕਸਰ ਸੜਕ ਹਾਦਸਿਆਂ ਦਾ ਮੁੱਖ ਕਾਰਨ ਜਾਂ ਤਾਂ ਨੀਂਦ ਕਰਕੇ ਜਾਂ ਫਿਰ ਨਸ਼ੇ ਦੀ ਹਾਲਤ ਵਿੱਚ ਵਾਹਨ ਚਲਾਉਣਾ ਹੁੰਦਾ ਹੈ। ਇਹ ਹਾਦਸਾ ਵੀ ਉਸੀ ਬੇਧਿਆਨੀ ਦਾ ਨਤੀਜਾ ਲੱਗਦਾ ਹੈ।
ਕਾਰ ਤਬਾਹ, ਪਰ ਜਾਨ ਬਚੀ — ਵੱਡੀ ਗਨੀਮਤ
ਟੱਕਰ ਇਤਨੀ ਜ਼ਬਰਦਸਤ ਸੀ ਕਿ ਕਾਰ ਦਾ ਪਿਛਲਾ ਹਿੱਸਾ ਪੁਰੀ ਤਰ੍ਹਾਂ ਤਬਾਹ ਹੋ ਗਿਆ। ਹਾਲਾਂਕਿ ਮਾਂ-ਬੇਟਾ ਦੋਵੇਂ ਸੁਖੀ ਹਨ, ਜੋ ਕਿ ਇਕ ਵੱਡੀ ਗਨੀਮਤ ਹੈ।
